ગુજરાત સરકારે રોલિંગ પેપર, ગોગો સ્મોકિંગ કોન અને પરફેક્ટ રોલના વેચાણ પર મૂક્યો પ્રતિબંધ

ગુજરાતના યુવાધનને નશાની લતથી બચાવવા અને જાહેર સ્વાસ્થ્યની સુરક્ષા માટે રાજ્યના ગૃહ વિભાગે ખૂબ જ મહત્ત્વપૂર્ણ અને કડક નિર્ણય લીધો છે. રાજ્ય સરકારે સમગ્ર ગુજરાતમાં રોલિંગ પેપર, ગોગો સ્મોકિંગ કોન અને પરફેક્ટ રોલ જેવી વસ્તુઓના સંગ્રહ, વેચાણ, વિતરણ અને હેરાફેરી પર તાત્કાલિક અસરથી સંપૂર્ણ પ્રતિબંધ લગાવી દેવામાં આવ્યો છે. ગૃહ વિભાગના આ આદેશથી હવે પાન પાર્લર અને ચાની કિટલીઓ પર મળતી આ વસ્તુઓ ગેરકાયદેસર ગણાશે.

ભારતીય નાગરિક સુરક્ષા સંહિતા(BNSS)ની કલમ 163(2) અને 163(3) હેઠળ આપવામાં આવેલી સત્તાનો ઉપયોગ કરીને, રાજ્ય સરકારે સમગ્ર ગુજરાતમાં રોલિંગ પેપર, ગોગો સ્મોકિંગ કોન અને પરફેક્ટ રોલ જેવી વસ્તુઓના સંગ્રહ, વેચાણ, વિતરણ અને હેરાફેરી પર તાત્કાલિક અસરથી પ્રતિબંધ લગાવી દીધો છે.

Gujarat1
gujaratsamachar.com

આ જાહેરનામામાં સ્પષ્ટ જણાવાયું છે કે, સોશિયલ મીડિયા પ્લેટફોર્મ, જાહેરાતો, સામાજિક સંગઠનો તેમજ અલગ-અલગ જન સમુદાયના માધ્યમથી મળેલી વિગતો મુજબ, રાજયમાં સગીર/યુવાઓ દ્વારા અલગ અલગ પ્રકારના નશાઓ જેવા કે ચરસ ગાંજાનું સેવન કરવા માટે રોલિંગ પેપર, ગોગો સ્મોકિંગ કોન, પરફેક્ટ રોલ જેવી વસ્તુઓનો ઉપયોગ કરવામાં આવે છે. તે પદાર્થની અંદર ટાઇટેનિયમ ઓક્સાઇડ, પોટેશિયમ નાઇટ્રેટ, આર્ટિફિશિયલ ડાય, કેલ્શિયમ કાર્બોનેટ તથા ક્લોરીન બ્લીચ જેવા ઝેરી પદાર્થો હોય છે, જે માનવ સ્વાસ્થ્ય માટે અત્યંત હાનિકારક છે. આવા રોલિંગ પેપર ગોગો સ્મોકિંગ કોણ, પરફેક્ટ રોલ જેવી વસ્તુઓ પર પાન પાર્લર, પરચુરણ કરિયાણાની દુકાનો તથા ચાની દુકાનો વગેરે ઉપર સરળતાથી ઉપલબ્ધ થઈ રહ્યા છે. જેના પરિણામે યુવા વર્ગમાં નશો કરવાની વૃત્તિમાં વધારો થયો છે. આથી રોલિંગ પેપર,  ગોગો સ્મોકિંગ કોન, પરફેક્ટ રોલ જેવી વસ્તુઓ ગુજરાત રાજ્યમાં આવેલ પાન પાર્લર, ચાની દુકાનો, છૂટક કરિયાણાની દુકાનો વગેરેમાં વેચાણ ન થાય તે બાબત નાગરિકોના હિતમાં આવશ્યક જણાય છે.

હવે રાજ્યના તમામ પાન પાર્લર, ચાની દુકાનો અને છૂટક કરિયાણાની દુકાનોમાં આ પ્રકારની ચીજવસ્તુઓનું વેચાણ સંપૂર્ણપણે બંધ કરવાનું રહેશે. આ આદેશનો ભંગ કરનાર કોઈપણ વ્યક્તિ ભારતીય ન્યાય સંહિતા, 2023(BNS)ની કલમ 223 મુજબ શિક્ષાને પાત્ર થશે.

Gujarat2
deccanherald.com

ગોગો પેપર શું છે?

