ઉત્તર પ્રદેશના આંબેડકરનગરમાં કેટલાક લોકોએ રસ્તા પર ચાલી રહેલી સગીર વિદ્યાર્થિનીનો દુપટ્ટો ખેંચી લીધો હતો, ત્યાર પછી બાઇક સાથે અથડાતા તેનું મોત થયું હતું. આ ઘટનાનો CCTV વીડિયો સામે આવ્યો છે. વીડિયોમાં જોવા મળી રહ્યું છે કે, બાઇક પર સવાર બદમાશો સાઇકલ પર ઘરે જઇ રહેલી છાત્રાનો દુપટ્ટો ખેંચે છે. દુપટ્ટો બચાવવાના પ્રયાસમાં યુવતી સાઇકલ પરથી પોતાનું સંતુલન ગુમાવી બેસે છે. ત્યારે પાછળથી આવતી અન્ય બાઇક સાથે તે અથડાય જાય છે. આ ઘટનામાં વિદ્યાર્થિનીનું માથું કચડાઈ ગયું હતું અને તેનું ઘટનાસ્થળે જ મોત થયું હોવાનું જાણવા મળે છે.
આંબેડકરનગર પોલીસના જણાવ્યા અનુસાર, મામલો હંસવાર પોલીસ સ્ટેશન વિસ્તારના વરહી ગામનો છે. જીવ ગુમાવનાર વિદ્યાર્થીની ઉંમર 17 વર્ષની હતી. તે રામરાજી ઈન્ટર કોલેજમાં 12મા ધોરણમાં ભણતી હતી. 15 સપ્ટેમ્બરે તે તેની સહેલી સાથે શાળાએથી ઘરે પરત ફરી રહી હતી. ત્યારે બાઇક પર સવાર બે લોકોએ તેનો દુપટ્ટો ખેંચવાનો પ્રયાસ કર્યો હતો. વિદ્યાર્થિનીને હોસ્પિટલમાં લઈ જવામાં આવી, જ્યાં ડૉક્ટરે તેને મૃત જાહેર કરી.
પરિવારે હંસવર પોલીસ સ્ટેશનમાં આરોપી વિરુદ્ધ કેસ દાખલ કર્યો છે. પરિવારજનોનું કહેવું છે કે, આરોપીઓ વિદ્યાર્થીનિને ઘણા દિવસોથી હેરાન કરતા હતા. પોલીસને મૌખિક ફરિયાદ પણ કરવામાં આવી હતી. તપાસ દરમિયાન CCTV ફૂટેજની ચકાસણી કરવામાં આવી હતી. ત્યાર પછી પોલીસે ઘટનામાં સંડોવાયેલા ત્રણ આરોપીઓની ધરપકડ કરી હતી. તેમના નામ શાહબાઝ, અરબાઝ અને ફૈઝલ છે.
यूपी के अम्बेडकर नगर में छात्रा साइकिल से जा रही थी, मनचलों ने लड़की का दुप्पटा खींच लिया लड़की गिर गयी और पीछे आ रही बाइक से टकरा गई.
— Puneet Kumar Singh (@puneetsinghlive) September 16, 2023
छात्रा की मौत हो गयी.
इसी राज्य में देश के गृहमंत्री ने कहा था यहां पर लड़कियां रात 12 बजे बिना भय के घूम सकती है.pic.twitter.com/lCmR1Qf2zv
મીડિયા સૂત્રો સાથેની વાતચીતમાં યુવતીના પિતા સભાજીત વર્માએ કહ્યું કે, તેની પુત્રી અભ્યાસમાં ઘણી સારી હતી અને તે ડોક્ટર બનવા માંગતી હતી. બાળકીની માતાનું આઠ વર્ષ પહેલા અવસાન થયું હતું. આ મામલે વિદ્યાર્થીના પિતાનું કહેવું છે કે, આ અકસ્માતમાં તેમની પુત્રીનું જડબું તૂટી ગયું છે. ગંભીર હાલતમાં તેને સારવાર માટે હોસ્પિટલમાં લઈ જવામાં આવી હતી, પરંતુ ત્યાં તેનું મોત નીપજ્યું હતું. પિતાનો આરોપ છે કે, ત્રણ બદમાશો છેલ્લા કેટલાક દિવસોથી તેની પુત્રીને હેરાન કરી રહ્યા હતા અને તેણે પોલીસને મૌખિક ફરિયાદ પણ કરી હતી. સગીર વિદ્યાર્થિનીના મિત્રએ એમ પણ જણાવ્યું કે આરોપી પહેલા પણ તેનો પીછો કર્યા કરતો હતો.
दिनांक 15.09.2023 को जनपद अंबेडकरनगर थाना हंसवर क्षेत्र अंतर्गत मोटरसाईकिल की चपेट में आने से एक साईकिल सवार स्कूली छात्रा की मृत्यु के सम्बन्ध में अपर पुलिस अधीक्षक द्वारा दी गई बाइट https://t.co/6isf3OyFLL pic.twitter.com/ETVBdVPW1c
— AMBEDKARNAGAR POLICE (@ambedkarnagrpol) September 16, 2023
પોલીસે એક નિવેદન બહાર પાડીને કહ્યું કે, આરોપીઓની ધરપકડ કરવામાં આવી છે અને તમામ પાસાઓ પર વિગતવાર તપાસ કરવામાં આવી રહી છે.
15.jpg)
