કોલ્હાપુરી ચપ્પલને પોતાના હોવાનો દાવો કરીને વિવાદમાં આવેલી ઇટાલિયન લક્ઝરી ફેશન બ્રાન્ડ પ્રાડાએ ભારતીય કારીગરો સાથે મળીને લિમિટેડ એડિશન સેન્ડલ કલેક્શન શરૂ કરવાનો નિર્ણય લીધો છે. પ્રાડાએ હવે નિર્ણય લીધો છે કે, તે ભારતના કારીગરો સાથે મળીને કામ કરશે. પરંપરાગત કોલ્હાપુરી ચપ્પલ જેવી ડિઝાઇનનો ઉપયોગ કરવા બદલ બ્રાન્ડની ટીકા થયાના 6 મહિના બાદ આ પગલું લેવામાં આવ્યું છે.
અહેવાલો અનુસાર આ ઇટાલિયન લક્ઝરી કંપની મહારાષ્ટ્ર અને કર્ણાટકમાં 2,000 જોડી સેન્ડલ બનાવડાવશે અને દરેક જોડીની કિંમત લગભગ 800 યુરો (લગભગ 83,000 રૂપિયા) હશે. કંપનીના વરિષ્ઠ અધિકારી લોરેન્ઝો બર્ટેલીએ જણાવ્યું હતું કે, તેમનો ઉદ્દેશ્ય પરંપરાગત ભારતીય કારીગરીને ઇટાલિયન ટેક્નોલોજી સાથે જોડવાનો છે. આ સેન્ડલ ફેબ્રુઆરી 2026થી વિશ્વભરમાં 40 પ્રાડા સ્ટોર્સમાં અને ઓનલાઇન વેચાણ માટે ઉપલબ્ધ થશે.
શું હતો વિવાદ?
છ મહિના અગાઉ પ્રાડાએ મિલાન ફેશન શૉમાં કોલ્હાપુરી ચપ્પલ જેવા સેન્ડલનું પ્રદર્શન કર્યું હતું. આ તસવીરો ઇન્ટરનેટ પર ફેલાતા જ ભારતના લોકોની નારાજગી વધી ગઈ હતી. બાદમાં પ્રાડાએ સ્વીકાર્યું કે ડિઝાઇન પ્રાચીન ભારતીય શૈલીઓથી પ્રેરિત હતી. હવે કંપનીએ મહારાષ્ટ્રમાં LIDCOM અને કર્ણાટકમાં LIDKAR આ બે સરકારી સંસ્થાઓ સાથે કરાર કર્યા છે. આ સંસ્થાઓનું સમર્થન કરે છે, જે વંચિત સમુદાયોના લોકોને, જે પરંપરાગત હાથથી ચપ્પલ બનાવે છે.
કંપનીએ કહ્યું છે કે, તે આ કલાને વૈશ્વિક સ્તરે ઓળખ અપાવવા માંગે છે. આ ભાગીદારી 3 વર્ષ સુધી ચાલશે, જેમાં ભારતીય કારીગરો માટે તાલીમ કાર્યક્રમો અને ઇટાલીમાં પ્રાડા એકેડેમીમાં નાની તાલીમની તકોનો સમાવેશ થાય છે. તેમણે જણાવ્યું હતું કે આ પ્રોજેક્ટ ઘણા મિલિયન યુરોનો હશે અને કારીગરોને ઉચિત ચૂકવણી કરવામાં આવશે. LIDCOMના મેનેજિંગ ડિરેક્ટર પ્રેરણા દેશભતારે જણાવ્યું હતું કે જ્યારે પ્રાડા જેવી મોટી વૈશ્વિક બ્રાન્ડ આ કલાનું સમર્થન કરે છે, ત્યારે માંગ વધવાની શક્યતા છે.
9.jpg)
