ઉત્તર પ્રદેશના બલિયા જિલ્લામાં દિયર, ભાભી અને સચિવ સાથે જોડાયેલી એક ચોંકાવનારી ઘટના સામે આવી છે. ખૂબ ભાગ્યથી રૂબી દેવી સરપંચ બની, પરંતુ તેના દિયરે બળજબરીથી તેમનું પદ હડપી લીધું. રૂબી દેવીના મતે, તેના દિયર અને સચિવ મળીને મનમાની કરી રહ્યા છે. જોકે, વર્તમાન સચિવ કે ગામના કામના સંદર્ભમાં પણ રૂબીને કોઈ જાણકારી નથી. તેમના ગામમાં શું વિકાસ થઈ રહ્યો છે? શું થવાનું છે તેની પણ કોઈ જાણકારી નથી, અને લોકો તેના હસ્તાક્ષરનું મહત્ત્વ પણ માનતા નથી. રૂબી દેવીને કષ્ટ છે કે, તેને સરપંચ માનવમાં આવી રહી નથી.
બાંસડીહ તાલુકા અંતર્ગત રુકુનપુરા ગામની મહિલા સરપંચ રૂબી દેવીએ જણાવ્યું કે ગ્રામજનોએ તેને સરપંચ બનાવી છે, પરંતુ બે મહિના બાદ બધું ઊંધું થઈ ગયું છે. હવે, કોઈ કામ અંગે તેની સલાહ લેવામાં આવતી નથી; તેને માત્ર નામ પૂરતી સરપંચ બનાવી દેવામાં આવી છે, અને મુખ્ય મલાઈ કોઈ બીજું ખાઈ રહ્યું છે. રૂબી દેવી એ વાતથી ખૂબ જ દુઃખી છે કે આજે તેનું કોઈ મહત્ત્વ નથી. તેણે 2021માં સરપંચનું પદ સંભાળ્યું અને સતત 2 મહિના સુધી સહી પણ કરી, પરંતુ ત્યારબાદ, તેની પાસે કોઈ માહિતી નથી. તેણે જણાવ્યું કે તેને વર્તમાન સચિવનું નામ પણ ખબર નથી.
હાલમાં, તેના દિયર હરેન્દ્ર સાહનીએ તેના પદ પર કબજો કરી લીધો છે. તે હાલમાં ગામડાના સરપંચનું પદ સંભાળી રહ્યો અને રૂબી દેવીને ક્યાંય લઈ જતો નથી કે સહી કરાવતો નથી. ખૂબ જ નિરાશ થઈને, રૂબી દેવી DM મંગલા પ્રસાદને અપીલ કરવા બલિયા પહોંચી હતી. જોકે, રૂબી દેવીએ જણાવ્યું હતું કે DM સાથે મુલાકાત કર્યા બાદ, તેમણે તેને ખાતરી આપી હતી કે, હવે તમે જ સરપંચનું પદ સંભળશો. રૂબી ખૂબ જ પરેશાન છે કારણ કે તેના દિયર અને સચિવે તેને ગામના સરપંચ પદ પરથી અલગ કરી દીધી છે. રૂબી દેવીએ વધુમાં જણાવ્યું કે તેને ગામમાં શું કામ થયું છે કે નથી થયું તે અંગે કોઈ માહિતી નથી, અને રૂબી દેવી શિક્ષિત નથી.
રૂબી દેવીના દિયરે હરેન્દ્ર સાહનીએ જણાવ્યું કે તે લગ્નમાં છે. તેને આ બાબત અંગે કોઈ માહિતી નથી. તેના ભાભી, રૂબી દેવીના પતિ, વિદેશમાં રહે છે. ચૂંટણીઓ નજીક આવી રહી છે, અને એટલે જ ગામલોકો તેને આ બધું કરવા માટે મજબૂર કરી રહ્યા છે. ઘરમાં કોઈ વિવાદ નહોતો. મામલો અચાનક કેમ વકર્યો છે, હવે ગામમાં જઈશ ત્યારે જ ખબર પડશે.
