જ્યારે મુંબઇમાં કરુણા મરી પરવારી: કેન્સર દર્દીઓના પરિવારનું કાઉન્સેલિંગ અત્યંત જરૂરી છે

મુંબઈથી આવતી તાજેતરની દુઃખદ ખબર એ હતી કે એક યુવાને પોતાની કેન્સર પીડિત દાદીને કચરાના ઢગલામાં મૂકી દીધી હતી। એક વૃદ્ધ અને બીમાર મહિલાને પોતાનું જ પરિવાર આમ ત્યજી દે — આ માત્ર ગુનો નથી, પણ સમાજમાં સંવેદના મરી પરવારી હોવાની ચેતવણી છે.

આ ઘટના એ સમજાવે છે કે કેન્સર માત્ર એક શરીરને જ નહીં પરંતુ પૂરા પરિવારને અસર કરે છે. આવા સંજોગોમાં પરિવારનું કાઉન્સેલિંગ એ એક આશાનો દીવો બની શકે છે, જે તૂટી રહેલા સંબંધોને સંભાળી શકે છે.

કેન્સર બીમારી માત્ર દર્દી નહીં, આખા પરિવારને અસર કરે છે કારણ કે 

 -અનિશ્ચિતતા અને ભય વધે છે
-ઘરમાં તણાવ અને થાક જોવા મળે છે
-સંબંધોમાં બદલાવ અને તકલીફ આવે છે
- ક્યારેક ગુસ્સા અને હિંસા રૂપે દેખાય છે

જો સમયસર સહારો ન મળે, તો સંવેદના મરી પરવારે છે, અને સંબંધોને છિન્નભિન્ન કરી જાય છે. 

ફેમેલી કાઉન્સેલિંગ શું છે?

- ડૉક્ટર, કાઉન્સેલર અને મનોવિજ્ઞાની પરિવારને મદદ કરે છે
- બીમારી, સારવાર અને પડકારો અંગે સમજણ અપાય છે
- તેનાથી દર્દી અને પરિવારનું મનોબળ વધારવામાં સહાય મળે છે
-પરિવારને આવા સમયે એકતા જાળવી રાખવા થવા માટે માર્ગદર્શન આપવામાં આવે છે

આજે આ શા માટે વધુ જરૂરી છે?

આજના સમયમાં લોકો તણાવમાં છે, થોડા સમય માટે પણ એક બીજા માટે ઊભા રહી શકતા નથી. સમજણ વગર ઘણીવાર સંવેદના પણ ક્રૂરતામાં બદલાઈ શકે છે. કદાચ મુંબઈની ઘટના ન બની હોત, જો યુવાનને સમયસર કાઉન્સેલિંગ મળ્યું હોત — દાદીની પીડાને સમજી શક્યો હોત. 

શું કરી શકાય?

1. દરેક કેન્સર હોસ્પિટલમાં ફેમિલી થેરાપી ફરજિયાત બનાવવી
2. NGO અને હોસ્પિટલે કાઉન્સેલિંગ સેવા આપવી
3. પેશન્ટના કુટુંબને હોમ કેર, સ્ટ્રેસ મેનેજમેન્ટ શીખવવું
4. સમાજમાં સંદેશ આપવો: મદદ માગવી નબળાઈ નહીં, તમારો હક છે.

કોઈ કેન્સર પીડિતને ત્યજો નહીં અથવા અપમાનિત ન કરો. ઇલાજ તો બીમારીનો થાય છે, પણ પ્રેમ અને સમજણ — એ કુટુંબ અને સમાજને બચાવે છે.
ચાલો એવો સમાજ બનાવીએ જ્યાં દર્દને વહેંચવામાં ખુશી મળતી હોય.