ડ્રગ્સ અને શરાબને અમે ક્યારેય હાથ લગાવીશું નહી, લેઉવા પાટીદારોની USમાં પ્રતિજ્ઞા

પાટીદાર સમાજના લોકો ગુજરાતમા રહેતા હોય કે વિદેશમાં વસતા હોય, હમેંશા સમાજ સુધારણા અને સમાજના આગળ લઇ જવા માટે સક્રીય રહેતા હોય છે. સમાજના ઉત્થાન માટેનો એક કાર્યક્રમ અમેરિકામાં યોજાયો હતો. 

અમેરિકાના મેમ્ફિસ, ટેનેસી ખાતે આયોજિત લેઉવા પાટીદાર સમાજના નેશનલ કન્વેન્શનમાં સમાજના 1700 લોકોએ પ્રતિજ્ઞા લીધી હતી કે અમે ડ્રગ્સ કે શરાબને ક્યારેય હાથ લગાવીશું નહીં. આ કાર્યક્રમમાં પાટીદાર સમાજના અમેરિકામાં રહેતા લોકો જોડાયા હતા. આ કાર્યક્રમનો હેતુ લેઉવા પાટીદાર સમાજના સભ્યોનું નેટવર્ક વધારવાનો અને વિવિધ મુદ્દાઓ પર ચર્ચા થઇ શકે એવું એક ફોરમ, જેમાં સાંસ્કૃતિક વિચારોની આપ લે, પારિવારિક મૂલ્યોને પ્રોત્સાહન અને સમાજની એકતા બની શકે.

લેઉવા પાટીદાર સમાજના નેશનલ કન્વેન્શનનના આયોજક હિતેશ પટેલે કહ્યુ હતું કે, વિદેશમાં જે રીતે યુવા પેઢી નશાના રવાડે ચઢી છે ત્યારે ખાસ કરીને લેઉવા પાટીદાર સમાજના યુવાનો આ બદીથી દુર રહે તેવા હેતું સાથે આ કાર્યક્રમનું આયોજન કરવામાં આવ્યું હતું. આ કાર્યક્રમમાં અમેરિકામાં વસતા લેઉવા પાટીદોરો જેઓ હોટલ, મોટલના બિઝનેસ સાથે સંકળાયેલા અને અન્ય બિઝનેસ સાથે સંકળાયેલા લોકો મોટી સંખ્યામાં જોડાયા હતા. હિતેશ પટેલે કહ્યુ કે, લેઉવા પાટીદાર સમાજના 1700 લોકોએ એક સાથે પ્રતિજ્ઞા લીધી હતી કે, અમે ક્યારેય ડ્રગ્સ કે શરાબને હાથ લગાવીશું નહીં.

આ કાર્યક્રમમાં BAPSના સંત અને મોટિવેશનલ સ્પીકર જ્ઞાનવત્સલ સ્વામીએ કહ્યું હતું કે, માણસે પોતાની આંતરિક ડિઝાઇન ચોખ્ખી રાખવી જોઇએ, તો જ તે એક નિશ્ચિત સ્તર સુધી પહોંચી શકે છે. તેમણે કહ્યુ કે જો તમારામાં અહમ આવી જશે તો તમે પછડાટ ખાશો. તેમણે પરિવાર સભા પર ભાર મુકતા કહ્યું હતું કે પરિવાર સભાને કારણે અનેક પરિવારો વિખેરાતા બચી ગયા છે.

સ્વામીએ કહ્યુ કે, જો તમારી પાસે લક્ષ્મી માતા આવે તો તેનો સારો ઉપયોગ કરજો. પણ જો દારૂ કે ડ્રગ્સ પાછળ લક્ષ્મીનો ઉપયોગ કરશો ચો નગુણા સાબિત થશો.

આ કાર્યક્રમમાં મોટિવેશમલ સ્પીકર નેહલ ગઢવી પણ ખાસ હાજર રહ્યા હતા. તેમણે પોતાના ઉદબોધનમાં કહ્યું કે, આપણી આસપાસ એવા જ લોકોને રાખવા જોઇએ જે આગળ લઇ જવાની વાત કરતા હોય. તમે કોની સાથે ઉભા છો એના આધારે તમારું મૂલ્યાંકન થતું હોય છે. ગઢવીએ કહ્યુ કે, કોઇ વ્યક્તિ ડિપ્રેશનમાં છે એવી જો તમને ખબર પડે તો તેને ધિક્કારવાને બદલે સહયોગ આપજો, નેહલ ગઢવીએ કહ્યું હતું કે અમેરિકામાં ઉછરેલી નવી પેઢી મુળ ભાષા ગુજરાતી ભુલીન જાય તેનું ધ્યાન રાખજો.

Top News

વિસાવદરમાં હાર બાદ અધિકારી-નેતાઓ પર રોષ, લોકોનો આક્રોશ, ભાજપના MLA સપાટામાં

ગોપાલ ઇટાલિયા જ્યારથી વિસાવદરના ધારાસભ્ય બન્યા ત્યારથી પ્રજા પણ એક્ટીવ થઇ ગઇ છે અને ધારાસભ્યોને સવાલ પુછી રહી છે. લાગે...
Politics 
વિસાવદરમાં હાર બાદ અધિકારી-નેતાઓ પર રોષ, લોકોનો આક્રોશ, ભાજપના MLA સપાટામાં

વિદ્યાર્થીઓ ખોટું પગલું ન ભરે તેના માટે સુપ્રીમ કોર્ટે ગાઇડલાઇન બનાવી

દેશમાં વિદ્યાર્થીઓ ખોટું પગલું ભરી રહ્યા છે તેનો આંકડો ચિંતાજનક વધ રહ્યો છે. સ્કુલો, કોલેજો અને કોંચિંગ સેન્ટરોમાં વિદ્યાર્થીઓ...
Education 
વિદ્યાર્થીઓ ખોટું પગલું ન ભરે તેના માટે સુપ્રીમ કોર્ટે ગાઇડલાઇન બનાવી

અશ્વિને બેન સ્ટોક્સને ખંખેરી નાખ્યો, જો હું કેપ્ટન હોત તો...

બેન સ્ટોક્સના શેક હેન્ડ વિવાદને લઈને આર. અશ્વિને પણ પોતાની યુટ્યુબ ચેનલ પર પ્રતિક્રિયા આપી છે. અશ્વિને કહ્યું હતું કે,...
Sports 
અશ્વિને બેન સ્ટોક્સને ખંખેરી નાખ્યો, જો હું કેપ્ટન હોત તો...

જગદીપ ધનખડના રાજીનામા પર કોંગ્રેસનું પોલિટિક્સ, ડીનર પાર્ટી રાખી?

જગદીપ ધનખડે રાજ્યસભામાં 21 જુલાઇથી ચોમાસા સત્રની શરૂઆત થઇ એ જ દિવસે રાત્રે ઉપરાષ્ટ્રપતિ પદેથી રાજીનામું આપીને આખા દેશને ચોંકાવી...
Politics 
જગદીપ ધનખડના રાજીનામા પર કોંગ્રેસનું પોલિટિક્સ, ડીનર પાર્ટી રાખી?
Copyright (c) Khabarchhe All Rights Reserved.