રાહુલે પોતે જ હારની ભવિષ્યવાણી કરેલી, પિયુષ ગોયલે મોયે...મોયે.. વીડિયો શેર કર્યો

5 રાજયોની વિધાનસભાની ચૂંટણીમાં ભાજપે બમ્પર જીત મેળવ્યા પછી ભાજપ નેતા અને કેન્દ્રીય મંત્રી પિયુષ ગોયલે કોંગ્રેસ નેતા રાહુલ ગાંધીનો એક જૂનો વીડો શોધી કાઢ્યો છે. આ વીડિયોમાં રાહુલ ગાંધી ભૂલથી બોલી જાય છે કે કોંગ્રેસ જાય છે. પિયુષ ગોયલે આ વીડિયો X પ્લેટફોર્મ પર શેર કરીને લખ્યું છે કે રાહુલ ગાંધીની ભવિષ્ય વાણી સાચી પડી છે.

દેશમાં તાજેતરમાં યોજાયેલી વિધાનસભાની ચૂંટણીમાં તેલંગાણા સિવાય તમામ રાજ્યોમાં કોંગ્રેસને મોટો ઝટકો લાગ્યો છે. રાજસ્થાન, મધ્યપ્રદેશ અને છત્તીસગઢની વિધાનસભા ચૂંટણીમાં ભાજપે જંગી જીત નોંધાવી છે. આવી સ્થિતિમાં કોંગ્રેસ પાર્ટી વિરુદ્ધ સોશિયલ મીડિયા પર ઘણી પોસ્ટ શેર કરવામાં આવી રહી છે. કોંગ્રેસ નેતાઓના ઘણા મીમ્સ પણ ઘણી જગ્યાએ વાયરલ થઈ રહ્યા છે. આ વચ્ચેસ્થિ કેન્દ્રીય મંત્રી પિયૂષ ગોયલે પણ રાહુલ ગાંધી પર નિશાન સાધતા એક મીમ શેર કર્યો છે.

વાત એમ બની હતી કે હાલમાં જ કોંગ્રેસના સાંસદ રાહુલ ગાંધીએ પ્રેસ કોન્ફરન્સ કરીને રાજસ્થાન, મધ્યપ્રદેશ અને છત્તીસગઢમાં જીતનો દાવો કર્યો હતો. જો કે, આ સંબોધનમાં તેમની જીભ લપસી પડી હતી અને ભૂલથી કહ્યું હતું કે રાજસ્થાન અને છત્તીસગઢમાં પણ સરકાર જઈ રહી છે. રાહુલનો કહેવાનો મતલબ હતો કે રાજસ્થાન અને છત્તીસગઢમાં પણ કોંગ્રેસની સરકાર બની રહી છે.

રાજસ્થાન અને છત્તીસગઢ બંને રાજ્યોમાં કોંગ્રેસની સરકાર હતી. પરંતુ પરિણામો જાહેર થયા તેમાં બંને રાજ્યોમા કોંગ્રેસે સરકાર ગુમાવી. એટલે પિયુષ ગોયલે એ વીડિયો શોધીને મજા લીધી છે.

તાજેતરમાં જ 5 રાજ્યો મિઝોરમ, તેલંગાણા, રાજસ્થાન, મધ્યપ્રદેશ અને છત્તીસગઢમાં વિધાનસભાની ચૂંટણી યોજાઈ હતી. જેમાંથી મિઝોરમ સિવાય તમામ રાજ્યોના પરિણામો રવિવારે જાહેર કરવામાં આવ્યા હતા. તેલંગાણામાં કોંગ્રેસ પાર્ટીએ 64 બેઠકો જીતીને બહુમતી હાંસલ કરી છે. તો ભાજપે મધ્ય પ્રદેશમાં 163, રાજસ્થાનમાં 115 અને છત્તીસગઢમાં 54 બેઠકો મેળવીને બહુમતી હાંસલ કરી લીધી હતી.

ભાજપ વાળા રાહુલ ગાંધીના દરેક નિવેદન પર બાજ નજર રાખે છે અને જ્યારે જરૂર પડે ત્યારે એ નિવેદનોને ઉછાળે છે. તાજેતરમાં ICC મેન્સ વર્લ્ડકપ 2023માં ટીમ ઇન્ડિયાની ઓસ્ટ્રેલિયા સામે હાર થઇ હતી અને અમદવાદના નરેન્દ્ર મોદી સ્ટેડિયમ પર રમાયેલી આ મેચ જોવા માટે પ્રધાનમંત્રી નરેન્દ્ર મોદી ગયા હતા. રાહુલ ગાંધીએ રાજસ્થાનમાં PMનું નામ લીધા વગર કહ્યુ હતું કે, પનોતીને કારણે મેચ હાર્યા. ભાજપે આ પનોતી શબ્દ સામે પોતાનું અભિયાન ચાલું કરી દીધું હતું

Related Posts

Top News

સુરતમાં એક જ પરિવારની 2 દીકરી અને 1 દીકરો સેનામાં છે

સામાન્ય રીતે એવી છાપ છે કે ભારતીય આર્મીમાં ગુજરાતીઓ જોડાતા નથી, ગુજરાતીઓને માત્ર બિઝનેસમાં જ રસ છે. પરંતુ ઓપરેશન...
Gujarat 
સુરતમાં એક જ પરિવારની 2 દીકરી અને 1 દીકરો સેનામાં છે

બલુચિસ્તાન પાકિસ્તાનનું નથી... બલુચ નેતાઓએ કરી આઝાદીની જાહેરાત, કહ્યું-તાત્કાલિક PoK છોડી દે પાકિસ્તાન

પાકિસ્તાન અધિકૃત બલુચિસ્તાનમાં બલુચ લોકો રસ્તાઓ પર ઉતરી આવ્યા છે અને તેમનો રાષ્ટ્રીય ચુકાદો છે કે બલુચિસ્તાન પાકિસ્તાન નથી અને...
World 
બલુચિસ્તાન પાકિસ્તાનનું નથી... બલુચ નેતાઓએ કરી આઝાદીની જાહેરાત, કહ્યું-તાત્કાલિક PoK છોડી દે પાકિસ્તાન

આ 5 બેંકોમાં હિસ્સેદારી વેચશે મોદી સરકાર! હિસ્સેદારી ઘટાડતા પહેલી વખત થશે આ કામ

સરકાર આગામી સમયમાં બેન્કિંગ સિસ્ટમને લઈને કેટલાક મોટા ફેરફારની યોજના બનાવી રહી છે. એક તરફ, સરકાર IDBI બેન્કમાં લગભગ ...
Business 
આ 5 બેંકોમાં હિસ્સેદારી વેચશે મોદી સરકાર! હિસ્સેદારી ઘટાડતા પહેલી વખત થશે આ કામ

'પાકિસ્તાન ઝિંદાબાદ' લખી જેલમાં ગયો, બહાર આવ્યો ત્યારે 'ભારત માતા કી જય' કહેવાનું શરૂ કર્યું

ઉત્તર પ્રદેશના બરેલીથી એક વીડિયો સામે આવ્યો છે. વીડિયોમાં, ફખરુદ્દીન નામનો વ્યક્તિ પોલીસ કસ્ટડીમાં લંગડાતા ચાલતો જોવા મળે છે. ફખરુદ્દીન...
National 
'પાકિસ્તાન ઝિંદાબાદ' લખી જેલમાં ગયો, બહાર આવ્યો ત્યારે 'ભારત માતા કી જય' કહેવાનું શરૂ કર્યું
Copyright (c) Khabarchhe All Rights Reserved.