હાર્દિકની સેક્સ સીડી અંગે જિગ્નેશ મેવાણીએ શું કહ્યું? વાંચો અહીં...

ગુજરાત વિધાનસભાની ચૂંટણી પહેલા જ પાટીદાર અનામત આંદોલનનાં કન્વીનર હાર્દિક પટેલની કથિત સેક્સ સીડીને લઈ ગુજરાતનું રાજકારણ ગરમાઈ જવા પામ્યું છે. સીડી બાદ હાર્દિક હવે વિરોધીઓનાં નિશાના પર આવી ગયો છે તો ગુજરાતનાં યુવા દલિત નેતા તરીકે ઉભરી રહેલા જિગ્નેશ મેવાણી મેવાણીએ હાર્દિકનું સમર્થન કર્યું હતું.

જિગ્નેશ મેવાણીએ ટવિટ કરીને હાર્દિક પટેલને કહ્યું કે પરેશાન થવાની જરૂર નથી. હું તમારી સાથે છું અને સેક્સનો અધિકાર તો મૂળ અધિકાર છે. કોઈને પણ પોતાની પ્રાઈવસી ભંગ કરવાનો હક નથી.

Dear Hardik Patel, don't worry. I m with you. And right to sex is a fundamental right. No one has right to breach your privacy.

— Jignesh Mevani (@jigneshmevani80) November 13, 2017

ટવિટ કર્યા બાદ મેવાણી પર તરત જ ટ્રોલીંગ શરૂ થયું. જોકે, વિરોધીઓને આક્રમક રીતે જવાબ આપીને મેવાણીએ લખ્યું કે સાથીઓ, ઈનબોક્સમાં મેસેજ ન લખો કે મારી સીડી ક્યારે આવશે. જ્યારે આવશે ત્યારે જોઈ લેજો.

Sathio, facebook ke inbox me messages mat bhejo ki tumhara C.D. kab aayega ! Jab aaye tab dekh lena... Hahaha

— Jignesh Mevani (@jigneshmevani80) November 14, 2017

દરમિયાન હાર્દિકે સીડી અંગે કહ્યું કે વીડિયોમાં દેખાતી વ્યક્તિ હું નથી. હું પુરુષ છું, નપુસંક નથી. જે કરવું હશે તે સામી છાતીએ કરીશ. હાર્દિકે ભાજપ ગંદી રાજનીતિ કરવાનો પણ આરોપ મૂક્યો અને સેક્સ સીડીને બોગસ બતાવી હતી. આ વીડિયો બનાવટી છે અને ભાજપની ગંદી રાજનીતિનો ભાગ છે. ભાજપે મારા વ્યક્તિગત જીવન પર હુમલો કર્યો છે. ભાજપમાં આવા કરનામા કરનારા અનેક લોકો છે.

जिसको जो करना हैं कर ले,पीछे हटने वाला नहीं हूँ।जम के लड़ने वाला हूँ।२३साल का हार्दिक अब बड़ा हो रहा हैं।मुझे बदनाम करने में करोड़ों का ख़र्च किया जाता हैं।

— Hardik Patel (@HardikPatel_) November 13, 2017

હાર્દિક પટેલ અને પાસનાં કન્વીનરો પાછલા ઘણા સમયથી ગુજરાતમાં અનામતની માંગને લઈ સંઘર્ષ કરી રહ્યા છે. કથિત સેક્સ સીડી બાદ અનામત આંદોલનનું ફિંડલું વળી જવાની પૂરેપૂરી શક્યતા જોવા મળી રહી છે. ભાજપ માટે આ ઘટના લાભકારક પુરવાર થયા વગર રહેવાની નથી.