15,000 રૂપિયા સુધીના બજેટમાં નવો ફોન શોધી રહેલા ગ્રાહકો માટે Lavaએ એક નવો બજેટ સ્માર્ટફોન લોન્ચ કર્યો છે. ‘Lava Bold 2 5G’ની મુખ્ય વિશેષતાઓની વાત કરીએ તો આ ફોન MediaTek Dimensity પ્રોસેસર સાથે લાવવામાં આવ્યો છે, જેનો AnTuTu સ્કોર 500,000થી વધુ છે. આટલું જ નહીં, આ ફોનમાં 6GB RAM ઉપરાંત, ફોન 6GB વર્ચ્યૂઅલ RAMનો પણ સપોર્ટ મળે છે.
સુરક્ષા માટે ફોનમાં ઇન-ડિસ્પ્લે ફિંગરપ્રિન્ટ સેન્સર પણ છે. સાથે જ, અ ફોન નો-બ્લોટવેર એક્સપિરિયન્સ ઓફર પ્રદાન કરે છે. Lava બ્રાન્ડના આ લેટેસ્ટ સ્માર્ટફોનની કિંમત શું છે? વેચાણ ક્યારે શરૂ થશે? અને આ ફોનમાં અન્ય કયા-કયા ફીચર્સ આપવામાં આવ્યા છે? ચાલો જાણીએ.
https://twitter.com/LavaMobile/status/2032347111824769130?s=20
Lava Bold 2 5Gની ભારતમાં કિંમત
આ લેટેસ્ટ Lava મોબાઇલ ફોન 6GB RAM અને 128GB સ્ટોરેજ વેરિયન્ટને 12,999 રૂપિયાની કિંમતે લોન્ચ કરવામાં આવ્યો છે. આ કિંમતમાં બેંક ઓફર્સનો પણ સમાવેશ થાય છે, એટલે કે બેંક ઓફર્સનો લાભ મેળવ્યા બાદ તમે આ પ્રાઇઝમાં ફોન ખરીદી શકશો.
ઉપલબ્ધતાની વાત કરીએ તો, આ ફોનનું વેચાણ 19 માર્ચે બપોરે 12:00 વાગ્યે શરૂ થશે. તમે આ ફોનને ઈ-કોમર્સ પ્લેટફોર્મ એમેઝોન દ્વારા ખરીદી શકશો. આ ફોનને મિડનાઈટ બ્લેક અને ફેધર વ્હાઇટ બે રંગ વિકલ્પોમાં ખરીદી શકશો. સ્પર્ધાની વાત કરીએ તો, આ પ્રાઇઝ રેન્જમાં, લાવાનો નવો ફોન MOTOROLA g57 Power 5G, REDMI Note 14 SE 5G, POCO M7 Plus 5G, Samsung Galaxy F06 5G અને vivo T4x 5Gને સખત ટક્કર આપી શકે છે.
Lava Bold 2 5Gના સ્પેસિફિકેશન્સ
ડિસ્પ્લે: આ લેટેસ્ટ સ્માર્ટફોનમાં 120Hz રિફ્રેશ રેટ સપોર્ટ સાથે 6.67-ઇંચ ફુલ HD+ AMOLED ડિસ્પ્લે મળશે.
ચિપસેટ: આ હેન્ડસેટમાં 2.6 GHz સાથે MediaTek ડાયમેન્સિટી 7060 પ્રોસેસર મળશે.
કેમેરા સેટઅપ: ફોનના પાછળના ભાગમાં 50-મેગાપિક્સલનો AI સોની કેમેરા સેન્સર મળશે.
બેટરી ક્ષમતા: 33W ફાસ્ટ ચાર્જિંગ સપોર્ટ સાથે 5000 mAh બેટરી, ફોનને પાવર આપે છે.
ઓપરેટિંગ સિસ્ટમ: લાવા બ્રાન્ડનો આ લેટેસ્ટ ફોન એન્ડ્રોઇડ 15 ઓપરેટિંગ સિસ્ટમ પર કામ કરે છે.
1.jpg)
