દિલ્હીના નવા મેયર તરીકે આમ આદમી પાર્ટીના ઉમેદવાર શેલી ઓબેરોયની પસંદગી કરવામાં આવી છે. તેમણે ભાજપના ઉમેદવાર રેખા ગુપ્તાને હરાવી દીધા છે. મેયરની ચૂંટણી માટે ચોથી વખત બોલાવવામાં આવેલા ગૃહમાં આજે શાંતિપૂર્ણ રીતે મતદાન થયું હતું. આ દરમિયાન કોઈ વિરોધ કે કોઈ પ્રકારના સૂત્રોચ્ચાર કરવામાં આવ્યા ન હતા. મતદાન સવારે 11.30 વાગ્યે શરૂ થયું હતું અને 2 કલાકથી વધુ સમય સુધી ચાલ્યું હતું. મેયરની ચૂંટણીમાં 250માંથી કુલ 10 નામાંકિત સાંસદો, 14 બે નામાંકિત ધારાસભ્યો અને 241 ચૂંટાયેલા કાઉન્સિલરોએ મતદાન કર્યું હતું. કોંગ્રેસના 9 ચૂંટાયેલા કાઉન્સિલરોએ મેયરની ચૂંટણીનો બહિષ્કાર કર્યો હતો.
શૈલી ઓબેરોય 2013માં AAPમાં કાર્યકર તરીકે જોડાયા હતા અને 2020 સુધી પાર્ટીના મહિલા મોરચાના ઉપાધ્યક્ષ હતા. કોર્પોરેટર તરીકે પ્રથમ વખત તેમણે પશ્ચિમ દિલ્હીના ભાજપના ગઢમાં પણ જીત નોંધાવી હતી. દિલ્હી યુનિવર્સિટીના ભૂતપૂર્વ વિઝિટિંગ આસિસ્ટન્ટ પ્રોફેસર અને પ્રથમ વખત કોર્પોરેટર, શૈલીએ દિલ્હી ભાજપના ભૂતપૂર્વ વડા આદેશ ગુપ્તાના ગૃહ મતવિસ્તાર ઈસ્ટ પટેલ નગરમાંથી ચૂંટણી લડી હતી અને તેણીની હરીફ દીપાલી કુમારીને 269 મતોથી હરાવ્યા હતા અને હવે મેયર તરીકે ચૂંટાઈ આવ્યા છે.
39 વર્ષના શૈલી ઓબેરોય પશ્ચિમ દિલ્હીના પૂર્વ પટેલ નગર વોર્ડની ચૂંટાયેલી કાઉન્સિલર છે. તે દિલ્હી યુનિવર્સિટીમાં આસિસ્ટન્ટ પ્રોફેસર હતા. તેઓ ઈન્ડિયન ચેમ્બર ઓફ કોમર્સની આજીવન સભ્ય પણ છે. તેમણે IGNOUની સ્કૂલ ઓફ મેનેજમેન્ટમાં ઓબેરોયના અભ્યાસમાંથી મેનેજમેન્ટ સ્ટડીઝમાં પીએચડી કર્યું. તેમની પાસે તેમના નામ પર ઘણા પુરસ્કારો અને સન્માન છે જે તેમને વિવિધ પરિષદોમાં પ્રાપ્ત થયા છે.
દિલ્હી MCDની ચૂંટણી 4 ડિસેમ્બરે થઇ હતી અને આ ચૂંટણીમાં આમ આદમી પાર્ટીએ બહુમતી મેળવી છતા આંકડાને આધારે ભાજપે પોતાના મેયર તરીકેનો દાવો કર્યો હતો અને એના માટે 4 વખત ચૂંટણી કરવામાં આવી હતી. આખરે ચોથી વખત આમ આદમી પાર્ટીના શૈલી ઓબેરોયની મેયર તરીકે પસંદગી થઇ છે.
શૈલી ઓબેરોયના પિતાનું નામ સતીશ કુમાર ઓબેરોય છે. શૈલીને બે બહેન અને એક ભાઇ છે. બહેનનું નામ મિલી ખન્ના અને ભાઇનું નામ તુષાર ઓબેરોય છે.
મેયરની ચૂંટણીમાં આમ આદમી પાર્ટીના શૈલી ઓબેરોયને 150 વોટ મળ્યા હતા જ્યારે ભાજપના ઉમેદવાર રેખા ગુપ્તાને 116 વોટ મળ્યા હતા. મેયર બન્યા બાદ ડો.શૈલી ઓબેરોયે કહ્યું કે હું તમને બધાને ખાતરી આપું છું કે હું આ ગૃહને બંધારણીય રીતે ચલાવીશ. હું આશા રાખું છું કે તમે બધા ગૃહની ગરિમા જાળવશો અને તેની સુચારૂ કામગીરીમાં સહકાર આપશો. અલી ઇકબાલ ડેપ્યુટી મેયર બનશે.
15.jpg)
