કલ્પના કરો—તળાવકિનારે મહેલમાં ઢળતી સાંજ, પિછોળા તળાવ પર ઝૂંમરોનો ઝગમગાટ, અને મહેમાનોની યાદીમાં જેનિફર લોપેઝ, જસ્ટિન બીબર, ડોનાલ્ડ ટ્રમ્પ જુનિયર, હોલીવુડ-બોલીવુડ સ્ટાર્સ, બિઝનેસ ટાઈટન્સ અને રાજકીય મહાનુભાવોના નામો. 2025ના અંતે ઉદયપુરમાં એક જાણીતા ફાર્મા-બિઝનેસ પરિવારની ભવ્ય લગ્નવિધિ થવાની છે અને તેમાં આંતરરાષ્ટ્રીય સેલિબ્રિટીઝ આવવાના છે. સોશિયલ-મીડિયા ટીજર્સ, ચાર્ટર્ડ જેટ્સ અને મહેલ-ટેકઓવર્સ સાથે આ કાર્યક્રમ માત્ર લગ્ન જ નથી — ઉદયપુર હવે વૈશ્વિક લગ્નનગરી બન્યું છે તેની ઘોષણા છે.
આ ભવ્યતા પાછળની કહાની
ઉદયપુર એક પરંપરાગત પર્યટનના શહેરથી વૈશ્વિક લગ્નનગરી બનવા સુધીનો આયોજનબદ્ધ અને અનોખો રહ્યો છે. સિટી પેલેસ, જગ મંદીર, લેક પેલેસ અને ટાપુ-સ્થળોની વચ્ચે ઉભેલા મહેલો વિદેશી અને ભારતીય દંપતિને એક ફિલ્મી અનુભવ આપે છે. પરંતુ માત્ર સૌંદર્ય પૂરતું નથી — વૈભવી હોટેલ્સ, પ્રોફેશનલ વેડિંગ-મેનેજમેન્ટ અને સતત હાઈ-પ્રોફાઈલ લગ્નોએ ઉદયપુરનો ગ્લોબલ પ્રતિષ્ઠા ઉભી કરી.
આ પરિવર્તનનો ટર્નિંગ પોઈન્ટ 2004માં અભિનેત્રી રવિના ટંડન-અનિલ ઠડાણીનું લગ્ન હતું, જે જગમંદિર અને શિવનિવાસમાં યોજાયું અને ઉદયપુરમાં આધુનિક સેલિબ્રિટી ડેસ્ટિનેશન લગ્નોનો પ્રારંભ ગણાય છે.
ઉદયપુરની હાઈ-પ્રોફાઇલ લગ્નોની યાદી
1. રવિના ટંડન – અનિલ ઠડાણી (2004), જગમંદિર, શિવનિવાસ
2. એલિઝાબેથ હર્લી – અરૂણ નાયર (2007), દેવીગઢ વિસ્તાર
3. નીલ નિતિન મુકેશ – રુક્મિણી સહાય (2017), રેડિસન બ્લૂ પેલેસ
4. ઈશા અંબાણી (પ્રી-વેડિંગ) – આનંદ પીરામલ (2018), ઓબેરોય ઉદયવિલાસ, સિટી પેલેસ
5. પરિણીતી ચોપરા – રાઘવ ચઢ્ઢા (2023), ધ લીલા પેલેસ
6. પી.વી. સિંધુ – વેંકટ દત્તા સાય (2024), રાફલ્સ ઉદયપુર
લગ્ન ખર્ચ — કેટલો થાય છે?
-સ્મોલ લક્ઝરી (150 મહેમાનો, 2–3 દિવસ): ₹30 લાખ – ₹60 લાખ
-લાર્જ લક્ઝરી (300+ મહેમાનો, પેલેસ ટાઇપ): ₹1 કરોડ+
-અલ્ટ્રા-લક્ઝરી / સેલિબ્રિટી લેવલ: ₹2 કરોડ – ₹10 કરોડ+
પ્લાનર્સ માટે જરૂરી સલાહ
અગાઉ થી બુક કરો — મહેલોની તારીખો 12–24 મહિના પહેલા ફૂલ બૂક થાય છે.
બજેટનો મુખ્ય ભાગ — ટેલેન્ટ, ટ્રાવેલ અને સિક્યોરિટી પર જાય છે.
“તળાવોના શહેર” થી ગ્લોબલ વેડિંગ કેપિટલ સુધીનો ઉદયપુરનો સફર તેની રોમેન્ટિક સુંદરતા, વ્યાવસાયિકતા અને સેલિબ્રિટી પ્રભાવનું સંયોજન છે. રવિનાનો 2004નો લગ્નથી લઇ અંબાણી-2018 અને 2025ના સ્ટાર-સ્ટડેડ ઇવેન્ટ સુધી—દરેક પ્રસંગે ઉદયપુરનું મહત્ત્વ વધ્યું છે.
15.jpg)
