ઝારખંડના હજારીબાગ જિલ્લામાં એક સનસનાટીભરી બેંક લૂંટની ઘટના પ્રકાશમાં આવી છે. બરહી પોલીસ સ્ટેશન વિસ્તારમાં હથિયારોથી સજ્જ ચાર બુકાનીધારી લૂંટારાઓ હજારીબાગ રોડ પર સ્થિત બેંક ઓફ મહારાષ્ટ્ર શાખામાં ઘૂસી ગયા અને મોટી લૂંટ ચલાવી હતી. માત્ર 10 મિનિટમાં લૂંટારુઓ આશરે 7 કરોડ રૂપિયાનું સોનું અને લગભગ 5 લાખ રૂપિયારોકડા લઈને ફરાર થઇ ગયા હતા.
પોલીસ તપાસમાં બહાર આવ્યું છે કે આ સમગ્ર ગુનો પૂર્વયોજિત હતો. બે ગુનેગારો પહેલા ગ્રાહક બનીને બેંકમાં પ્રવેશ્યા હતા, ચાલુ ખાતું ખોલાવવાનો ડોળ કરી રહ્યા હતા. થોડા સમય પછી તેમના બે સાથીઓ પણ બેંકની અંદર પ્રવેશ્યા. ત્યારબાદ ચારેયે અચાનક તેમના હથિયારો કાઢ્યા અને બેંક કર્મચારીઓને ધમકાવવા લાગ્યા. લૂંટારુઓએ બેંકમાં પ્રવેશતા જ, કર્મચારીઓ અને હાજર ગ્રાહકોને એક વિસ્તારમાં ભેગા કર્યા. તેમણે હથિયારો બતાવીને બધાને ડરાવ્યા અને વિરોધ કરવા પર ગંભીર પરિણામો ભોગવવાની ધમકીઓ આપી. આ ઘટના દરમિયાન, બેંક મેનેજર સાથે મારામારી પણ કરવામાં આવી, જેથી સમગ્ર સ્ટાફમાં ભય ફેલાઇ જાય.
પ્રત્યક્ષદર્શીઓના જણાવ્યા મુજબ, સમગ્ર લૂંટને માત્ર 10 મિનિટમાં જ અંજામ આપવામાં આવ્યો હતો. લૂંટારુઓ બપોરે 3:19 વાગ્યાની આસપાસ બેંકમાં પ્રવેશ્યા અને લૂંટ પૂર્ણ કર્યા પછી 3:29 વાગ્યા સુધીમાં બહાર નીકળી ગયા. આ ટૂંકા ગાળા દરમિયાન, કોઈને સમજવાની પણ તક મળી નહોતી કે ખરેખર શું થઈ રહ્યું છે. લૂંટારુઓ ગોલ્ડ લોન પર રાખેલા સોના તેમજ બેંકના લોકરમાં રાખેલા સોનાની લૂંટ ચલાવી ફરાર થઈ ગયા. આ સાથે જ, તેઓ કેશ કાઉન્ટર પરથી રોકડ રકમ પણ લૂંટી ગયા હતા.
ઘટનાની માહિતી મળતા પોલીસ ઘટનાસ્થળે દોડી ગઈ હતી અને તાત્કાલિક સમગ્ર વિસ્તારમાં નાકાબંધી કરી દીધી હતી. બેંકની અંદરના CCTV ફૂટેજની તપાસ કરવામાં આવી રહી છે, જેથી ગુનેગારોને ઓળખી શકાય. પોલીસને શંકા છે કે આ કોઈ સંગઠિત ગેંગનું કામ હોઈ શકે છે જેણે બેંકની અગાઉથી જ રેકી કરી રાખી હતી.
બેંક કર્મચારીઓએ જણાવ્યું હતું કે બે લૂંટારુઓ શરૂઆતમાં ચાલુ ખાતું ખોલાવવાના બહાને બેંકમાં ઘૂસ્યા હતા. ત્યારબાદ, તેમની પાછળથી બે વધુ લોકો પ્રવેશ્યા. તેમની પાસે નાના હથિયારો પણ હતા. બંદૂકની અણી, તેમણે બધા બેંક કર્મચારીઓને એક તરફ જવા કહ્યું. ત્યારબાદ, તેમણે બેંક મેનેજર સાથે મારામારી કરી. બંદૂકની અણીએ ઘટનાને અંજામ આપ્યા બાદ, તેઓ 10 મિનિટમાં બેંકમાંથી બહાર નીકળી ગયા.
બરહીના SDOP અજિત કુમાર વિમલે જણાવ્યું હતું કે ચાર લૂંટારુઓએ ગુનો કર્યો હતો. સમગ્ર પ્રદેશમાં નાકાબંધી ગોઠવવામાં આવી છે. લૂંટમાં 7 કરોડ રૂપિયાનું સોનું અને 5 લાખ રૂપિયાની રોકડ લૂંટનો સમાવેશ થાય છે. હાલમાં બેંકની અંદર તપાસ ચાલી રહી છે, અને CCTV ફૂટેજની સંપૂર્ણ તપાસ કરવામાં આવી રહી છે. આજ તકના અહેવાલ મુજબ, હજારીબાગના SP અમન કુમારે જણાવ્યું હતું કે આ કેસ ટૂંક સમયમાં ઉકેલાઈ જશે. પોલીસ ઇનપુટના આધારે, પડોશી રાજ્યોમાં દરોડા પાડવામાં આવી રહ્યા છે, અને ટૂંક સમયમાં ધરપકડ કરવામાં આવશે.
2.jpg)
