અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ડાન્સનો એક વીડિયો હાલમાં ખૂબ જ ઝડપથી વાયરલ થઈ રહ્યો છે. જેણે માત્ર અમેરિકન લોકોનું જ નહીં પરંતુ સમગ્ર વિશ્વનું ધ્યાન તેમની તરફ ખેંચ્યું છે. તેનું સૌથી મોટું કારણ એ છે કે, અમેરિકામાં રાષ્ટ્રપતિની ચૂંટણી નવેમ્બરમાં યોજાવાની છે. જેના માટે ડોનાલ્ડ ટ્રમ્પ મેદાનમાં છે, જ્યારે કમલા હેરિસ તેમના વિરોધી તરીકે સામે છે. ટ્રમ્પના ડાન્સનો આવો વિડિયો સામે આવવાથી લોકોને ઘણું આકર્ષી રહ્યું છે.
શુક્રવારે વોશિંગ્ટન DCમાં આયોજિત એક જાહેર કાર્યક્રમમાં અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પના ડાન્સ મૂવ્સે સોશિયલ મીડિયા પર ધૂમ મચાવી દીધી છે. 78 વર્ષના ટ્રમ્પએ વોશિંગ્ટન DCમાં વાર્ષિક મોમ્સ ફોર લિબર્ટી ઇવેન્ટમાં જૂથના સહ-સ્થાપક સાથે સ્ટેજ પર ડાન્સ કર્યો.
ત્યાર પછી ટ્રમ્પના એક સમર્થકે વિડિયો સાથે પોસ્ટ કર્યું અને લખ્યું, 'ટ્રમ્પે તેમના પ્રભાવશાળી ડાન્સ મૂવ્સ સાથે મોમ્સ ફોર લિબર્ટી ઇવેન્ટનું સમાપન કર્યું! માતાઓ ડોનાલ્ડ ટ્રમ્પને પ્રેમ કરે છે! કમલા (હેરિસ) ચોક્કસપણે નથી ઈચ્છતી કે તમે આ શેર કરો!'
Moms for Liberty, એક રાષ્ટ્રીય જૂથ જે રૂઢિચુસ્ત વર્તુળોમાં આગળ વધ્યું છે, સમગ્ર યુનાઇટેડ સ્ટેટ્સમાં શાળાના અભ્યાસક્રમને પ્રભાવિત કરવાના પ્રયાસોમાં મોખરે છે. સંસ્થાએ વર્ગખંડોમાંથી LGBTQ+ ઓળખના સંદર્ભો અને માળખાકીય જાતિવાદની ચર્ચાઓને દૂર કરવાની પહેલ કરી છે.
રિપબ્લિકન પ્રમુખપદના ઉમેદવારે આ વિષયોથી સંબંધિત મુદ્દાઓ પર ચર્ચા કરી અને તીક્ષ્ણ રાજકીય ટિપ્પણીઓ કરવામાં શરમાયા નહીં. ખાસ કરીને અમેરિકી ઉપરાષ્ટ્રપતિ કમલા હેરિસને નિશાન બનાવ્યા હતા.
?TRUMP JUST ENDED HIS MOMS FOR LIBERTY EVENT WITH HIS IMPRESSIVE DANCE MOVES!
— Bo Loudon (@BoLoudon) August 31, 2024
MOMS LOVE DONALD TRUMP!
Kamala definitely doesn't want you to share this! pic.twitter.com/EV5BNLsyKM
તેમના સંબોધનમાં ટ્રમ્પે તેમને 'ખામીયુક્ત વ્યક્તિ' કહ્યા. તેઓએ મીડિયામાં તેમની મર્યાદિત હાજરી પર પણ આશ્ચર્ય વ્યક્ત કર્યું, સૂચવે છે કે, તેમની મુલાકાતોનો અભાવ એ નેતા તરીકેની તેમની ખામીઓનું સૂચક છે. ટ્રમ્પે કહ્યું, 'મને આશ્ચર્ય છે કે તેમણે ઘણા બધા ઇન્ટરવ્યુ કર્યા નથી, પરંતુ મને લાગે છે કે તેઓ તેમાં સારી નથી.' US પ્રમુખપદની ચૂંટણી આ વર્ષે નવેમ્બરમાં યોજાવાની છે અને મોટાભાગે ડોનાલ્ડ ટ્રમ્પ અને કમલા હેરિસ વચ્ચે સીધી લડાઈ તરીકે જોવામાં આવે છે.
-copy36.jpg)
