ઉત્તર પ્રદેશના ઝાંસીમાં લગ્નના બે મહિના પછી જ પતિ-પત્નીને શરમજનક બનાવનાર એક ચોંકાવનારી ઘટના પ્રકાશમાં આવી છે. પતિએ પોતાની પત્નીને તેના પ્રેમી સાથે તેમના જ બેડરૂમમાં રંગરેલિયા મનાવતી રંગે હાથ પકડી લીધી. પતિએ પુરાવા એકત્ર કરવા માટે તેના મોબાઇલ ફોન પર બંનેનો વીડિયો પણ રેકોર્ડ કરી લીધો. બંનેને રંગેહાથ પકડાવવા તેણે પોલીસને ફોન કરીને બોલાવી લીધી, જેના કારણે પડોશીઓ પણ ટોળે વળી ગયા હતા. જ્યારે પોલીસ અને પડોશીઓ રૂમમાં પ્રવેશ્યા ત્યારે પત્ની અને તેનો પ્રેમી બંને નગ્ન અવસ્થામાં હતા. પોલીસે હાલમાં પ્રેમી સામે ગુનો નોંધ્યો છે, જ્યારે પત્નીને પિયરના લોકોને બોલાવીને સોંપી દેવામાં આવી છે.
આ ઘટના ચિરગાંવ વિસ્તારમાં બની હતી. ચિરગાંવના તાલાબપુરા મોહલ્લાના રહેતા રાજેશે બે મહિના પહેલા જ 24 જૂને ભંડેર (દતિયા)ના કદ્દૌર ખીરિયા ગામની એક યુવતી સાથે લગ્ન કર્યા હતા. લગ્ન પહેલા મહિલા બીજા પુરુષ સાથે સંબંધમાં હતી, અને તે સંબંધ લગ્ન પછી પણ ચાલુ રહ્યો. બીજી તરફ, લગ્નના થોડા દિવસો પછી રાજેશની તબિયત વારંવાર બગડવા લાગી. તેની પત્નીએ તેના પ્રેમી સાથે વાત કરવા માટે તેની ચા કે દૂધમાં ઊંઘની ગોળીઓ આપવા લાગી હતી.
પતિ તેની પત્ની પર શંકા કરવા લાગ્યો હતો. આ દરમિયાન, પડોશીઓએ જણાવ્યું કે એક યુવાન તેના ઘરે વારંવાર આવતો-જતો રહે છે, ક્યારેક મોડી રાત્રે પણ ઘરે આવે છે. રાજેશને તરત જ ખ્યાલ આવી ગયો કે તેની પત્નીનું કોઈ ચક્કર છે અને તે તેને છેતરી રહી છે. સોમવાર રાત્રે, પતિના મામા અકસ્માતમાં ઇજાગ્રસ્ત થયા હતા, અને રાજેશ તેને મળવા ગયો હતો. પત્નીને લાગ્યું કે હવે પતિ સવારે જ પાછો આવશે. તેણે પ્રેમીને બોલાવી લીધો. જોકે, પતિ મોડી રાત્રે પાછો ફર્યો ત્યારે મુખ્ય દરવાજાને બદલે છતથી ઘરમાં ઘૂસ્યો. બારીમાંથી બેડરૂમમાં ડોકિયું કર્યું, તો તેણે પત્નીને તેના પ્રેમી સાથે આપત્તિજનક સ્થિતિમાં જોઈ. તેણે પહેલા તેના મોબાઇલ ફોનમાં બંનેનો વીડિયો રેકોર્ડ કર્યો અને બંનેને રંગે હાથ પકડાવવા પોલીસને ફોન કરી દીધો જ્યારે પોલીસ આવી, ત્યારે પડોશીઓ ઘટનાસ્થળે ભેગા થઈ ગયા. બધા ભેગા થઈ ગયા.
બધા ભેગા થતા તેણે બેડરૂમનો દરવાજો ખોલી નાખ્યો. દરવાજો ખુલતા જ અંદરનું દૃશ્ય જોઈને બધા ચોંકી ગયા; પ્રેમી અને પત્ની બંને કપડાં વિનાના હતા. પતિ, પોલીસ અને પડોશીઓને જોતા જ બંનેએ ઝડપથી ચાદર અને ધાબળા ઓઢી લીધા. પરિવારના સભ્યોએ પ્રેમીને માર મારવાનો પ્રયાસ કર્યો, પરંતુ પોલીસે દરમિયાનગીરી કરીને તેમને રોક્યા. નવપરિણીત દુલ્હનને આ પ્રકારે બાહ્ય યુવક સાથે જોઈને ઘરની મહિલાઓએ હોબાળો મચાવ્યો.
પોલીસે કોઇક રીતે ભીડને શાંત કરી અને મહિલાના પિયરના લોકોને પણ ઘટનાસ્થળે બોલાવ્યા. મહિલાએ હવે તેના પ્રેમી સાથે રહેવાનો આગ્રહ રાખતા તેને પિયરે મોકલી આપવામાં આવી. પોલીસ પ્રેમીને પકડીને પોતાની સાથે લઇ ગઇ. આ મામલે ચિરગાંવ સ્ટેશનના પ્રભારી બલિરાજ શાહીએ જણાવ્યું હતું કે આ મામલો ઘટના પ્રેમ પ્રસંગનો લાગી રહ્યો છે. પતિ-પત્ની હવે સાથે રહેવા માંગતા નથી. પોલીસના જણાવ્યા અનુસાર, પતિએ તેની પત્ની પર ઊંઘની ગોળીઓ આપવાનો અને ઘરેણાં ચોરવાનો પણ આરોપ લગાવ્યો છે. જોકે, પૂછપરછ દરમિયાન, મહિલાએ ચોરીના આરોપોને નકારી કાઢતા કહ્યું કે ઘરેણાં તેની સાસુ પાસે છે. તેણે પહેલા જ સંબંધની વાત કબૂલતા તેના પ્રેમી સાથે રહેવાની ઇચ્છા વ્યક્ત કરી છે.
દંપતી વચ્ચે કોઈ પરસ્પર સમજૂતી ન થઈ શકી હોવાથી, મહિલાને તેની પોતાની ઇચ્છા અને તેની માતાની સંમતિથી તેના પિયરના લોકોને સોંપી દેવામાં આવી હતી. બંને પક્ષોને આ મામલો ફેમિલી કોર્ટમાં લઈ જવાની સલાહ આપવામાં આવી છે. રૂમમાં મળી આવેલા યુવક સામે શાંતિ ભંગ અંગે કાનૂની કાર્યવાહી શરૂ કરવામાં આવી છે.
3.jpg)
