2026થી વર્ષમાં 2 વખત થશે ધોરણ 10ની બોર્ડની પરીક્ષા, ડ્રાફ્ટને મળી મંજૂરી

કેન્દ્રીય માધ્યમિક શિક્ષણ બોર્ડ (CBSC)એ આગામી વર્ષ 2026થી વર્ષમાં 2 વખત ધોરણ 10ની બોર્ડની પરીક્ષા આયોજિત કરવાનો નિર્ણય લીધો છે. નવા નિયમોના ડ્રાફ્ટને CBSEએ મંજૂરી આપી દીધી છે. CBSE ધોરણ 10ની બોર્ડ પરીક્ષાનું પહેલું ચરણ ફેબ્રુઆરી-માર્ચમાં લેવામાં આવશે, જ્યારે બીજું ચરણ મે 2026માં આયોજિત કરવામાં આવશે.

 CBSEએ પોતાની પરીક્ષા પ્રણાલીમાં મોટા બદલાવની જાહેરાત કરી છે. આ હેઠળ વર્ષ 2026થી ધોરણ 10ની બોર્ડની પરીક્ષા વર્ષમાં 2 વખત લેવામાં આવશે. CBSE 2026-27ના સત્ર માટે 260 વિદેશી શાળાઓ માટે વૈશ્વિક પાઠ્યક્રમ પણ તૈયાર કરશે. તમને જણાવી દઈએ કે તાજેતરમાં કેન્દ્રીય શિક્ષણ મંત્રી ધર્મેન્દ્ર પ્રધાનની અધ્યક્ષતામાં મળેલી ઉચ્ચ સ્તરીય બેઠકમાં આ નિર્ણય પર ચર્ચા કરવામાં આવી હતી.

પરીક્ષાનો પહેલું-બીજું ચરણ ક્યારે થશે?

બોર્ડના એક વરિષ્ઠ અધિકારીએ જણાવ્યું હતું કે CBSE બોર્ડ 10માની પરીક્ષાનું પહેલું ચરણ 17 ફેબ્રુઆરીથી 6 માર્ચ સુધી આયોજિત કરવામાં આવશે અને બીજું ચરણ 5-20 મે દરમિયાન આયોજિત કરવામાં આવશે. બોર્ડના અધિકારીએ જણાવ્યું કે બંને પરીક્ષાઓ સિલેબસ મુજબ આયોજિત કરવામાં આવશે અને ઉમેદવારોને બંને ચરણમાં સમાન પરીક્ષા કેન્દ્રો ફાળવવામાં આવશે. અરજી દાખલ કરવાના સમયે બંને પરીક્ષાઓની પરીક્ષા ફીમાં વધારો કરવામાં આવશે.

અધિકારીએ જણાવ્યું કે, બોર્ડની પરીક્ષાઓ પહેલું અને બીજું ચરણ સપ્લીમેન્ટ્રી પરીક્ષાના રૂપમાં પણ કામ કરશે અને કોઈ પણ પરિસ્થિતિમાં કોઈ વિશેષ પરીક્ષા આયોજિત કરવામાં નહીં આવે. નવી પ્રણાલી હેઠળ, વિદ્યાર્થીઓને વર્ષમાં 2 વખત બોર્ડની પરીક્ષા આપવા અને તેમનો સર્વશ્રેષ્ઠ સ્કોર જાળવી રાખવાનો વિકલ્પ હશે.

CBSEના એક વરિષ્ઠ અધિકારીએ જણાવ્યું હતું કે આ યોજના વિદ્યાર્થીઓમાં પરીક્ષાનું દબાણ ઓછું કરવાનું છે અને વિદ્યાર્થીઓને પોતાના પ્રદર્શનને પ્રદર્શન સુધારવાની તક આપશે. તેનું ઉદ્દેશ્ય પરીક્ષા સાથે સંબંધિત તણાવ ઓછો કરવાનો છે, સાથે જ વધુ સર્વગ્રાહી મૂલ્યાંકન પ્રણાલી સુનિશ્ચિત કરવાનો છે. તેમાં, રટણ કરવાની જગ્યાએ સમજણ અને કૌશલ્ય આધારિત મૂલ્યાંકન પર ભાર આપવાનો છે.

નવી નેશનલ એજ્યુકેશન પોલિસી (NEP)માં ભલામણ કરવામાં આવી હતી કે છે કે જોખમને ખતમ કરવા માટે બધા વિદ્યાર્થીઓને મહત્તમ 2 અવસર પર પરીક્ષા આપવાની મંજૂરી આપવામાં આવશે.