વર્ષ 2024ના સપ્ટેમ્બર મહિનાથી શેરબજારમાં ઘટાડો આવવાનો ચાલુ થયો, ત્યારબાદ ઘણી કંપનીઓના શેર ઘટવા લાગ્યા. ખાસ કરીને સ્મોલકેપથી લઈને મિડકેપ સુધીના શેરમાં મોટો ઘટાડો જોવા મળ્યો. પરિસ્થિતિ એવી છે કે, અત્યાર સુધી ઘણી કંપનીઓના શેર પોતાના ઓલ ટાઈમ હાઇ પર પહોંચી શક્યા નથી. તેમાંથી એક શેરો ઓલા ઇલેક્ટ્રિક છે.
વર્ષ 2024માં 2 ઓગસ્ટે ઓલા ઇલેક્ટ્રિકનો IPO આવ્યો હતો અને 9 ઓગસ્ટના રોજ લિસ્ટિંગ થયો હતો. લિસ્ટિંગ બાદ આ શેરે દરરોજ પ્રોફિટ આપવાનું ચાલુ કર્યું હતું અને જોત જોતામાં આ શેર પોતાના ઓલ ટાઈમ હાઇ લેવલ 157 રૂપિયા પહોંચી ગયો હતો. 20 ઓગસ્ટ 2024ના રોજ, આ શેર પોતાના ઓલ ટાઈમ હાઇ લેવલ 157 રૂપિયા પર હતા, જે એક સમયે NSE પર 75 પર લિસ્ટ થયા હતા. હવે પરિસ્થિતિ એવી છે કે તે પોતાના ઓલ ટાઈમ હાઇથી 72 ટકા તૂટી ચૂક્યા છે.
મંગળવારે ટ્રેડિંગ દરમિયાન ઓલા ઇલેક્ટ્રિકના શેર 6 ટકા ઘટીને 43 પર આવી ગયા કેમ કે કંપનીએ બ્લોક ડીલમાં 0.8 ટકા ઇક્વિટી અથવા લગભગ 44 લાખ શેર 44.10 રૂપિયા પ્રતિ શેરના ભાવે વેચ્યા. જેના કારણે કંપનીના શેરે અત્યાર સુધીના સૌથી નીચલા સ્તરે પહોંચ્યા હતા. આ મહિને અન્ય એક બ્લોક ડીલમાં કંપનીએ 731 કરોડ રૂપિયાના 14.22 કરોડ શેર વેચ્યા હતા. આ ડીલમાં હ્યુન્ડાઇ મોટર્સે આ ડીલમાં પોતાની હિસ્સેદારી વેચી દીધી છે.
ઓલા ઇલેક્ટ્રિકના શેર એક મહિનામાં 18.26 ટકા ઘટ્યા છે. 6 મહિનામાં આ શેર 55 ટકા ઘટ્યા છે. આ ઉપરાંત 3 મહિનામાં શેર 24 ટકાનું નુકસાન કરાવ્યું છે. એમ કહેવું ખોટું નહીં હોય કે જેણે પણ ઓલાના શેર ખરીદ્યા હશે, તે અત્યારે નુકસાનમાં હશે. ભલે તેને IPO દરમિયાન જ શેર અલોટ કેમ ન થયા હોય?
શું પાછી તેજી આવશે?
ઓલા ઇલેક્ટ્રિક પર 7 એનાલિસ્ટે પોતાનું કવરેજ શરૂ કર્યું છે, જેમાંથી 2એ સ્ટ્રોંગ સેલની રેટિંગ અને 1એ બાય રેટિંગ આપી છે. આ સિવાય અને 1એ સ્ટ્રોંગ બાય રેટિંગ અને, 2એ હોલ્ડ કરવાની સલાહ આપી છે. કેટલાક એક્સપર્ટનુ એમ પણ કહેવું છે કે કંપનીના માર્કેટ શેર, સેલ અને પ્રોફિટમાં ઘટાડો થયો છે, એવામાં જ્યાં સુધી અર્નિંગ સુધરી ન થઈ જાય ત્યાં સુધી તે ફરીથી પોતાના ઓલ ટાઈ હાઇ પર પહોંચવાની સંભાવના ઓછી છે.
