ગુજરાતની ટીમના આ ખેલાડી  ગાવસ્કરે કહ્યું- તે હંમેશાં 100% આપે છે

રાજસ્થાન સામેની મેચમાં ધમાકેદાર વિજય અપાવનાર ગુજરાત ટાઇટન્સના ખેલાડી રાશિદ ખાનના ચારેબાજુ ભરપેટ વખાણ થઈ રહ્યા છે, જેમાં સુનિલ ગાવસ્કર પણ બાકી નથી. ગાવસ્કરે ગુજરાતની જીત બાદ કહ્યું હતું કે, જ્યારે બેટિંગની વાત આવી તો રાશિદે પિચને સારી રીતે પિક કરી. તે આવ્યો અને રન બનાવવા લાગ્યો. આ જ કારણ છે કે દુનિયાભરની ફ્રેન્ચાઇઝીઓને તેને પોતાની ટીમમાં શામેલ કરવા માટે જલદી હોય છે. તે બધા પોતાની ટીમમાં રાશિદને લેવા માગે છે. તેનો વિશ્વાસ, તેની બેટિંગ અને તેની બોલિંગ જોઈને અને જ્યારે તે ફીલ્ડિંગ પણ કરે છે તો તે જીવ લગાવીને કરે છે.

ગાવસ્કરે વધુમાં કહ્યું કે, ફીલ્ડિંગ કરતી વખતે બોલર હંમેશાં ડાઇવ મારતી વખતે ચિંતિત રહે છે, કારણ કે તેના ખભામાં કોઈ ઈજા થઈ તો કરિયર ખતરામાં પડી શકે છે, પરંતુ રાશિદ ખાન એવું નથી વિચારતો, તે પોતાની ટીમ માટે 100 ટકા યોગદાન આપે છે.

રાજસ્થાન રોયલ્સ સામેની મેચમાં ગુજરાત ટાઇટન્સ (RR vs GT)ના દિગ્ગજ રાશિદ ખાને અદ્ભુત બેટિંગ અને બોલિંગ કરી હતી, જ્યારે રાશિદે બોલિંગ દરમિયાન એક વિકેટ લેવાની અજાયબી કરી હતી, તો બીજી તરફ બેટિંગ દરમિયાન તેણે 11 બોલમાં 24 રન બનાવ્યા હતા અને તેની ટીમને જીત અપાવવામાં મહત્વની ભૂમિકા ભજવી હતી. રાશિદના ઓલરાઉન્ડ પ્રદર્શનથી તેને પ્લેયર ઓફ ધ મેચનો ખિતાબ મળ્યો. રશીદે પ્લેયર ઓફ ધ મેચનો ખિતાબ જીતીને IPLમાં ઈતિહાસ રચ્યો છે. રાશિદ ખાન IPLના ઈતિહાસમાં 25 વર્ષ કે તેથી ઓછી ઉંમરમાં સૌથી વધુ વખત પ્લેયર ઓફ ધ મેચનો ખિતાબ જીતનાર ખેલાડી બની ગયો છે.

રાશિદે 12મી વખત IPLમાં પ્લેયર ઓફ ધ મેચનો ખિતાબ જીતવામાં સફળતા મેળવી છે. આમ કરીને રાશિદે એક સાથે અનેક દિગ્ગજોને હરાવી દીધા છે. અહીં તમને જણાવી દઈએ કે, આ મામલામાં ગિલ IPLમાં 9 વખત પ્લેયર ઓફ ધ મેચનો ખિતાબ જીતી ચૂક્યો છે, જ્યારે ઋતુરાજ ગાયકવાડે 8 વખત, રોહિત શર્માએ 7 વખત અને રહાણેએ પણ 25 કે તેથી ઓછી ઉંમરે 7 વખત મેન ઓફ ધ મેચનો ખિતાબ જીતવામાં સફળ રહ્યો હતો. આ કિસ્સામાં સંજુ સેમસન પણ IPLમાં 7 વખત પ્લેયર ઓફ ધ મેચનો ખિતાબ જીતવામાં સફળ રહ્યો હતો. અત્યારે રાશિદની ઉંમર 25 વર્ષ છે અને ગિલની ઉંમર 24 વર્ષની છે. આવી સ્થિતિમાં ગિલ પાસે રાશિદનો આ રેકોર્ડ તોડવાનો મોકો હશે.

