19 એપ્રિલની રાત IPL 2025 માટે ઐતિહાસિક હતી. 14 વર્ષનો વૈભવ સૂર્યવંશી ટુર્નામેન્ટના ઇતિહાસમાં રમનાર સૌથી નાની ઉંમરનો ખેલાડી બન્યો. રાજસ્થાન રોયલ્સે લખનઉ સુપર જાયન્ટ્સ સામે આ ડાબોડી બેટ્સમેનને મેદાનમાં ઉતાર્યો હતો. વૈભવે પોતાની કારકિર્દીની શરૂઆત, પહેલા જ બોલ પર જોરદાર સિક્સર ફટકારીને કરી હતી.
સંજુ સેમસન ફિટ ન હોવાને કારણે આ મેચમાં રિયાન પરાગે ટીમનું નેતૃત્વ કર્યું હતું. જ્યારે, વૈભવને ઇમ્પેક્ટ પ્લેયર તરીકે રમવાની તક મળી. આ સમય દરમિયાન, વૈભવ IPLમાં ડેબ્યૂ કર્યા પછી માત્ર ચમક્યો જ નહીં, પરંતુ 3 મોટા રેકોર્ડ પણ તોડ્યા.
વૈભવ સૂર્યવંશીએ પોતાની પહેલી મેચમાં 20 બોલમાં બે ચોગ્ગા અને ત્રણ છગ્ગાની મદદથી 34 રન બનાવ્યા હતા. તેના રન 170.00ના સ્ટ્રાઇક રેટથી આવ્યા. 181 રનના લક્ષ્યાંકનો પીછો કરતી વખતે તેણે યશસ્વી જયસ્વાલ સાથે 85 રનની ભાગીદારી પણ કરી. આ મેચમાં વૈભવ સૂર્યવંશીએ એક-બે નહીં પરંતુ ચાર મોટા રેકોર્ડ પોતાના નામે કર્યા. ચાલો તમને વૈભવના કારનામાઓ વિશે જણાવી દઈએ...
વૈભવ સૂર્યવંશી 14 વર્ષ અને 23 દિવસની ઉંમરે 2008માં શરૂ થયેલી IPLમાં ડેબ્યૂ કરનાર સૌથી નાની ઉંમરનો ખેલાડી છે. સૂર્યવંશીએ પ્રયાસ રે બર્મનનો રેકોર્ડ તોડ્યો, જેમણે 2019માં 16 વર્ષ અને 157 દિવસની ઉંમરે IPLમાં ડેબ્યૂ કર્યું હતું. તે રોયલ ચેલેન્જર્સ બેંગ્લોરનો ભાગ હતો.
વૈભવ સૂર્યવંશી IPLમાં છગ્ગો ફટકારનાર સૌથી યુવા બેટ્સમેન બન્યો છે. 19 એપ્રિલ પહેલા આ રેકોર્ડ RR તરફથી રમતા રિયાન પરાગના નામે હતો. પરાગે 17 વર્ષ અને 161 દિવસની ઉંમરે છગ્ગો ફટકાર્યો હતો.
વૈભવ સૂર્યવંશીના નામે IPLમાં સૌથી નાની ઉંમરે ફોર (ચોગ્ગો)ફટકારવાનો રેકોર્ડ પણ છે. 19 એપ્રિલ પહેલા, આ રેકોર્ડ પ્રયાસ રે બર્મનના નામે હતો. RCB માટે ડેબ્યૂ કરનાર પ્રસિદ્ધે છ વર્ષ સુધી આ રેકોર્ડ પોતાના નામે રાખ્યો હતો.
આ ઉપરાંત, વૈભવ સૂર્યવંશી હવે ઓસ્ટ્રેલિયાના રોબ ક્વિની, વેસ્ટ ઈન્ડિઝના કેવોન કૂપર, આન્દ્રે રસેલ, કાર્લોસ બ્રેથવેટ, જેવોન સિયરલ્સ, ભારતના અનિકેત ચૌધરી, સિદ્ધેશ લાડ, સમીર રિઝવી અને શ્રીલંકાના મહિષ તીક્ષણા જેવા ખેલાડીઓની યાદીમાં જોડાઈ ગયો છે, જેમણે પહેલા જ બોલ પર સિક્સર ફટકારીને પોતાની IPL કારકિર્દીની શરૂઆત કરી હતી.
રાહુલ ગાંધીના નિવેદનો જ કોંગ્રેસ પક્ષને હરાવે ડૂબાડે છે 
.jpg)
