ગીર સોમનાથ જિલ્લામાં લોકોના આરોગ્ય સાથે ગંભીર ચેડાં કરતી એક ભયાનક પ્રવૃત્તિનો પોલીસે પર્દાફાશ કર્યો છે. ગુંદરણ ગામ નજીક આવેલા પ્રેમનગર નેસ વિસ્તારમાં ધમધમતી નકલી દૂધ બનાવવાની ફેક્ટરી પર પોલીસે દરોડો પાડી લાખો રૂપિયાનો મુદ્દામાલ જપ્ત કર્યો છે. આ દૂધનું સેવન કરનારા નિર્દોષ નાગરિકોને ડાયાબિટીસથી લઈને કેન્સર સુધીના જીવલેણ રોગો થવાનું જોખમ તોળાઈ રહ્યું છે.
પોલીસની સંયુક્ત કાર્યવાહી અને દરોડો
નાયબ પોલીસ મહાનિરીક્ષક રાજેન્દ્રસિંહ ચુડાસમા અને જિલ્લા પોલીસ અધિક્ષક જયદિપસિંહ જાડેજાની સૂચના હેઠળ SOG (સ્પેશિયલ ઓપરેશન ગ્રુપ) અને LCB (લોકલ ક્રાઈમ બ્રાન્ચ) ની ટીમે સંયુક્ત ઓપરેશન હાથ ધર્યું હતું. SOG ઇન્ચાર્જ PI ડી.એમ. કાગડા અને PSI આર.એચ. સુવાની આગેવાનીમાં ગઇકાલે રાત્રે આરોપી રવિ કાળાભાઇ કરમટાના રહેણાંક મકાનના વાડામાં દરોડો પાડવામાં આવ્યો હતો.
કેવી રીતે બનતું હતું આ 'ઝેરી દૂધ'?
પોલીસ તપાસમાં બહાર આવ્યું છે કે આરોપી અત્યંત જોખમી કેમિકલ્સનો ઉપયોગ કરીને નકલી દૂધ તૈયાર કરતો હતો:
રોજ 6000 લીટર સપ્લાય: ડેરીઓ પણ શંકાના દાયરામાં
આરોપીની પૂછપરછમાં ચોંકાવનારી વિગતો સામે આવી છે કે તે દરરોજ સવારે 3000 લીટર અને સાંજે 3000 લીટર એમ કુલ 6000 લીટર નકલી દૂધ બનાવતો હતો. આ જથ્થો તાલાલા પંથકની વિવિધ દૂધ ડેરીઓમાં સપ્લાય કરવામાં આવતો હતો. ફૂડ સેફ્ટી ઓફિસર એસ.એસ. રાવલની ટીમે દૂધના નમૂના લઈ લેબોરેટરીમાં તપાસ અર્થે મોકલી આપ્યા છે.
આરોગ્ય માટે મોટું જોખમ
જિલ્લા પોલીસ અધિક્ષક જયદિપસિંહ જાડેજાએ જણાવ્યું હતું કે, ગીર જેવા શુદ્ધ દૂધ માટે જાણીતા વિસ્તારમાં આવું કૃત્ય આઘાતજનક છે. આ દૂધના સેવનથી નીચે મુજબની ગંભીર બીમારીઓ થઈ શકે છે:
આ અંગે ગીર સોમનાથના SP જયદિપસિંહ જાડેજાએ જણાવ્યું હતું કે,લોકોના સ્વાસ્થ્ય સાથે ચેડા કરનાર કોઈપણ શખસને છોડવામાં આવશે નહીં. પોલીસ આ ઝુંબેશ આગામી દિવસોમાં પણ કડક રીતે ચાલુ રાખશે. આ કાર્યવાહી દ્વારા પોલીસ તંત્રએ સ્પષ્ટ સંદેશ આપ્યો છે કે પ્રજાના આરોગ્ય સાથે રમત કરનારા તત્વો સામે કડકમાં કડક પગલાં લેવામાં આવશે.
16.jpg)
