આ ઘી બનાવનારી કંપનીએ બનાવ્યા કરોડપતિ, 5 વર્ષમાં આપ્યું 20,000% રિટર્ન

શેર બજારમાં પૈસા કમાવવા માટે યોગ્ય રીતના શેર લેવા ખૂબ જ જરૂરી હોય છે. સારા સ્ટોકમાં રોકાણ કરીને તમે સારો એવો નફો કમાઇ શકો છો. શેર માર્કેટમાં ઘણી કંપનીઓના સ્ટોક્સે રોકાણકારોને મોટો ફાયદો કરાવી આપ્યો છે. આવા સ્ટોક્સને મલ્ટીબેગર શેર કહેવામાં આવે છે. આવા જ એક શેરની વાત અહીં કરવામાં આવી છે. આ મલ્ટીબેગર સ્ટોક એફએમસીજી કંપનીનો છે.

એડિબલ ઓઈલ બનાવનારી કંપનીએ પોતાના લાંબા સમયના રોકાણકારોને છપ્પડફાડ રિટર્ન આપ્યું છે. માત્ર 5 વર્ષમાં આ કંપનીના શેરે પોતાના રોકાણકારોને લખપતિથી કરોડપતિ બનાવી દીધા છે. આ દરમિયાન કંપનીના શેરોમાં 20 હજાર ટકાથી વધારાની તેજી નોંધવામાં આવી છે.

જણાવીએ કે, પ્રાઈમ ઈન્ડસ્ટ્રીઝ એક વનસ્પતિ ઘી બનાવનારી કંપની છે. જેનો પ્લાન્ટ પંજાબના ફિરોઝપુરમાં છે. કંપનીનું માર્કેટ કેપ 209.76 કરોડ રૂપિયાનું છે. 1 ઓગસ્ટના રોજ પ્રાઈમ ઈન્ડસ્ટ્રીઝના શેરોમાં સપાટ કારોબાર જોવા મળ્યો અને દિવસના અંતે તે 0.04 ટકાના ઘટાડાની સાથે 134.00 રૂપિયાના દરે બંધ થયો.

જોકે, આજથી લગભગ 5 વર્ષ પહેલા 16 ઓગસ્ટ 2018ના રોજ પ્રાઈમ ઈન્ડસ્ટ્રીઝના શેર BSE પર માત્ર 0.60 રૂપિયાના ભાવ પર બિઝનેસ કરી રહ્યો હતો. ત્યારથી અત્યાર સુધીમાં આ શેર લગભગ 22,233.33 ટકા વધી ચૂક્યો છે.

જેનો અર્થ એ થાય છે કે, જો કોઈ રોકાણકારે આજથી 5 વર્ષ પહેલા આ શેરમાં એક લાખ રૂપિયાનું રોકાણ કર્યું હોત અને આજની તારીખમાં તે રોકાણને વેચ્યું ન હોય તો આજે તે 1 લાખ રૂપિયાની વેલ્યૂ વધીને લગભગ 2.23 કરોડ રૂપિયા હોત. તે કરોડપતિ હોત.

વળી, જો કોઈ રોકાણકારે તે સમયે 50 હજાર રૂપિયા પણ આ કંપનીના શેરમાં લગાવ્યા હોત તો, આજે તેની પાસે 1.12 કરોડ રૂપિયા થઇ ગયા હોત. કંપનીના શેરોનું હાલમાં પ્રદર્શન પણ સારું રહ્યું છે. પાછલા એક વર્ષમાં આ શેરે પોતાના રોકાણકારોને 2537.80 ટકાનું રિટર્ન આપ્યું છે. જ્યારે આ વર્ષની શરૂઆતથી અત્યાર સુધીમાં આ કંપનીના શેરોની કિંમત 2096.72 ટકા વધી ચૂકી છે.

નોંધ- માત્ર માહિતી આપવા ખાતર આ ન્યૂઝ લખવામાં આવ્યા છે. શેરબજારમાં રોકાણ કરતી વખતે તમારા સલાહકારની સલાહ મુજબ જ રોકાણ કરવું જરૂરી છે.