ગુજરાતના અમદાવાદમાં ગંભીર અને ચોંકાવનારી ઘટના સામે આવી છે. માત્ર 4 મહિનાની ભાણેજને માસી આંટો મારવા નિકળી ત્યારે એક પાલતું કુતરાએ હુમલો કરી દીધો જેમાં બાળકીનું મોત થયું છે.
અમદાવાદમાં રાધેય એપાર્ટમેન્ટમાં રહેતી એક 4 મહિના અને 17 દિવસની રૂષિકાને તેને માસી બિલ્ડીંગ નીચે આંટો મારવા લઇ ગઇ હતી. તે વખતે આ જ બિલ્ડીંગની એક યુવતી પોતાના પેટ ડોગ રોટલીવરને ઉંચકીને જઇ રહી હતી. આ યુવતી ફોનમાં મશગુલ હતી અને રોટલીવર ડોગ તેના હાથમાંથી છટકી ગયો હતો. આ ડોગે માસી અને બાળકી પર હુમલો કરી દીધો, જેમાં બાળકી રૂષિકાનું મોત થયું હતું.
એપાર્ટમેન્ટના લોકોએ પોલીસને ફરિયાદ કરીને કુતરાના માલિક સામે કડક પગલાં લેવાની માંગ કરી છે. અમદાવાદ મ્યુનિસિપલ કોર્પોરેશને કુતરાનો કબ્જો લીધો છે.
