નેપાળ સરકારે નેપાળ ટેલિકોમ ઓથોરિટીને 26 સોશિયલ મીડિયા વેબસાઇટ્સને બ્લોક કરવાનો આદેશ આપ્યો છે. આ વેબસાઇટ્સમાં મેટા અને X પણ શામેલ છે. ન્યૂઝ એજન્સી AP દ્વારા આપવામાં આવેલી માહિતી અનુસાર, નેપાળના કમ્યુનિકેશન એન્ડ ઇન્ફોર્મેશન મંત્રી પૃથ્વી સુબ્બા ગરુડે જણાવ્યું હતું કે, નેપાળમાં ઉપસ્થિત લગભગ 2 ડઝન સોશિયલ નેટવર્ક પ્લેટફોર્મને ઘણી વખત નોટિસ મોકલવામાં આવી છે કે તેઓ પોતાની કંપનીને દેશમાં રજીસ્ટર કરાવે.
નેપાળની મિનિસ્ટ્રી ઓફ કમ્યુનિકેશન એન્ડ ઇન્ફોર્મેશનના પ્રવક્તા ગજેન્દ્ર ઠાકુરે જણાવ્યું હતું કે, મંત્રાલયે તમામ સોશિયલ મીડિયાને નેપાળમાં રજીસ્ટર કરાવવા માટે અંતિમ ચેતવણી આપી હતી. ગુરુવારે બપોરે થયેલી બેઠકમાં નેપાળ ટેલિકોમ ઓથોરિટીને આજથી અમલમાં આવતા 26 સોશિયલ મીડિયા પર પ્રતિબંધ લગાવવાનો આદેશ આપવાનો નિર્ણય લેવામાં આવ્યો છે.
https://twitter.com/ANI/status/1963587314342322181
APના રિપોર્ટ મુજબ, ટિકટોક, વાઇબર અને 3 અન્ય સોશિયલ મીડિયા પ્લેટફોર્મને નેપાળમાં કામ કરવાની મંજૂરી આપવામાં આવશે કારણ કે તેમણે સરકાર સાથે રજીસ્ટર કરાવી છે. નેપાળ સરકાર કંપનીઓને દેશમાં સંપર્ક કાર્યાલય અથવા પોઈન્ટ નિયુક્ત કરવા કહી રહી છે.
નેપાળ સરકારે સંસદમાં એક બિલ રજૂ કર્યું છે. તેનો હેતુ એ સુનિશ્ચિત કરવાનો છે કે સોશિયલ પ્લેટફોર્મ યોગ્ય રીતે સંચાલિત થાય અને જવાબદાર હોય. નેપાળી સંસદમાં આ બિલ પર હજુ સુધી પૂરી રીતે ચર્ચા થઈ નથી. તેની સેન્સરશીપના માધ્યમ અને ઓનલાઈન વિરોધ કરનારા સરકારી વિરોધીઓને સજા કરવાના માર્ગ તરીકે તેની ટીકા કરવામાં આવી રહી છે.
અધિકાર જૂથોએ તેને સરકાર દ્વારા અભિવ્યક્તિની સ્વતંત્રતાને મર્યાદિત કરવા અને નાગરિકોના મૂળભૂત અધિકારોનું ઉલ્લંઘન કરવાનો પ્રયાસ ગણાવ્યો છે. અધિકારીઓએ કહ્યું છે કે સોશિયલ મીડિયા પર દેખરેખ રાખવા માટે કાયદો લાવવો જરૂરી હતો, જેથી યુઝર્સ અને ઓપરેટરો બંને એ વાત માટે જવાબદાર હોય કે, તેઓ આ પ્લેટફોર્મ પર શું શેર કરે છે અને શું પ્રકાશિત કરવામાં આવી રહ્યું અથવા કહેવામાં આવી રહ્યું છે.
15.jpg)
