iQOO Z11 5G લોન્ચ, 7050 mAh બેટરી, MediaTek પ્રોસેસર અને 144Hz AMOLED ડિસ્પ્લે

iQOOએ થોડા દિવસ પહેલા તેનો નવો iQOO Z11 5G ફોન લોન્ચ કર્યો છે, જે આજે, 25 ઓગસ્ટના રોજ વેચાણ માટે ઉપલબ્ધ થયો છે. આ ઉપકરણ મિડ-રેન્જ સ્માર્ટફોન સેગમેન્ટમાં મળી રહ્યો છે. તે AI-સંચાલિત ઉત્પાદકતા સાધનો, ઉચ્ચ-સ્તરીય હાર્ડવેર અને મોટી બેટરીને જોડે છે. ફોનમાં કોલેજના વિદ્યાર્થીઓ અને યુવા વપરાશકર્તાઓ માટે ઘણી મુખ્ય સુવિધાઓ આપવામાં આવેલી છે.

આ ફોનમાં MediaTek Dimensity 7500 Turbo ચિપસેટ, 144Hz કર્વ્ડ AMOLED ડિસ્પ્લે અને મોટી 7,050 mAh બેટરી આપેલી છે. ફોનમાં ટ્રાન્સક્રિપ્શન, ટ્રાન્સલેશન અને ડોક્યુમેન્ટ પ્રોસેસિંગ માટે AI સુવિધાઓ પણ પ્રદાન કરવામાં આવી છે. આ ફોનમાં વધારે સારી ડ્યુરેબિલીટી માટે IP68 અને IP69 રેટિંગ પણ આપવામાં આવ્યા છે. તો ચાલો પહેલા તેની કિંમત વિશે જાણી લઇએ...

કિંમતની વાત કરીએ તો, iQOO Z11 5G ચાર વેરિઅન્ટમાં આવે છે, 6GB+ 128GB વેરિઅન્ટની કિંમત રૂ. 34,999 છે, 8GB+ 128GB વેરિઅન્ટની કિંમત રૂ. 39,999 છે, અને 8GB+ 256GB મોડેલની કિંમત રૂ. 44,999 છે. ફોનના ટોપ-એન્ડ 12GB+ 256GB વેરિઅન્ટની કિંમત રૂ. 49,999 છે.

આ ડિવાઇસ સેલેસ્ટિયલ બ્લુ અને ઓરોરા ગ્રીન કલર વિકલ્પોમાં ખરીદી શકાય છે. તે iQOO E-સ્ટોર, એમેઝોન ઈન્ડિયા, વિવો એક્સક્લુઝિવ સ્ટોર્સ અને પસંદગીના રિટેલ આઉટલેટ્સ પરથી ખરીદી શકાય છે.

લૉન્ચ ઑફર્સમાં પસંદગીના બેંક કાર્ડ્સ પર રૂ. 3,000 સુધીનું ઇન્સ્ટન્ટ ડિસ્કાઉન્ટ, રૂ. 1,000 વધારાની  કૂપન અને 6 મહિના સુધી નો-કોસ્ટ EMI વિકલ્પોનો સમાવેશ થાય છે. બેંક ઓફર્સ પછી, ફોનની અસરકારક કિંમતો અનુક્રમે રૂ. 31,499, રૂ. 35,999, રૂ. 40,999 અને રૂ. 45,999 છે.

સ્પષ્ટીકરણની વાત કરીએ તો, iQOO Z11 5Gમાં 6.83-ઇંચ 1.5K કર્વ્ડ AMOLED ડિસ્પ્લે છે, જે 144Hz સુધીના રિફ્રેશ રેટ અને 2,000 nits HBM બ્રાઇટનેસને સપોર્ટ કરે છે. ફોનને પાવર આપવા માટે MediaTek Dimensity 7500 Turbo ચિપસેટ અને સતત કામગીરી માટે 3,800mm2  વેપર ચેમ્બર કૂલિંગ સિસ્ટમ પણ આપવામાં આવ્યું છે.

ફોનમાં ઉત્પાદકતા માટે ટ્રાન્સક્રિપ્શન અને ટ્રાન્સલેશન માટે AI કૅપ્શન્સની સુવિધા પણ આપી છે, જ્યારે AI બનાવટ વપરાશકર્તાઓને દસ્તાવેજોની સમરી બનાવવા, એસાઇન્મેન્ટને વધારે સારું બનાવવા અને નવા આઈડિયા પર વિચાર કરવામાં મદદ કરી શકે છે. આ ઉપરાંત, ફોનમાં 'સર્કલ ટુ સર્ચ 2.0'નો સપોર્ટ પણ મળે છે.

કેમેરાની દ્રષ્ટિએ, ફોનમાં OIS સાથે 50-મેગાપિક્સલનો Sony IMX882 પ્રાથમિક કૅમેરો છે. તેમાં 8-મેગાપિક્સલનો અલ્ટ્રા-વાઇડ-એંગલ લેન્સ પણ છે. સેલ્ફી માટે, ફોનમાં 32-મેગાપિક્સલનો ફ્રન્ટ કેમેરા છે. ડિવાઇસમાં 44W ફ્લેશચાર્જ સપોર્ટ સાથે 7,050mAh બેટરી પણ આપવામાં આવી છે.