ઓસ્ટ્રેલિયાના પૂર્વ કેપ્ટન સ્ટીવ સ્મિથનું માનવું છે કે, IPLની વર્તમાન સિઝનમાં રોયલ ચેલેન્જર્સ બેંગ્લોરના બાકીના બેટ્સમેનોની નિષ્ફળતાને કારણે વિરાટ કોહલી પર ઘણું દબાણ છે અને તેના સાથી ખેલાડીઓએ વધુ સારું પ્રદર્શન કરીને તેને સમર્થન આપવું જોઈએ.
કોહલીએ આ સિઝનમાં RCB માટે 4 મેચમાં 67.66ની એવરેજથી 203 રન બનાવ્યા છે, જ્યારે બીજા ક્રમે દિનેશ કાર્તિક છે જેણે માત્ર 90 રન બનાવ્યા છે.
કોહલીના સારા ફોર્મ છતાં RCB ચારમાંથી ત્રણ મેચ હારી ગયું છે અને પોઈન્ટ ટેબલમાં 8મા સ્થાને છે. ગ્લેન મેક્સવેલ, ફાફ ડુ પ્લેસિસ અને કેમેરોન ગ્રીનના બેટ શાંત રહ્યા છે.
એક મીડિયા ટીમની કોમેન્ટ્રીના સભ્ય સ્મિથે ચેનલના સ્ટુડિયોમાં સૂત્રો સાથે વાત કરતા કહ્યું કે, 'અન્ય અગ્રણી બેટ્સમેનોએ તેને સપોર્ટ કરવો જોઈએ. આમ કરીને તેઓ ટીમને જીતના માર્ગ પર લાવી શકે છે. આ સમયે તમામ દબાણ માત્ર વિરાટ કોહલી પર છે.
તેણે કહ્યું, 'ટોપ અને મિડલ ઓર્ડરના બેટ્સમેનોએ તેની મદદ કરવી જોઈએ. તેણે ખૂબ જ સારી શરૂઆત કરી છે, પરંતુ તેને સમર્થનની જરૂર છે. તે એકલો દરેક મેચમાં રન બનાવી શકતો નથી.
ધીમી સ્ટ્રાઈક રેટ (વિરાટ કોહલી સ્ટ્રાઈક-રેટ)ને લઈને કોહલીની ટીકાને ફગાવી દેતા સ્મિથે કહ્યું કે, દુનિયાનો કોઈ ખેલાડી કોહલીથી વધુ સારી રીતે આ પરિસ્થિતિને સમજી શકે નહીં.
તેણે કહ્યું, ‘કોહલી એક મહાન ખેલાડી છે. તે પરિસ્થિતિને સારી રીતે સમજે છે અને તે મુજબ રમે છે અને આ બાબતમાં દુનિયામાં તેની બરાબરી નથી.
રોહિત શર્માની જગ્યાએ મુંબઈ ઈન્ડિયન્સનો કેપ્ટન બનાવવામાં આવ્યા પછી દર્શકોના રોષનો સામનો કરી રહેલા હાર્દિક પંડ્યાના કિસ્સામાં તેણે કહ્યું કે, દર્શકોએ ભૂતકાળમાં જીવવાનું બંધ કરી દેવું જોઈએ.
તેણે કહ્યું, 'આ દુર્ભાગ્યપૂર્ણ છે. દર્શકોએ હાર્દિકને સમર્થન આપવું જોઈએ, પરંતુ રોહિતના અસંખ્ય ચાહકો છે. તેઓ ગુસ્સે છે કે, તે કેપ્ટન કેમ નથી. પરંતુ હવે આપણે તેને ભૂલીને હાર્દિકને સમર્થન આપવું પડશે. તે ગુજરાત ટાઇટન્સનો સફળ કેપ્ટન રહ્યો છે, અને હવે તે મુંબઈ પાછો ફર્યો છે. સિનિયર ખેલાડીઓએ તેની મદદ કરવી જોઈએ.'
છ વર્ષ પહેલા કેપટાઉન ટેસ્ટમાં બોલ ટેમ્પરિંગ માટે પ્રતિબંધિત સ્મિથે કહ્યું, 'આટલી બધી નકારાત્મકતા વચ્ચે તેણે તેનો સામનો કરવાના રસ્તાઓ શોધવા પડશે. જો મુંબઈ જીતના માર્ગે પરત ફરશે તો બધુ બરાબર થઈ જશે.'
રાહુલ ગાંધીના નિવેદનો જ કોંગ્રેસ પક્ષને હરાવે ડૂબાડે છે 
