પાકિસ્તાની મહિલા મીનલ ખાન સાથેના લગ્નની વાત છુપાવવાનું સેન્ટ્રલ રિઝર્વ પોલીસ ફોર્સ (CRPF)ના જવાન મુનીર અહમદને મોંઘું પડ્યું. CRPFએ જવાન મુનીરને નોકરીમાંથી બરતરફ કરી દીધો છે. રાષ્ટ્રીય સુરક્ષાને જોતા સેનાએ આ કાર્યવાહી કરી છે. સત્તાવાર અધિકારીઓએ શનિવારે આ માહિતી આપી હતી. તેમણે જણાવ્યું હતું કે, તેને નિયમો હેઠળ સેવામાંથી બરતરફ કરવામાં આવ્યો છે, જે હેઠળ તપાસની જરૂરિયાત નથી. CRPFના જવાનની કાર્યવાહી રાષ્ટ્રીય સુરક્ષા માટે ઘાતક હતી. આ જવાન છેલ્લી વખત દેશના મુખ્ય આંતરિક સુરક્ષા દળ, CRPFની 41મી બટાલિયનમાં તૈનાત હતો.
તેમણે કહ્યું કે, મુનીર અહમદને પાકિસ્તાની મહિલા સાથેના લગ્ન છુપાવવા અને તેના વિઝાની કાયદેસરતાથી અલગ તેને ભારત શરણ આપવાના આરોપમાં તાત્કાલિક પ્રભાવથી સેવામાંથી બરતરફ કરી દેવામાં આવ્યા છે. CRPFના પ્રવક્તા ઉપ મહાનિરીક્ષક (DIG) એમ દિનાકરને જણાવ્યું હતું કે, તેની હરકત રાષ્ટ્રીય સુરક્ષા માટે હાનિકારક હોવાની જાણવા મળ્યું હતું. પહેલગામ ઘટના બાદ ઉઠાવવામાં આવેલા કૂટનીતિક પગલાં હેઠળ ભારત દ્વારા પાકિસ્તાની નાગરિકોને દેશ છોડવા કહ્યા બાદ મુનીર અહમદ અને મીનલ ખાનના લગ્નનો મામલો સામે આવ્યો છે.
બંનેએ ગયા વર્ષે 24 મેના રોજ વીડિયો કૉલના માધ્યમથી લગ્ન કર્યા હતા. CRPFની તપાસમાં જાણવા મળ્યું કે જવાને પોતાના લગ્ન અને ભારતમાં પોતાની પત્નીને રહેવાની જાણકારી, સંબંધિત અધિકારીઓને આપી નહોતી. તમને જણાવી દઈએ કે પહેલગામ ઘટનામાં 26 લોકો માર્યા ગયા હતા. નોંધનીય છે કે મીનલ ખાનને ભારતમાંથી ડિપોર્ટ કરવાની હતી. તે માર્ચ 2025માં શૉર્ટ ટર્મ વિઝા પર ભારત આવી હતી, જે 22 માર્ચે સમાપ્ત થઈ ગયા હતા.
22 એપ્રિલે પહેલગામ ઘટના બાદ, કેન્દ્ર સરકારે તમામ પાકિસ્તાની નાગરિકોને ભારત છોડવાનો નિર્દેશ આપ્યો હતો, જે હેઠળ મેનલેને 29 એપ્રિલ સુધીમાં દેશ છોડવાનું કહેવામાં આવ્યું હતું. આ દરમિયાન, તેણે વિઝા વિસ્તાર માટે ગૃહ મંત્રાલયમાં અરજી કરી દીધી છે, જે હજુ પણ પેન્ડિંગ છે. જ્યારે મેનલ ડિપોર્ટેશન બસમાં અટારી-વાઘા બોર્ડર જવા રવાના થઈ, ત્યારે તેના વકીલ અંકુર શર્માએ તેને ફોન પર જણાવ્યુ કે તેને કોર્ટ તરફથી સ્ટે મળી ગયો છે. ત્યારબાદ, તેની પાકિસ્તાન વાપસીની પ્રક્રિયા રોકી દેવામાં આવી.
-copy43.jpg)
-copy40.jpg)
15.jpg)
