ઉત્તરાખંડના મંત્રી સુબોધ ઉનિયાલે ગાયક દલેર મહેંદી પાસે કુન્જાપુરી દેવી મેળામાં થયેલા વિવાદને લઇને ફોન પર માફી માંગી લીધી છે. આ પહેલાં, મુખ્યમંત્રી પુષ્કર સિંહ ધામીએ પણ મહેંદી બંધુઓ સાથે વાત કરી હતી અને ઉનિયાલ વતી માફી માંગી હતી. આ વાતની માહિતિ મીકા સિંહે પોતે એક પ્રેસ કોન્ફરન્સ દરમિયાન આપી હતી.
હવે મંત્રી ઉનિયાલ દ્વારા માફી મંગાયા બાદ, ગાયક મીકા સિંહની ટીમે એક નિવેદન જાહેર કર્યું છે. આ નિવેદનમાં મંત્રી સુબોધ ઉનિયાલના આ પગલાની પ્રશંસા કરવામાં આવી છે અને તેમણે કહ્યું કે કલાકારો અને તેમની ગરિમાનું સન્માન કરવું અત્યંત આવશ્યક છે. નિવેદનમાં કહેવામાં આવ્યું છે કે, અમે એ વાતની પ્રશંસા કરીએ છીએ કે, સુબોધ ઉનિયાલજીએ દુર્ભાગ્યપૂર્ણ ઘટના અંગે ટેલીફોન પર દલેર મહેંદી પાજીની માફી માંગી છે. કલાકારો અને તેમની ગરિમાનું સન્માન કરવું ખૂબ જરૂરી છે. દલેર પાજી એક સીનિયર કલાકાર છે જેમણે સંગીત ઉદ્યોગમાં ખૂબ મોટું યોગદાન આપ્યું છે. દરેક કલાકાર સાથે સન્માન પૂર્વક વર્તન કરવું જોઇએ. અમને આશા છે કે આ વિવાદ અહીં જ સમાપ્ત થઈ જશે. બધા પરસ્પર સન્માન અને સમજણ સાથે આગળ વધશે.
View this post on Instagram
આ માફી બાદ, એવી અપેક્ષા રાખવામાં આવી રહી છે કે દલેર મહેંદી અને મંત્રી સુબોધ ઉનિયાલ વચ્ચેનો વિવાદ હવે શાંત થઈ જશે. જોકે, અગાઉ એક પ્રેસ કોન્ફરન્સ દરમિયાન મંત્રીએ પોતાની અગાઉની ટિપ્પણીઓનો બચાવ કરતા કહ્યું હતું કે, જો કોઈ કલાકારની તબિયત ખરાબ હોય, તો તેમણે આયોજકો અથવા પ્રેક્ષકોને અગાઉથી જાણ કરી દેવી જોઈતી હતી.
શું હતો મામલો?
18 ઓક્ટોબરે, નવરાત્રિના તહેવાર દરમિયાન, દલેર મહેંદી ટેહરી ગઢવાલના કુન્જાપુરી દેવી મેળામાં લાઈવ પર્ફોર્મન્સ કરી રહ્યા હતા. આ દરમિયાન, મંત્રી સુબોધ ઉનિયાલ સ્ટેજ પર પહોંચ્યા અને તેમનું પ્રદર્શન વચ્ચે જ અટકાવી દીધું. તેમણે આરોપ લગાવ્યો કે દલેર મહેંદી દારૂના નશામાં હતા અને લિપ-સિંકિંગ કરી રહ્યા હતા.
આ ઘટના બાદ, દલેર મહેંદીના નાના ભાઈ અને ગાયક મીકા સિંહે મંત્રીની જાહેરમાં માફી માંગી હતી. મીકાએ સ્પષ્ટ કર્યું કે તેમના ભાઈ ક્યારેય દારૂ પીતા નથી અને તેઓ, પ્રદર્શન સમયે બીમાર હતા. તેમણે એવો પ્રશ્ન પણ ઉઠાવ્યો કે જાહેર મંચ પર કોઈ સીનિયર કલાકારને સાથે આમ કેવી રીતે બોલી શકાય છે. જોકે, દલેર મહેંદીએ પોતે હજુ સુધી આ સમગ્ર વિવાદ અંગે કોઈ ટિપ્પણી કરી નથી.
14.jpg)
5.jpg)