TV-મોબાઇલ લઇ લેવા બદલ મા-બાપ સામે બાળકોએ કર્યો કેસ,એવી કલમ લગાવી કે 7 વર્ષની જેલ

ઈન્દોરમાં એક વિવાદાસ્પદ કિસ્સો પ્રકાશમાં આવ્યો છે, જ્યાં પોલીસે માતા-પિતા વિરુદ્ધ તેમના બાળકોને TV જોવા અને મોબાઈલ ફોનનો ઉપયોગ કરવાથી રોકવા માટે કેસ નોંધ્યો છે. 21 વર્ષની પુત્રી અને 8 વર્ષના પુત્રએ ફરિયાદ કરી, ત્યારપછી પોલીસે કલમ 342, 294, 323, 506 અને જુવેનાઈલ જસ્ટિસ એક્ટ હેઠળ FIR અને કેસ નોંધ્યો.

શહેરમાં એક વિવાદે નવો વળાંક લીધો છે, જ્યાં પોલીસે તેમના બાળકોને TV જોવા અને મોબાઇલ ફોનનો ઉપયોગ કરતા અટકાવતા માતાપિતા સામે કેસ નોંધ્યો છે. આ કેસમાં આરોપી માતા-પિતા માટે સાત વર્ષ સુધીની સજાની જોગવાઈ કરવામાં આવી છે. ઘટના અનુસાર, 21 વર્ષની પુત્રી અને 8 વર્ષનો પુત્ર તેમના માતા-પિતા વિરુદ્ધ ફરિયાદ લઈને પોલીસ સ્ટેશન પહોંચ્યા, ત્યારપછી પોલીસે IPCની અનેક કલમો હેઠળ FIR નોંધી.

પોલીસે આ મામલે કલમ 342, 294, 323, 506 અને જુવેનાઈલ જસ્ટિસ એક્ટ હેઠળ કેસ નોંધ્યો છે. આમાંની ઘણી કલમોમાં સજા એક વર્ષથી લઈને સાત વર્ષની જેલ સુધીની છે. આ ફરિયાદ પછી માતા-પિતાનું ચલણ પણ રજૂ કરવામાં આવ્યું હતું અને મામલો ચંદનનગર પોલીસ સ્ટેશનનો છે.

વાલીઓએ આ કેસને હાઈકોર્ટમાં પડકાર્યો હતો અને સુનાવણી પછી હાઈકોર્ટે ડિસ્ટ્રિક્ટ કોર્ટમાં ચાલી રહેલા ટ્રાયલ પર વચગાળાનો સ્ટે મૂકી દીધો છે. એડવોકેટ ધર્મેન્દ્ર ચૌધરીએ જણાવ્યું હતું કે, અરજીમાં એવો ઉલ્લેખ કરવામાં આવ્યો છે કે, મોબાઈલ અને TV વધારે જોવા માટે માતા-પિતા રોજ બાળકોને ઠપકો આપતા હતા. આ ઉપરાંત બાળકોએ માતા-પિતા પર મારપીટનો આરોપ પણ લગાવ્યો છે. FIR પછી બંને બાળકો તેમની ફોઈ સાથે રહે છે અને માતા-પિતાનો પણ ફોઈ સાથે વિવાદ ચાલી રહ્યો છે.

અપેક્ષિત કલમો અને સજા: કલમ 342-કોઈને બંધક બનાવવું, સજા-એક વર્ષ સુધીની સાદી કેદ અથવા દંડ અથવા બંને. કલમ 294-અશ્લીલ ટિપ્પણી કરવી અથવા અશ્લીલ શબ્દો બોલવા, સજા-ત્રણ મહિના સુધીની કેદ અથવા દંડ અથવા બંને. કલમ 323-કોઈપણ વ્યક્તિને ઇજા પહોંચાડવી, સજા-સાત વર્ષ સુધીની કેદ, દંડ અથવા બંને.

આ કલમો હેઠળ સજા થવાની શક્યતા અંગે વાલીઓએ કોર્ટમાં પોતાનો વાંધો નોંધાવ્યો છે અને આ મામલો હવે કોર્ટ સમક્ષ પેન્ડિંગ છે.