અભિનેતા અને કાર શોખીન અજિત કુમારે મહિન્દ્રા BE 6 ફોર્મ્યુલા E એડિશનની ડિલિવરી લઇ લીધી છે. મહિન્દ્રાએ શુક્રવારે તેના ઇન્સ્ટાગ્રામ હેન્ડલ પર આ જાહેરાત કરી છે. મીડિયાના અહેવાલો સૂચવે છે કે, મહિન્દ્રા એન્ડ મહિન્દ્રાએ અજિત કુમારને આ કાર ભેટમાં આપી હતી. કંપનીએ ઇન્સ્ટાગ્રામ પર મહિન્દ્રા BE 6 ફોર્મ્યુલા E એડિશન સાથે અજિત કુમારના ફોટા પોસ્ટ કર્યા.
અજીત કુમાર કાર રેસિંગની દુનિયામાં એક જાણીતું નામ છે. તે એક રેસિંગ ટીમના માલિક પણ છે. મહિન્દ્રાની આ ઇલેક્ટ્રિક કારનું રેસિંગ એડિશન અભિનેતા અજિત કુમારને સંપૂર્ણ રીતે અનુકૂળ આવે છે. અજિત કુમારને કારનો ઘણો શોખ છે અને તેના કલેક્શનમાં એક એકથી ચઢિયાતા વાહનો પણ છે.
મહિન્દ્રા BE 6 ફોર્મ્યુલા E એડિશન ઉપરાંત, અભિનેતા પાસે ફેરારી SF90, પોર્શ 911 GT3 RS અને મેકલેરેન 750S જેવી કાર છે. આ ઉપરાંત, અજિત કુમાર પાસે એક ખાસ કાર, મેકલેરેન સેના હાઇપરકાર પણ ધરાવે છે.
https://www.instagram.com/p/DV05H83DBCS/
BE 6 ફોર્મ્યુલા E એડિશન ચાર કલર વિકલ્પોમાં આવે છે, ટેંગો રેડ, સ્ટીલ્થ બ્લેક, ફાયરસ્ટોર્મ ઓરેન્જ અને એવરેસ્ટ વ્હાઇટ જેવા કલરમાં ખરીદી શકાય છે. અજિત કુમાર ટેંગો રેડ કલર વેરિઅન્ટના માલિક બની ગયા છે. કારની એક્સ-શોરૂમ કિંમત રૂ. 23.69 લાખથી શરૂ થાય છે.
કંપનીએ આ સ્પેશિયલ એડિશન કારને સ્ટાન્ડર્ડ વેરિઅન્ટ કરતાં વધુ આક્રમક બમ્પર આપ્યા છે. તેના આગળ અને પાછળના બંને બમ્પર સ્ટાન્ડર્ડ વેરિઅન્ટથી એકદમ અલગ છે. તેમાં ગોળાકાર હેડલાઇટ્સ પણ આપવામાં આવી છે, જે તેને બીજા કરતા અલગ બનાવે છે. કારમાં બાહ્ય પુડલ લાઇટ્સ પણ આપવામાં આવી છે. આ પુડલ લાઇટ્સ સાઇડ મિરર્સ અથવા દરવાજા પર લગાવવામાં આવે છે અને તે દરવાજા ખોલવા પર પ્રકાશિત થાય છે.
છત અને હૂડમાં બ્રાન્ડના ફોર્મ્યુલા E વારસાથી પ્રેરિત 12-સ્ટ્રીપ ગ્રાફિક્સ આપેલું છે. આ ઇલેક્ટ્રિક વાહન રેસિંગ શ્રેણીમાં કંપની તરફથી 12 વર્ષથી ભાગ લેતી આવી છે. કાર 19-ઇંચ અને 20-ઇંચ એલોય વ્હીલ્સની પસંદગી સાથે આવે છે.
કારની પાછળની ડિઝાઇન પણ સ્ટાન્ડર્ડ વેરિઅન્ટથી અલગ છે. LED ટેલલાઇટ્સ નીચે તરફ આગળ વધતી નથી. તેમાં BE 6ની સાથે પાછળના ભાગમાં ફોર્મ્યુલા E બેજ પણ મળે છે. કારના અંદરના ભાગે પણ તે સ્પેશિયલ એડિશન હોવાની સ્થિતિને સ્પષ્ટપણે દર્શાવે છે.
14.jpg)
