Xiaomiએ આજે ભારતમાં તેની નવી ફ્લેગશિપ સ્માર્ટફોન સિરીઝ, Xiaomi 17 સિરીઝ લોન્ચ કરી છે. આ સિરીઝમાં બે સ્માર્ટફોન શામેલ છે: Xiaomi 17 અને Xiaomi 17 Ultra. બંને સ્માર્ટફોન પ્રીમિયમ છે, જેની કિંમત રૂ. 1 લાખથી ઉપરની છે.
કંપનીએ આ ફોન ખાસ કરીને એવા વપરાશકર્તાઓ માટે ડિઝાઇન કર્યા છે, જેઓ પ્રદર્શન, કેમેરા અને બેટરીના સંદર્ભમાં ફ્લેગશિપ અનુભવ ઇચ્છે છે. આ વખતે, Xiaomiએ કેમેરા ટેકનોલોજી માટે Leica સાથે તેની ભાગીદારીને વધુ મજબૂત બનાવી છે.
Xiaomi 17ની વાત કરીએ તો, તે એક કોમ્પેક્ટ ફ્લેગશિપ ફોન છે. તેમાં 120Hz રિફ્રેશ રેટ અને ઉચ્ચ બ્રાઇટનેસ માટે સપોર્ટ સાથે 6.3-ઇંચ LTPO OLED ડિસ્પ્લે આપવામાં આવ્યો છે.
આ ફોન Qualcommના નવા Snapdragon 8 Elite Gen 5 પ્રોસેસર દ્વારા સંચાલિત છે, જે તેને ખૂબ જ ઝડપી બનાવે છે અને ગેમિંગથી લઈને મલ્ટીટાસ્કિંગ સુધીની દરેક વસ્તુ માટે સરળ અનુભવ પ્રદાન કરે છે.
કેમેરાની વાત કરીએ તો, Xiaomi 17માં Leicaના સહયોગથી વિકસાવવામાં આવેલ ટ્રિપલ 50MP કેમેરા સિસ્ટમ છે. આમાં 50MP મુખ્ય કેમેરા, 50MP અલ્ટ્રા-વાઇડ અને 50MP ટેલિફોટો કેમેરાનો સમાવેશ થાય છે. સેલ્ફી અને વિડીયો કોલ માટે 50MP ફ્રન્ટ કેમેરા ઉપલબ્ધ છે.
આ ફોનમાં 6330mAhની મોટી બેટરી છે, જે 100W વાયર્ડ હાઇપરચાર્જ અને 50W વાયરલેસ ચાર્જિંગને સપોર્ટ કરે છે. કંપનીનો દાવો છે કે, આ બેટરી આખો દિવસ આરામથી ચાલી શકે છે, પછી ભલે વપરાશકર્તા ગેમિંગ કરી રહ્યો હોય, વિડીયો સ્ટ્રીમ કરી રહ્યો હોય કે ફોટા લઈ રહ્યો હોય.
Xiaomi 17 Ultra શ્રેણીનો સૌથી પ્રીમિયમ અને શક્તિશાળી ફોન છે. તેમાં 120Hz રિફ્રેશ રેટ અને 3500 nits સુધી પીક બ્રાઇટનેસ માટે સપોર્ટ સાથે 6.9-ઇંચ OLED ડિસ્પ્લે આપવામાં આવ્યો છે.
આ ફોનમાં સ્નેપડ્રેગન 8 Elite Gen 5 ચિપસેટ પણ છે અને તે Android 16 પર આધારિત HyperOS સાથે આવે છે.
આ ફોનની સૌથી મોટી ખાસિયત તેની કેમેરા સિસ્ટમ છે. Xiaomi 17 Ultraમાં વિશ્વનો પહેલો 1-ઇંચનો LOFIC સેન્સર છે, જે સુધારેલ ગતિશીલ શ્રેણી સાથે ફોટા કેપ્ચર કરવામાં મદદ કરે છે.
આ ઉપરાંત તે Leica-ટ્યુન્ડ કેમેરા સેટઅપ સાથે પણ આવે છે, જેમાં 50MP મુખ્ય કેમેરા, 50MP અલ્ટ્રા-વાઇડ-એંગલ કેમેરા અને 200MP ટેલિફોટો કેમેરાનો સમાવેશ થાય છે. આ ટેલિફોટો કેમેરા 75mmથી 100mm સુધીના મિકેનિકલ ઓપ્ટિકલ ઝૂમને સપોર્ટ કરે છે, જે દૂરની વસ્તુઓને પણ સ્પષ્ટ રીતે કેપ્ચર કરી શકે છે.
આ ફોન વીડિયો રેકોર્ડિંગની દ્રષ્ટિએ પણ ખૂબ અદ્યતન છે. તે ડોલ્બી વિઝન અને 4K 120fps વીડિયો રેકોર્ડિંગ જેવી સુવિધાઓ પ્રદાન કરે છે, જે ખાસ કરીને કન્ટેન્ટસ ક્રીયેટર માટે ઉપયોગી થઈ શકે છે.
બેટરીની વાત કરીએ તો, Xiaomi 17 Ultraમાં 6000mAh બેટરી છે, જે 90W વાયર્ડ અને 50W વાયરલેસ ચાર્જિંગને સપોર્ટ કરે છે.
કિંમતની વાત કરીએ તો, Xiaomi 17 ભારતમાં રૂ. 89,999થી શરૂ થાય છે. Xiaomi 17 Ultraની અસરકારક કિંમત રૂ. 1,29,999થી શરૂ થાય છે, જેમાં બેંક ઓફર્સનો સમાવેશ થાય છે.
કંપનીના જણાવ્યા અનુસાર, Xiaomi 17 સિરીઝનું વેચાણ ભારતમાં 18 માર્ચ, 2026થી શરૂ થશે. આ સ્માર્ટફોન Amazon, mi.com અને Xiaomi રિટેલ સ્ટોર્સ પર ઉપલબ્ધ થશે.
મોટો પ્રશ્ન એ છે કે શું રૂ. 1 લાખની રેન્જમાં Xiaomi સ્માર્ટફોન ભારતમાં વેચાશે. આનું કારણ એ છે કે, કંપનીની છબી મોટે ભાગે બજેટ સ્માર્ટફોન શ્રેણીમાં છે. સામાન્ય રીતે, અહીં લોકો આ કિંમતે iPhone કે Samsung પસંદ કરે છે. તેથી, તે જોવું રસપ્રદ રહેશે કે લોકો તેને કેટલું પસંદ કરે છે.
