ઈરાને અમેરિકા અને ઈઝરાયલ સામે મધ્ય પૂર્વમાં છેડેલા જંગ બાદ હવે આઠ મુસ્લિમ દેશો પર હુમલો કર્યો છે. આ હુમલાઓમાં સૌથી વધુ નુકસાન સંયુક્ત આરબ અમીરાત (UAE) ના આર્થિક પાટનગર ગણાતા દુબઈ શહેરને થયું છે. 28 ફેબ્રુઆરીના રોજ ઈરાને દુબઈ પર મિસાઈલોનો મારો ચલાવ્યો હતો, જેના કારણે શહેરમાં ભારે તબાહી સર્જાઈ હતી અને ઈમરજન્સી જાહેર કરવી પડી હતી. આ હુમલામાં ઓછામાં ઓછા બે લોકોના મોત થયાના અહેવાલ છે.
સૌથી મોટો પ્રશ્ન એ ઊભો થાય છે કે દુબઈમાં અમેરિકાનું કોઈ સૈન્ય મથક (Military Base) નથી, તો પછી ઈરાને તેને કેમ નિશાન બનાવ્યું? નિષ્ણાતોના મતે તેની પાછળ દુબઈનું આર્થિક અને વ્યૂહાત્મક મહત્વ જવાબદાર છે.
દુબઈમાં અમેરિકાનું વધતું રોકાણ અને વ્યાપાર
દુબઈ માત્ર પ્રવાસન જ નહીં, પણ અમેરિકી રોકાણનું પણ મોટું કેન્દ્ર છે.
જેબેલ અલી પોર્ટનું વ્યૂહાત્મક મહત્વ
દુબઈનું જેબેલ અલી પોર્ટ વિશ્વનું સૌથી મોટું માનવસર્જિત બંદર છે. અહીં અમેરિકી યુદ્ધ જહાજોને રોકાવાની સુવિધા મળે છે, જે ઈરાન માટે ખતરો છે. ઈરાને આ વ્યૂહાત્મક મહત્વને ધ્યાનમાં રાખીને 137 બેલેસ્ટિક મિસાઈલો અને 209 ડ્રોન છોડ્યા હતા.
પડોશી દેશો પર હુમલા પાછળની ઈરાનની રણનીતિ
ઈરાનની રણનીતિ પાછળ મુખ્યત્વે આર્થિક નુકસાન પહોંચાડવાનો હેતુ છે:
શું ઈરાન સફળ થશે?
ઈરાન ઈચ્છે છે કે દુબઈ અને UAE અમેરિકા પર દબાણ લાવે જેથી તે તેની નીતિઓ બદલે. જોકે, આ રણનીતિ ઈરાન પર જ ઉંધી પડી શકે છે. દુબઈ અને સાઉદી અરેબિયાએ આ મામલે એકજૂટતા બતાવી છે. આ હુમલા બાદ ઈરાન આંતરરાષ્ટ્રીય સ્તરે વધુ અલગ-થલગ પડી શકે છે.
દુબઈ પરનો હુમલો માત્ર ભૌતિક નુકસાન માટે નહીં, પરંતુ અમેરિકાના આર્થિક અને વ્યૂહાત્મક હિતોને નબળા પાડવા માટે હતો, જેનાથી પ્રાદેશિક શાંતિ પર ગંભીર જોખમ ઊભું થયું છે.
6.jpg)
