ભારતમાં EV સ્કૂટર સેગમેન્ટમાં ધમાલ મચી ગઈ છે. સિમ્પલ એનર્જીનું નવું સિમ્પલ અલ્ટ્રા એક જ ચાર્જ પર 400 Kmની રેન્જ ધરાવે છે, જે તેને દેશનું સૌથી લાંબી રેન્જનું સ્કૂટર બનાવે છે. 115 Km/hની ટોચની ઝડપ, સ્માર્ટ સુવિધાઓ અને લાઈફટાઈમ બેટરી વોરંટી સાથે, આ સ્કૂટર વાહનના બજારમાં આખી ગેમ પલટી શકે છે. શું તે ઓલા અને એથરને પાછળ છોડી દેશે? ચાલો આપણે જાણી લઈએ તેના વિશે પુરી વિગતો.
સિમ્પલ એનર્જીએ તાજેતરમાં તેનું ફ્લેગશિપ ઇલેક્ટ્રિક સ્કૂટર, સિમ્પલ અલ્ટ્રાનું અનાવરણ કર્યું છે, જે ભારતનું સૌથી લાંબી રેન્જનું E-સ્કૂટર બની ગયું છે. તેના 6.5 kWh બેટરી પેક સાથે, તે IDC પરીક્ષણોમાં 400 Kmનું અંતર કાપવાનો દાવો કરે છે. આ ભારતીય EV ટુ-વ્હીલર બજારમાં એક નવો બેન્ચમાર્ક સેટ કરી શકે છે, જે રેન્જની ચિંતાને સંપૂર્ણપણે દૂર કરી શકે છે.
રોજિંદા મુસાફરી અને હાઇવે પ્રવાસ માટે ડિજાઇન કરવામાં આવેલું સિમ્પલ અલ્ટ્રા પ્રદર્શન અને સહનશક્તિનું સંપૂર્ણ સંયોજન પ્રદાન કરે છે. કંપનીના Gen 2 લાઇનઅપનો ભાગ, આ સ્કૂટર લાઇફટાઇમ બેટરી અને મોટર વોરંટી સાથે આવે છે. તે મે 2026માં ખરીદી માટે ઉપલબ્ધ થશે, અને તેનું પ્રી-બુકિંગ શરૂ થઈ ગયું છે. કંપનીએ તેની કિંમત રૂ. 2.10 લાખ રાખી છે. આપણે તેની ડિઝાઇન, બેટરી, મોટર અને રેન્જની વિગતો પર એક નજર નાખી દઈએ.
સિમ્પલ અલ્ટ્રામાં સિમ્પલ વન Gen 2 જેવી જ શાર્પ અને સ્પોર્ટી ડિઝાઇન છે. એપ્રોન-માઉન્ટેડ હેડલેમ્પ, ઇન્ટિગ્રેટેડ DRL, સ્લીક ટેલ સેક્શન અને 780 mm સીટની ઊંચાઈ સાથે 172 mm ગ્રાઉન્ડ ક્લિયરન્સ તેને શહેર અને હાઇવે બંને ઉપયોગ માટે અનુકૂળ બનાવે છે. આ બે-સીટર સ્કૂટર Aero Grey, Aero X, Asphalt X અને Light X રંગોમાં ઉપલબ્ધ હશે.
આ સ્કૂટર 8.8 kW PMSM મોટર દ્વારા સંચાલિત છે, જે 72 Nm પીક ટોર્ક ઉત્પન્ન કરે છે. ટોપ સ્પીડ 115 kmph છે, અને 0-40 kmph માત્ર 2.77 સેકન્ડમાં પ્રાપ્ત થાય છે. તેમાં બેલ્ટ ડ્રાઇવ, ઓટોમેટિક ટ્રાન્સમિશન અને ચાર રાઇડિંગ મોડ્સ (ઇકો, રાઇડ, ડેશ, સોનિક) ઉપલબ્ધ છે.
તે એન્ડ્રોઇડ OS સાથે 7-ઇંચ TFT ટચસ્ક્રીન ડિસ્પ્લે પણ આપવામાં આવેલું છે. તે નેવિગેશન, બ્લૂટૂથ, 5G E-સિમ, LTE કનેક્ટિવિટી, OTA અપડેટ્સ, રાઇડ એનાલિટિક્સ, મ્યુઝિક કંટ્રોલ્સ, ફોન એલર્ટ્સ અને USB ચાર્જિંગ પોર્ટ પણ આપે છે. 35 લિટર અંડરસીટ સ્ટોરેજ અને 1-લિટર ગ્લોવ બોક્સ પણ ઉપલબ્ધ છે. સલામતી સુવિધાઓમાં ટ્રેક્શન કંટ્રોલ, ચાર-સ્તરીય રિજનરેટિવ બ્રેકિંગ, હિલ હોલ્ડ આસિસ્ટ, ફોલ ડિટેક્શન (ક્રેશના કિસ્સામાં મોટર કટ-ઓફ), TPMS, CBS સાથે 200 mm ફ્રન્ટ અને 190 mm રીઅર ડિસ્ક બ્રેક્સ, ઇમરજન્સી બ્રેકિંગ લાઇટ્સ, પાર્ક આસિસ્ટ અને થર્મલ રનઅવે પ્રોટેક્શનનો સમાવેશ થાય છે.
અલ્ટ્રાની સૌથી મોટી હાઇલાઇટ તેની 6.5 kWh લિથિયમ-આયન બેટરી છે, જે ભારતીય E-સ્કૂટરમાં અત્યાર સુધીની સૌથી મોટી છે. IDC પરીક્ષણો 400 Kmની રેન્જનો દાવો કરે છે. વાસ્તવિક દુનિયાની રેન્જ રાઇડિંગ શૈલી, ટ્રાફિક અને હવામાન પર આધાર રાખશે. 750 W પોર્ટેબલ હોમ ચાર્જરથી ચાર્જિંગ શક્ય છે. મોટર અને બેટરી બંને આજીવન વોરંટી સાથે આવે છે. IP67 રેટિંગ બેટરીને પાણી અને ધૂળથી બચાવે છે.
27.jpg)
