IIT દિલ્હી અને AIIMS એ મળીને ગેમિંગના વ્યસનને નિયંત્રિત કરવાનો શોધ્યો ઉકેલ

સમય મર્યાદા અને આત્મ-નિયંત્રણના પગલાં ઓનલાઈન ગેમિંગ વ્યસનની અસરોને ઘટાડવામાં ઘણી મદદ કરી શકે છે. IIT દિલ્હી અને AIIMS દ્વારા કરવામાં આવેલા સંયુક્ત અભ્યાસમાં આ નિષ્કર્ષ વ્યક્ત કરવામાં આવ્યો છે અને આ સાથે આ પાસાને વધુ સ્પષ્ટ રીતે સાબિત કરવા માટે વ્યાપક સંશોધનની જરૂરિયાત પર ભાર મૂકવામાં આવ્યો છે.

આઈઆઈટી દિલ્હીના એઆઈ નિષ્ણાત તપન કે. ગાંધી અને એઈમ્સ બિહેવિયરલ હેલ્પ એક્સપર્ટ યતન પાલ સિંહ બલહારાએ મંગળવારે આ સંશોધનના પરિણામો વિશે માહિતી આપતા જણાવ્યું હતું કે તેમણે ઓલ ઈન્ડિયા ગેમિંગ ફેડરેશન પાસેથી તેમના પ્લેટફોર્મ સાથે જોડાઈને આ વિષય પર વિગતવાર અભ્યાસ કરવાની પરવાનગી માંગી છે, જેથી ઓનલાઈન અને રીઅલ-ટાઇમ મની ગેમિંગ વ્યસનથી પીડિત લોકોને બચાવવા માટે કેટલાક વધુ રસ્તાઓ શોધી શકાય.

બાળકો અને કિશોરો પર ઓનલાઈન ગેમિંગનો વધુ અસર 

યતન પાલે જણાવ્યું હતું કે છેલ્લા બે-ત્રણ વર્ષમાં, ઓનલાઈન ગેમિંગમાં સામેલ થઈને પૈસા અને સમય ગુમાવનારા લોકોની સંખ્યા તેમજ તેમની માનસિક-મનોવૈજ્ઞાનિક સ્થિતિ બગાડનારા લોકોની સંખ્યા ઘણી વધી છે. આમાં બાળકો અને કિશોરોનો પણ સમાવેશ થાય છે.

IIT દિલ્હી અને AIIMS ના અભ્યાસને તેના પ્રકારનો પ્રથમ અભ્યાસ ગણાવવામાં આવી રહ્યો છે. તપન કે. ગાંધીએ કહ્યું કે અમે ઓનલાઈન ગેમિંગના અન્ય પાસાઓનો અભ્યાસ કરી રહ્યા હતા ત્યારે અમે ટાઈમ લીમિટ અને વોલેંટરી સેલ્ફ એક્સ્લૂજન (VSA) એટલે કે પોતે જ થોડા સમય માટે ટૂલની અસરનો અભ્યાસ કરવાનું નક્કી કર્યું. ઓનલાઈન ગેમિંગ કંપનીઓ તેમના પ્લેટફોર્મમાં આ સાધનો પૂરા પાડે છે અને આને સ્વ-નિયમન માનવામાં આવે છે.

8300 ભારતીય ખેલાડીઓ પર કરવામાં આવ્યો અભ્યાસ  

તપન ગાંધીના જણાવ્યા અનુસાર, 8300 ભારતીય ખેલાડીઓ પર હાથ ધરવામાં આવેલા અભ્યાસમાં તેમની સમય મર્યાદા અને VSE માં દરરોજ જમા થતા નાણાં, રમતોની સંખ્યા, કુલ પૈસા, જીત અને હારનું વિશ્લેષણ કરવામાં આવ્યું હતું. એવું બહાર આવ્યું કે બંને ટૂલ્સની મદદથી, ગેમ રમવામાં વિતાવેલા સમય અને તેના પરના ખર્ચમાં નોંધપાત્ર ઘટાડો થયો છે. સૌથી વધુ જોખમ ધરાવતા ખેલાડીઓમાં ગેમિંગ વર્તનમાં સૌથી મોટા ફેરફારો જોવા મળ્યા.

ડેટા સાથે કામ કરવાથી મળે છે અર્થપૂર્ણ ઉકેલો  

તપન કે. ગાંધીએ કહ્યું કે આ એક નાનો અભ્યાસ છે, પરંતુ જો આપણે ગેમિંગ કંપનીઓના ડેટા સાથે કામ કરવા મળે તો એક અર્થપૂર્ણ ઉકેલ રજૂ કરી શકાય છે. નીતિ નિર્માતાઓને ઓનલાઈન ગેમિંગ ખાસ કરીને જ્યાં પૈસા સામેલ હોય, તેને નિયંત્રિત અને નિયમન કરવા માટે નવી રીતો ઘડી શકાય છે.

20% ઇન્ટરનેટ વપરાશકર્તાઓને લાગી ગઈ છે લત

AIIMS ના યતન પાલ સિંહના મતે, ઓનલાઈન ગેમિંગના વ્યસની લોકોની સંખ્યાનો હજુ સુધી કોઈ અંદાજ નથી, પરંતુ એ હકીકત છે કે  ઈન્ટરનેટ વપરાશકર્તાઓ 20 ટકા વ્યસની બની ગયા છે.

ઓનલાઈન ગેમિંગ પર બનશે સેન્ટર ઓફ એક્સેલન્સ 

AI સાથે જ બ્રેઈન મેપિંગના નિષ્ણાત તપન ગાંધીએ જણાવ્યું હતું કે IIT દિલ્હીમાં ઓનલાઈન ગેમિંગ પર કેન્દ્રિત એક સેન્ટર ઓફ એક્સેલન્સ સ્થાપવાની તૈયારી ચાલી રહી છે. આ પ્રકારનું પહેલું કેન્દ્ર હશે, જે ફક્ત ગેમિંગના અભ્યાસ અને તેની અસરો અને આડઅસર પર ધ્યાન કેન્દ્રિત કરશે. આ માટે કેન્દ્ર સરકારને દરખાસ્ત મોકલવામાં આવી છે.