અમેરિકા સાથેના ટેરિફ વૉરથી ચિંતિત ચીની ઇલેક્ટ્રોનિક્સ કમ્પોનન્ટ નિર્માતાઓએ હવે નવા કોન્ટ્રાક્ટ્સ માટે ભારતીય કંપનીઓ સાથે વાતચીત કરવાની શરૂઆત કરી દીધી છે. આ લોકો કિંમતોમાં 5 ટકા સુધી ઘટાડો કરવા તૈયાર છે. આ એક મહત્ત્વપૂર્ણ ઘટનાક્રમ છે. તેનું કારણ એ છે કે આ બિઝનેસમાં નફાનું માર્જિન માત્ર 4-7 ટકા છે. ઇકોનોમિક ટાઇમ્સના રિપોર્ટ અનુસાર, ફ્રિજ, ટીવી અને સ્માર્ટફોન બનાવતી કંપનીઓનું કહેવું છે કે તેનાથી તેમને 2-3 ટકા સુધી બચાવવામાં મદદ મળશે. ભારતીય કંપનીઓ પણ ગ્રાહકોને થોડી ઓછી કિંમતમાં આ વસ્તુઓ આપી શકે છે, જેનાથી માગ વધે.
ભારતમાં બનેલા ઇલેક્ટ્રોનિક સામાનોના ત્રણ ચતુર્થાંશ પાર્ટ્સ ચીનથી આવે છે. અમેરિકા અને ચીન વચ્ચેના ટેરિફ વોરને કારણે, ચાઇનીઝ મેન્યુફેક્ચરર્સને ઓછા નવા ઓર્ડર મળી રહ્યા છે. દુનિયાભરમાં સપ્લાય ચેઇન બદલાઈ રહી છે કેમ કે અમેરિકાએ ચીન પર 125 ટકા સુધીના ટેરિફ લગાવ્યો છે. અમેરિકામાં ચાઇનીઝ ઇલેક્ટ્રોનિક સામાનની માગમાં ઘટાડો થવાથી કંપોનેન્ટ્સની માંગ પણ ઘટશે. ગોદરેજ એન્ટરપ્રાઇઝિસ ગ્રુપના એપ્લાયન્ઝિસ બિઝનેસના હેડ કમલ નંદીનું કહેવું છે કે, ચીનમાં કમ્પોનન્ટ બનાવનારાઓ પર દબાણ છે. અમેરિકાથી એક્સપોર્ટ ઓર્ડરમાં ઘટાડો થવાથી કા કિંમતો પર ફરીથી વાતચીત થશે.
Super Plastronicsના CEO અવનીત સિંહ મારવાહ કહે છે કે, ચીનની કંપનીઓને વધુ માલ બનાવવાને કારણે નુકસાન થઇ રહ્યું છે. તેનાથી હોબાળો મચી ગયો છે. ચીનથી અમેરિકામાં નિકાસ બંધ થઈ ગઈ છે. ભારતીય કંપનીઓ અને ચાઇનીઝ પાર્ટ્સ બનાવતી કંપનીઓ 5 ટકા સુધી કિંમતો ઘટાડો કરવા માટે વાતચીત કરી રહી છે. જોકે, તેમણે કહ્યું કે, ભારતમાં ઘરેલૂ માગ નબળી છે, એટલે કંપનીઓ કેટલીક છૂટ પણ આપી શકે છે.
ચાઇનીઝ સપ્લાયર્સને ભારતમાં પણ માગની સમસ્યા આ રહી છે. સરકાર તરફથી પ્રોડક્શન લિંક્ડ ઇન્સેન્ટિવ્સ (PLI), ક્લાલિટી કંટ્રોલ ઓર્ડર્સ (QCOs) અને કંપોનેન્ટ્સ પર આયાત ડ્યૂટી વધારવાથી દેશમાં સામાન બનાવવામાં પ્રોત્સાહન મળી રહી છે. ઇન્ડિયા સેલ્યૂલર એન્ડ ઇલેક્ટ્રોનિક્સ એસોસિએશન અનુસાર, ભારતનું લક્ષ્ય 2030 સુધી કમ્પોનન્ટ અને સબ-એસેમ્બલી બનાવવાનું કામ 145-155 બિલિયન ડૉલર સુધી પહોંચાડવાનું છે.
16.jpg)
