મનોરંજન જગતની જાણીતી અભિનેત્રી હંસિકા મોટવાણીને લઈને એક મોટા સમાચાર સામે આવ્યા છે. હંસિકા અને તેના પતિ સોહેલ કથુરિયા વચ્ચે સત્તાવાર રીતે છૂટાછેડા થઈ ગયા છે. છેલ્લા ઘણા સમયથી તેમના લગ્નજીવનમાં તિરાડ પડી હોવાની અટકળો ચાલી રહી હતી, જેના પર હવે મુંબઈની બાંદ્રા કોર્ટે મહોર મારી દીધી છે. લગ્નના માત્ર 4 વર્ષમાં જ હંસિકાનો સંસાર વિખેરાઈ ગયો છે. આ લગ્નથી કપલને કોઈ સંતાન નથી.
હંસિકાએ 4 ડિસેમ્બર 2022ના રોજ બિઝનેસમેન સોહેલ કથુરિયા સાથે ખૂબ જ ધામધૂમથી લગ્ન કર્યા હતા. જોકે, લગ્નના થોડા મહિનાઓ બાદ જ તેમના સંબંધોમાં ખટાશ આવવાના અહેવાલો વહેતા થયા હતા.
કેમ તૂટ્યું આ બંધન?
કોર્ટની સુનાવણી દરમિયાન હંસિકાના વકીલ અદનાન શેખે જણાવ્યું હતું કે, લગ્ન બાદ થોડો સમય કપલ સાથે રહ્યું હતું, પરંતુ ધીરે ધીરે તેમને અહેસાસ થયો કે તેમના સ્વભાવ, વિચારધારા અને જીવનશૈલીમાં મોટો તફાવત છે.
આ છૂટાછેડામાં એક નોંધપાત્ર બાબત એ સામે આવી છે કે, હંસિકા મોટવાણીએ છૂટાછેડા વખતે પોતાના 'સ્ત્રીધન' કે કોઈ પણ પ્રકારની 'એલીમની' (ભરણપોષણની રકમ) માટે કોઈ દાવો કર્યો નથી. તેણે કોઈપણ આર્થિક માંગણી વગર આ સંબંધનો અંત લાવવાનું પસંદ કર્યું છે.
બાળ કલાકારથી સાઉથની સુપરસ્ટાર સુધીની સફર
હંસિકા હિન્દી અને સાઉથ ફિલ્મ ઇન્ડસ્ટ્રીનું મોટું નામ છે.
6.jpg)
