એટલી ગરીબી હતી કે બોલ ખરીદવાના પણ પૈસા નહોતા, હવે ધોનીની ટીમે ખરીદ્યો લાખોમાં

ઈન્ડિયન પ્રીમિયર લીગે ઘણા ખેલાડીઓને રાતો રાત સ્ટાર બનાવી દીધા છે. ખેલાડીઓની મહેનતને રંગ લાવવામાં આઈપીએલનું મહત્વનું યોગદાન રહ્યું છે. IPL 2023 માટે કોચીમાં થયેલા ઓક્શન દરમિયાન ઘણા ખેલાડીઓની કિસ્મત ખુલી ગઈ છે. એક તરફ જ્યાં આ ઐતિહાસિક નિલામીએ IPLના બધા રેકોર્ડ તોડી નાખ્યા, ત્યાં આ ઓક્શનમાં લાગેલી નાનકડી બોલીએ પણ ઘણા સપનાઓને સાકાર કરી દીધા છે.

એવું જ કંઈક ત્યારે થયું જ્યારે ચેન્નાઈ સુપર કિંગ્સની ટીમે 20 લાખની બોલીમાં એક ખેલાડીને પોતાની ટીમમાં સામેલ કર્યો. આ ખેલાડી બીજું કોઈ નહીં પરંતુ શેખ રશીદ છે. રશીદને IPL 2023 માટે ધોનની ટીમમાં સામેલ કરવામાં આવ્યો છે.

વર્ષ 2004માં આંધ્ર પ્રદેશના ગુંટુરમાં જન્મેલા રશીદ માટે આ એક એવી પળ હતી, જેને તે જિંદગીભર નહીં ભૂલે. આંધ્ર પ્રદેશના આ બેટ્સમેને અંડર 19 વર્લ્ડ કપમાં શાનદાર ઈનિંગ રમીને ટીમ ઈન્ડિયાને ચેમ્પિયન બનવામાં મદદ કરી હતી. તેણે વર્લ્ડ કપની ફાઈનલમાં અર્ધશતક માર્યું હતું. રશીદ માટે આ મુકામ હાંસલ કરવો સરળ નહીં હતો. તે અને તેના પિતાની કપરી મહેનત રંગ લાવી અને આજે તે ધોનીની ટીમમાં રમવા માટે તૈયાર છે.

જ્યાં રશીદની વાત નીકળે અને તેના પિતાની વાત ન થાય તેવું શક્ય નથી. આજે રશીદ જે કંઈ પણ છે તેમાં તેના પિતાનો ફાળો સૌથી વધારે છે. શેખ રશીદ એક શાનદાર ખેલાડી છે, તેમાં કોઈ બેમત નથી.પરંતુ તેને એક ખેલાડીના રૂપમાં શોધવાના કામમાં તેના પિતાનો સૌથી મોટો હાથ રહ્યો છે. રશીદના પિતા રોજ તેને 50 કિમી દૂર ટ્રેનિંગ માટે લઈ જતા અને લાવતા હતા. આ કારણે તેમણે પોતાની નોકરી પણ ગુમાવવી પડી હતી. આટલું બધુ થઈ જવા છતાં તેના પિતાએ હાર ન માની અને પોતાના છોકરાની ટ્રેનિંગ ચાલુ રાખી. રશીદે પણ પોતાના પિતાની આ મહેનતને નકામી જવા દીધી ન દીધી અને આજે તે બંનેની મહેનત રંગ લાવી છે.

 
 
 
View this post on Instagram

A post shared by Rasheed (@shaikrasheed66)

શેખ રશીદ અને તેના પરિવારે અહીં પહોંચવા સુધી ઘણી મુશ્કેલીઓનો સામનો કર્યો છે. તેના પિતા ઘણી ખરાબ પરિસ્થિતિમાં પણ ઘર ચલાવતા હતા. પૈસાની કમીના કારણે પોતાના છોકરાને તે લેધરની બોલ પણ અપાવી શકતા ન હતા. રશીદે સિન્થેટીકના બોલથી પ્રેક્ટીસ કરી અને પોતાને સક્ષમ બનાવતો રહ્યો.

અંડર 19 વર્લ્ડ કપ દરમિયાન 50 થી વધુની સરેરાશથી 201 રન બનાવ્યા હતા. જ્યારે ફાઈનલમાં તેની ઈનિંગે ભારતને જીત અપાવી હતી. રશીદ પોતાના ટેલેન્ટના દમ પર ધોનીને ઈમ્પ્રેસ કરી શકે છે.

About The Author

Top News

કેએલ રાહુલની વિસ્ફોટક ઇનિંગથી સંજીવ ગોએન્કાનું મોઢું ફૂલ્યું, મેચ બાદ રાહુલે ઉદાસીનતાથી હેન્ડસેક કર્યો, વીડિયો વાયરલ

IPL 2025મા કેએલ રાહુલનું શાનદાર પ્રદર્શન ચાલુ છે. ગત સીઝન સુધી લખનૌ સુપર જાયન્ટ્સ (LSG)નો હિસ્સો રહેલા...
Sports 
કેએલ રાહુલની વિસ્ફોટક ઇનિંગથી સંજીવ ગોએન્કાનું મોઢું ફૂલ્યું, મેચ બાદ રાહુલે ઉદાસીનતાથી હેન્ડસેક કર્યો, વીડિયો વાયરલ

તમારા Please અને Thank Youને કારણે ચેટ GPTને થઇ રહ્યું છે અબજોનું નુકસાન!

Please, Thank You અને Sorryએ ત્રણ શબ્દો આપણા જીવનનો એક ભાગ બની ગયા છે. આ વાત તમને કડવી જ...
Tech & Auto 
તમારા Please અને Thank Youને કારણે ચેટ GPTને થઇ રહ્યું છે અબજોનું નુકસાન!

બંને લીગોની તુલના કંઈ રીતે કરવી? PSLના ટોપ-10 ખેલાડીઓ જેટલી તો કોહલી એકલાની જ સેલેરી છે

T20 ક્રિકેટ લીગની વાત જ્યારે પણ આવે છે, ત્યારે સૌથી પહેલું નામ ઇન્ડિયન પ્રીમિયર લીગ (IPL)નું આવે...
Sports 
બંને લીગોની તુલના કંઈ રીતે કરવી? PSLના ટોપ-10 ખેલાડીઓ જેટલી તો કોહલી એકલાની જ સેલેરી છે

ચીન 60 વર્ષ આગળ, શું કહીને આ ભારતીય કંપનીના CEOએ ‘હોલિડે કલ્ચર’ પર ઉઠાવ્યા સવાલ

ક્લીનરૂમ્સ કન્ટેનમેન્ટ્સના સંસ્થાપક અને CEO રવિકુમાર તુમ્મલાચર્લાએ એપ્રિલમાં રજાઓની લિસ્ટ લિંક્ડઇન પર શેર કરી છે. તેમણે દેશની સાર્વજનિક રજાના કેલેન્ડર...
ચીન 60 વર્ષ આગળ, શું કહીને આ ભારતીય કંપનીના CEOએ ‘હોલિડે કલ્ચર’ પર ઉઠાવ્યા સવાલ
Copyright (c) Khabarchhe All Rights Reserved.