ઉત્તર કોરિયાના તાનાશાહ કિમ જોંગ વારંવાર વિચિત્ર નિર્ણયો રહીને ચર્ચામાં રહેતો હોય છે. ફરી એકવાર તેણે મગજ ચકરાવે ચઢી જાય તેવો નિર્ણય લીધો છે. એક સૈનિકની ગોળીઓ ગુમ થઇ ગઇ તો આખા શહેરમાં લોકડાઉન લગાવી દીધું છે અને તે પણ અચોક્કસ મુદત માટે.
ઉત્તર કોરિયાના સરમુખત્યાર કિમ જોંગે આખા શહેરમાં અનિશ્ચિત સમય માટે લોકડાઉન લગાવી દીધું છે. આ લોકડાઉન કોરોનાને કારણે નહીં પરંતુ બંદુકની ગોળીઓ ગુમ થવાને કારણે લગાવવામાં આવ્યું છે. કિમનો આદેશ છે કે જ્યાં સુધી આ ગોળીઓ ન મળે ત્યાં સુધી હેસન શહેરમાંથી લોકડાઉન હટાવવામાં ન આવે. રેડિયો ફ્રી એશિયાના અહેવાલ મુજબ, આ મહિનાની શરૂઆતમાં એક સૈનિક પાસેથી 653 ગોળીઓ ગાયબ થઈ ગઈ હતી.
જે બાદ કિમ જોંગ-ઉને ગોળીઓ મળે નહીં ત્યાં સુધી સમગ્ર શહેરમાં સર્ચ ઓપરેશનનો આદેશ આપ્યો હતો. રિપોર્ટ અનુસાર, આ લોકડાઉન બે લાખની વસ્તીવાળા હેસન શહેરમાં લાગુ કરવામાં આવ્યું છે. આ શહેરના એક સ્થાનિક રહેવાસી રિયાંગાંગે જણાવ્યું કે જ્યાં સુધી 653 ગોળીઓ ન મળે ત્યાં સુધી શહેરમાં લોકડાઉન ચાલુ રહેશે.
આ ગોળીઓ 7 માર્ચે ગુમ થઈ ગઈ હતી. તે આ દિવસે હતો કે કોરિયન પીપલ્સ આર્મીની સાતમી બટાલિયન હેસન શહેરમાં પાછી ફરી હતી. વાસ્તવમાં આ બટાલિયનને 2020 માં કોરોનાની શરૂઆતમાં દેશની સરહદ પર મોકલવામાં આવી હતી. પરંતુ 7 માર્ચે, બટાલિયનની ટુકડી હેસન શહેરમાં પાછી ફરી. દરમિયાન ગોળીઓ ગુમ થવાની ઘટના બની હતી.
રિપોર્ટ અનુસાર, શરૂઆતમાં સૈનિકોએ ગુમ થયેલી ગોળીઓની જાણ કરી ન હતી પરંતુ પોતાના સ્તરે તેને શોધવાનો પ્રયાસ કર્યો હતો. પરંતુ ગોળીઓ ન મળતાં વહીવટી તંત્રને તેની જાણ કરવામાં આવી હતી. મામલો વધી જતાં કિમે તાત્કાલિક અસરથી હેસન શહેરમાં લોકડાઉનનો આદેશ આપ્યો હતો. લોકડાઉન હેઠળ સમગ્ર શહેરને સીલ કરી દેવામાં આવ્યું છે.
સૈન્ય અને પોલીસ ગોળીઓને શોધવા માટે ઘરે-ઘરે તપાસ કરી રહી છે. પરંતુ હજુ સુધી ગોળીઓનો કોઈ સુરાગ મળ્યો નથી. આ પહેલીવાર નથી જ્યારે કિમ જોંગ ઉને આવો સનકી નિર્ણય લીધો હોય. આ પહેલા પણ તે ઘણી વખત આવા જ વિચિત્ર નિર્ણયો આપી ચૂક્યો છે. કિમ જોંગ દેશમાં હસવા પર પણ પ્રતિબંધ લગાવી ચૂક્યો છે.<
9.jpg)
15.jpg)
