BCCIના સેન્ટ્રલ કોન્ટ્રાક્ટની જાહેરાત, 34 ખેલાડીઓને લિસ્ટમાં, રોહિત-કોહલી સહિત 4 ખેલાડીને A+ કોન્ટ્રાક્ટ

તમે જેની રાહ જોતા હતા તે સમય આવી ગયો. ભારતીય ક્રિકેટ કંટ્રોલ બોર્ડ (BCCI)નો બહુપ્રતિક્ષિત કેન્દ્રીય કરાર બહાર પડી ગયો છે. 21 એપ્રિલના રોજ, 2024-25 સીઝન માટે ભારતીય સિનિયર પુરુષ ટીમના વાર્ષિક કરારની જાહેરાત કરવામાં આવી હતી. હંમેશની જેમ, ખેલાડીઓને A+, A, B અને C શ્રેણીઓમાં વિભાજિત કરવામાં આવ્યા છે.

શ્રેયસ ઐયર અને ઈશાન કિશન કોન્ટ્રાક્ટ લિસ્ટમાં પાછા ફર્યા છે જ્યારે રિષભ પંત હવે ગ્રેડ Aમાં છે. રોહિત શર્મા, વિરાટ કોહલી, જસપ્રીત બુમરાહ અને રવિન્દ્ર જાડેજાને ટોચની એટલે કે A+ કેટેગરીમાં મૂકવામાં આવ્યા છે. વરુણ ચક્રવર્તી, અભિષેક શર્મા, નીતિશ રાણા, હર્ષિત રાણા, સરફરાઝ ખાન અને ધ્રુવ જુરેલ જેવા નવા ખેલાડીઓને પણ કરારમાં સામેલ કરવામાં આવ્યા છે.

ભારતીય ક્રિકેટ કંટ્રોલ બોર્ડ (BCCI)એ 2024-25 માટે વાર્ષિક કરારમાં કુલ 34 ખેલાડીઓને તક આપી છે. BCCI કોન્ટ્રાક્ટ યાદીમાંથી બહાર થયાના એક વર્ષ પછી, ઇશાન કિશન અને શ્રેયસ ઐયરે પુનરાગમન કર્યું, કારણ કે BCCIએ તેમને 2024/25 સીઝન માટે સેન્ટ્રલ કોન્ટ્રાક્ટ યાદીમાંથી બહાર કર્યા હતા.

ગ્રેડ A+ કેટેગરીમાં રોહિત શર્મા, વિરાટ કોહલી, રવિન્દ્ર જાડેજા અને જસપ્રીત બુમરાહ ચાર ક્રિકેટરો છે. જો કે, રોહિત, વિરાટ અને જાડેજાએ 2024 વર્લ્ડ કપ પછી T20 ફોર્મેટમાંથી નિવૃત્તિ લીધી હોવાથી, તેમને ટોચની શ્રેણીમાં સામેલ થવાની અપેક્ષા નહોતી. સામાન્ય રીતે, આ શ્રેણીમાં ફક્ત તે ખેલાડીઓનો સમાવેશ થાય છે જે ત્રણેય ફોર્મેટમાં નિયમિત હોય છે. આ ત્રણેય ખેલાડીઓએ ટેસ્ટ અને વનડે ક્રિકેટ રમવાનું ચાલુ રાખ્યું છે.

સેન્ટ્રલ કોન્ટ્રાક્ટ મેળવનાર ખેલાડીઓની યાદીઃ રોહિત શર્મા, વિરાટ કોહલી, જસપ્રિત બુમરાહ, રવિન્દ્ર જાડેજા (A+ કેટેગરી), મોહમ્મદ સિરાજ, KL રાહુલ, શુભમન ગિલ, હાર્દિક પંડ્યા, મોહમ્મદ શમી, રિષભ પંત (A કેટેગરી), સૂર્યકુમાર યાદવ, કુલદીપ યાદવ, અક્ષર પટેલ, યશસ્વી જયસ્વાલ, શ્રેયસ ઐયર (B કેટેગરી), રીન્કુ સિંહ, તિલક વર્મા, રુતુરાજ ગાયકવાડ, શિવમ દુબે, રવિ બિશ્નોઈ, વોશિંગ્ટન સુંદર, મુકેશ કુમાર, સંજુ સેમસન, અર્શદીપ સિંહ, પ્રસિદ્ધ કૃષ્ણ, રજત પાટીદાર, ધ્રુવ જુરેલ, સરફરાઝ ખાન, નીતિશ કુમાર રેડ્ડી, ઈશાન કિશન, અભિષેક શર્મા, આકાશદીપ, વરુણ ચક્રવર્તી (C કેટેગરી).