IPLમાં 25 કે તેથી ઓછી ઉંમરે સૌથી વધુ વખત પ્લેયર ઓફ ધ મેચનો એવોર્ડ જીતનાર ખેલાડીઓઃ ૧૨-રાશિદ ખાન, 9-શુભમન ગિલ, 8-ઋતુરાજ ગાયકવાડ, 7-રોહિત શર્મા, 7-અજિંક્ય રહાણે, 7-સંજુ સેમસન.

મેચની વાત કરીએ તો, તમને જણાવી દઈએ કે, પહેલા રમતા રાજસ્થાને 20 ઓવરમાં 3 વિકેટે 196 રન બનાવ્યા હતા, ત્યાર પછી ગુજરાતે છેલ્લા બોલ પર મેચ જીતીને અજાયબી કરી હતી. રાજસ્થાનને આ સિઝનમાં પહેલી હાર મળી છે. આ સાથે જ IPLના ઈતિહાસમાં છેલ્લા બોલ પર લક્ષ્યાંક હાંસલ કરવાનો ગુજરાતનો આ સૌથી મોટો સ્કોર છે. આ પહેલા 2022માં ગુજરાતે હૈદરાબાદ સામેની મેચમાં 196 રન બનાવીને જીત મેળવી હતી.

છેલ્લા બોલ પર GT માટે સૌથી સફળ ચેઝ: 197 રન Vs RR, જયપુર, 2024*, 196 રન Vs SRH, વાનખેડે, 2022, 190 રન Vs PBKS, બ્રેબોર્ન, 2022.

Top News

પતિ થયો બેનકાબ, ઇન્સ્ટાવાળી ગર્લફ્રેન્ડ નીકળી પોતાની જ પત્ની, રેસ્ટોરાંમાં મળવા પહોંચેલો...

લગ્ન બાદ પણ પોતાને અપરિણીત બતાવીને છોકરીઓને પ્રેમમાં ફસાવનાર એક  પુરુષનું રહસ્ય તેની જ પત્નીએ ખોલી દીધું. પત્નીએ સોશિયલ મીડિયા...
National 
પતિ થયો બેનકાબ, ઇન્સ્ટાવાળી ગર્લફ્રેન્ડ નીકળી પોતાની જ પત્ની, રેસ્ટોરાંમાં મળવા પહોંચેલો...

ચૈતર વસાવાની ચિમકી, તો PM મોદીનો કાર્યક્રમ નહીં થવા દઇશું

નર્મદા જિલ્લાના કેવડીયા ખાતે આવેલા સ્ટેચ્યુ ઓફ યુનિટી પાસે લારી- ગલ્લા, ઘર, ઝુપડાનું દબાણ હટાવી દેવાતા આમ આદમી...
Gujarat 
ચૈતર વસાવાની ચિમકી, તો PM મોદીનો કાર્યક્રમ નહીં થવા દઇશું

ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

તારીખ: 18-05-2025 દિવસ: રવિવાર મેષ: આજનો દિવસ તમારા માટે મિશ્રિત રહેશે. તમે કેટલીક નવી વ્યવસાયિક યોજનાઓ અમલમાં મૂકશો, પરંતુ તમારે...
Astro and Religion 
ગુડ મોર્નિંગ ગુજરાતઃ રાશિ ભવિષ્યમાં જાણો તમારો આજનો દિવસ

‘હેરા ફેરી 3’થી બહાર પરેશ રાવલ, આખરે શું છે તેમનું બહાર થવાનું કારણ?

પ્રિયદર્શનની હિટ કોમેડી ફિલ્મ 'હેરા ફેરી'ના ફેન્સ માટે એક ખૂબ જ ખરાબ સમાચાર આવ્યા છે. એવા સમાચાર...
Entertainment 
‘હેરા ફેરી 3’થી બહાર પરેશ રાવલ, આખરે શું છે તેમનું બહાર થવાનું કારણ?
Copyright (c) Khabarchhe All Rights Reserved.