ગોગો પેપર એક પ્રકારનું રોલિંગ પેપર અથવા પ્રી-રોલ્ડ કોન છે, જે મુખ્યત્વે તમાકુ અથવા અન્ય પદાર્થોને રોલ કરીને સિગારેટ જેવું બનાવવા માટે વપરાય છે. આ અલ્ટ્રા-થિન પેપર હોય છે, જે હેમ્પ, બ્રાઉન અનબ્લીચ્ડ અથવા વ્હાઇટ વેરાયટીમાં મળે છે અને નેચ્યુરલ અરેબિક ગમ વડે ચોંટાડવામાં આવે છે. આ ગોગો પેપરનો ઉપયોગ મુખ્યત્વે નશીલા પદાર્થો (જેમ કે ગાંજા અથવા અન્ય ડ્રગ્સ)ને રોલ કરીને સેવન કરવા માટે થાય છે, જેના કારણે તે યુવાનોમાં નશાની લતને પ્રોત્સાહન આપે છે તેવું માનવામાં આવે છે. ગુજરાતમાં પાન પાર્લર, ઓનલાઇન પ્લેટફોર્મ અને દુકાનોમાં તેનું ખુલ્લેઆમ વેચાણ થતું હતું.

About The Author

Related Posts

Top News

તેલંગાણા કોંગ્રેસનો આંતરિક ઝઘડો બહાર આવ્યો, CM રેવંત રેડ્ડીની 'પાગલ કૂતરા' વાળા નિવેદન પર વિવાદ વધ્યો

તેલંગાણાના CM રેવંત રેડ્ડીની સરકાર લગભગ 3 વર્ષથી સત્તામાં છે, પરંતુ હવે પાર્ટીમાં આંતરિક ઝઘડાના અવાજો બહાર આવવા લાગ્યા...
National 
તેલંગાણા કોંગ્રેસનો આંતરિક ઝઘડો બહાર આવ્યો, CM રેવંત રેડ્ડીની 'પાગલ કૂતરા' વાળા નિવેદન પર વિવાદ વધ્યો

'એ મારી દીકરી છે, તેની પાસે પરમિટ છે!' માએ કહ્યું છતાં અધિકારીઓ છોકરી સહિત 2ને પકડીને લઇ ગયા

શનિવાર (21 નવેમ્બર)ના રોજ, યુનાઇટેડ સ્ટેટ્સના સિએટલ એરપોર્ટ પર અંધાધૂંધી ફેલાઈ ગઈ જ્યારે બે મુસાફરોની ધરપકડ કરવામાં આવી....
World 
'એ મારી દીકરી છે, તેની પાસે પરમિટ છે!' માએ કહ્યું છતાં અધિકારીઓ છોકરી સહિત 2ને પકડીને લઇ ગયા

શું મુંબઈ એરપોર્ટ પાસે આવેલી મસ્જિદ તોડી પાડવામાં આવશે? MMRDAએ આપેલી નોટિસથી ફફડાટ ફેલાઈ ગયો

મુંબઈ ઇન્ટરનેશનલ એરપોર્ટ નજીક ગેરકાયદેસર મસ્જિદને લઈને વિવાદ વધ્યો છે. મહારાષ્ટ્ર મેટ્રોપોલિટન રિજન ડેવલપમેન્ટ ઓથોરિટી (MMRDA)એ મુંબઈ ઇન્ટરનેશનલ...
National 
શું મુંબઈ એરપોર્ટ પાસે આવેલી મસ્જિદ તોડી પાડવામાં આવશે? MMRDAએ આપેલી નોટિસથી ફફડાટ ફેલાઈ ગયો

મંચ પર જ ચાલ્યા લાત-ઘૂસા, કુર્તા ફાડ્યા, MLAનું નામ ન લેવા બાબતે સાંસદ અને ધારાસભ્યના સમર્થક બાખડ્યા

ઉત્તર પ્રદેશના સિદ્ધાર્થનગર જિલ્લામાં એક સરકારી કાર્યક્રમ દરમિયાન મારામારીની ઘટના સામે આવી છે. ડુમરિયાગંજથી સાંસદ જગદંબિકા પાલ અને ધારાસભ્ય વિનય...
Politics 
મંચ પર જ ચાલ્યા લાત-ઘૂસા, કુર્તા ફાડ્યા, MLAનું નામ ન લેવા બાબતે સાંસદ અને ધારાસભ્યના સમર્થક બાખડ્યા
Copyright (c) Khabarchhe All Rights Reserved.