ઉત્તર કોરિયામાં કોન્ડોમના ઉપયોગ કરવા પર પ્રતિબંધિત લગાવી દેવામાં આવ્યો છે. આ કારણે આ દેશમાં તે હવે પ્રતિબંધિત વસ્તુ બની ગઈ છે. દેશના જન્મદરમાં વધારો કરવાના પ્રયાસ હેઠળ કિમ જોંગ ઉનના શાસનમાં કોન્ડોમના ઉત્પાદન અને વેચાણ પર કડક પ્રતિબંધ લગાવી દેવામાં આવ્યા છે. કોન્ડોમનો ઉપયોગ અને તેને રાખવાનું હજુ પણ કાયદેસર છે, તેને લઈને તસ્કરીનું એક મોટું નેટવર્ક બની ચૂક્યું છે. ખાસ કરીને ચીનથી તો કોન્ડોમને ભેટ તરીકે લાવવામાં આવે છે અને પછી તસ્કર તેને કળા બજારમાં વધુ કિંમતે વેચે છે.
ખાસ વાત એ છે ઉત્તર કોરિયામાં કોન્ડોમ હવે સૌથી વધુ માંગવામાં આવતી ભેટ બની ગઈ છે. પડોશી ચીનથી જે લોકો ઉત્તર કોરિયા જાય છે, તેઓ એક ખાસ ગિફ્ટના રૂપમાં કોન્ડોમ લઈ જાય છે. કિમ જોંગ ઉનના આદેશને કારણે ઉત્તર કોરિયામાં કોન્ડોમનું ઉત્પાદન અને વેપાર કરવા પર પૂરી રીતે પ્રતિબંધિત છે. આ જ કારણ છે કે અહીંના લોકો માત્ર તસ્કરી દ્વારા જ તેનો ઉપયોગ કરી શકે છે. કોન્ડોમની તસ્કરી કરનારા તેમના નફા માટે વેશ્યાવૃત્તિ અથવા અન્ય ગેરકાયદેસર ગતિવિધિઓમાં તેનો ઉપયોગ કરે છે.
ઉત્તર કોરિયામાં યૌન શિક્ષણ પૂરી રીતે પ્રતિબંધિત છે. બાળકો અને કિશોરોને આ વિષય પર કોઈ જાણકારી આપવામાં આવતી નથી. શાળાઓમાં કોન્ડોમનો ઉપયોગ કરવા અથવા સુરક્ષિત યૌન સંબંધનું શિક્ષણ આપવું ગેરકાયદેસર છે. એવું માનવામાં આવે છે કે ત્યાંના લોકો આ વિષયમાં એટલા અજાણ છે કે ઘણા કિશોરોને કોન્ડોમ બાબતે કોઈ જાણકારી જ હોતી નથી.
એક વ્યક્તિએ એક ઈન્ટરવ્યૂમાં કહ્યું હતું કે તે પ્યોંગયાંગમાં મોટો થયો છે પરંતુ તેણે ક્યારેય કોન્ડોમનું નામ સાંભળ્યું નહોતું. દક્ષિણ કોરિયામાં જઈને તેણે યૌન શિક્ષણ બાબતે અનુભવ કર્યો અને કોન્ડોમ શું છે અને તેનો ઉપયોગ કેવી રીતે કરવો તે સમજાયું.
