સોશિયલ મીડિયા પર એક ચોંકાવનારો કિસ્સો સામે આવ્યો છે જ્યાં એક મહિલાએ વીડિયો શેર કરીને પોતાનું દુઃખ વ્યક્ત કર્યું છે. તેનો દાવો છે કે ₹65,000નું ભારે વાર્ષિક પ્રીમિયમ ભરવા છતા વીમા કંપનીએ તેના હોસ્પિટલના ક્લેમને એમ કહીને રિજેક્ટ કરી દીધો કે તાવ તો ઘરે પણ સારો થઇ શકતો હોતો. આ વીડિયા સામે આવ્યા પછી ઇન્ટરનેટ પર લોકોનો રોષ વધી ગયો છે.
હાલમાં સોશિયલ મીડિયા પર એક વીડિયો ઝડપથી વાયરલ થઈ રહ્યો છે જેમાં એક મહિલા પોતાની આપવીતી જણાવતા પરેશાન દેખાય રહી છે. તેણે જણાવ્યું કે તેણે એક મોટી કંપની સાથે આરોગ્ય વીમા પોલિસી લીધી છે અને દર વર્ષે ₹65,000નું પ્રીમિયમ સમયસર ભરે છે. તાજેતરમાં, તેની તબિયત ખૂબ ખરાબ થઇ ગઈ હતી, અને તેને ખૂબ તાવને કારણે હોસ્પિટલમાં દાખલ કરવી પડી હતી; ડૉક્ટરોની સલાહ પર તેને દાખલ કરવી પડી હતી. જો કે, વાસ્તવિક મુશ્કેલી ત્યારે શરૂ થઈ જ્યારે ડિસ્ચાર્જનો સમય આવ્યો અને બિલ વીમા કંપનીને મોકલવામાં આવ્યું.
https://twitter.com/PradeepMaikhur3/status/2066134237724782844?s=20
દર્દીના પરિવારના આશા હતી કે, કેશલેસ સુવિધા બધુ સરળતાથી થઇ જશે, પરંતુ વીમા કંપનીએ ક્લેમ સંપૂર્ણપણે રિજેક્ટ કરી દીધો. જ્યારે મહિલાએ તેનું કારણ પૂછ્યું, ત્યારે કંપનીનો જવાબ હેરાન કરી દેનારો હતો. કંપનીનું કહેવું હતું કે ખૂબ તાવ માટે હોસ્પિટલમાં દાખલ થવાની કોઈ જરૂર નહોતી, આ બીમારી તો ઘરે રહીને દવા ખાવાથી પણ સારી થઇ શકતી હતી. કંપનીના આ વિચિત્ર તર્કથી મહિલા સ્તબ્ધ થઈ ગઈ. તેણે હોસ્પિટલના બેડ પરથી જ એક વીડિયો બનાવીને કંપનીની હરકત દુનિયા સામે રાખી દીધી.
જેવો જ આ વીડિયો ઇન્ટરનેટ પર આવ્યો, લોકોએ ઘડાઘડ શેર કરવાનો શરૂ કરી દીધો, અમે કોમેન્ટ બોક્સમાં વપરાશકર્તાઓનો ગુસ્સો સ્પષ્ટપણે જોવા મળ્યો. લોકો કહી રહ્યા છે કે વીમા કંપનીઓ પૈસા હડપવા માટે મોટા-મોટા વચનો આપે છે પરંતુ જ્યારે હકીકતમાં કોઇને જરૂર હોય ત્યારે તેઓ નાના નિયમ અને શરતોનો સંદર્ભ આપીને મોઢું ફેરવી લે છે. ઘણા લોકોએ પોતાની સાથે થયેલા આવા અકસ્માતોની અનુભવ શેર કર્યા છે. સોશિયલ મીડિયા પર લોકો હવે કંપનીને ખૂબ ટ્રોલ કરી રહ્યા છે અને માંગ કરી રહ્યા છે કે સરકાર આવા કેસો માટે કડક નિયમો બનાવે.
3.jpg)
