'પપ્પા, તમે ગયા પછી મમ્મી અંકલની સાથે બેડ પર સૂઈ જાય છે. અંકલ મને ચુંબન કરે છે અને જો હું કોઈને કહીશ તો મને મારી નાખવાની ધમકી આપે છે...' ઉત્તર પ્રદેશના કાનપુરમાં 6 વર્ષની બાળકીએ જ્યારે તેના ડૉક્ટર પિતાને તેની માતાના આ કાળા કૃત્ય વિશે જણાવ્યું ત્યારે પિતા ચોંકી ગયા. પુત્રીના નિવેદનની પુષ્ટિ કરવા ડોક્ટરે તપાસ કરી તો સમગ્ર મામલો સાચો નીકળ્યો. એક દિવસ, ડૉક્ટર હોસ્પિટલ જવાને બદલે, અચાનક અધવચ્ચેથી ઘરે પરત ફર્યા અને તરત જ રૂમને બહારથી તાળું મારી દીધું અને 112 પર ફોન કરીને પોલીસને બોલાવી. પોલીસે ઘટનાસ્થળે પહોંચીને ડોક્ટરની પત્નીના પ્રેમીની ઘરેથી ધરપકડ કરી હતી.
કાનપુરના નૌબસ્તા વિસ્તારમાં પુત્રીની સામે માતાનું કલયુગી સ્વરૂપ જોવા મળ્યું છે. અહીં રહેતા એક સરકારી ડોક્ટરની પત્ની શિક્ષિકા છે. ઘરમાં બે બાળકો છે. એક 16 વર્ષનો દીકરો અને 6 વર્ષની માસૂમ છોકરી છે.
ડોક્ટરના કહેવા પ્રમાણે, તે દરરોજ સવારે ઘરેથી હોસ્પિટલમાં ડ્યુટી કરવા નીકળે છે. દીકરો શાળાએ જાય છે. દીકરી શાળાએથી વહેલી આવે છે. દીકરીએ કહ્યું હતું કે પપ્પા, તમે હોસ્પિટલ જાઓ ત્યારે એક રાકેશ અંકલ ઘરે આવે છે અને માતા તેમની સાથે રૂમમાં જાય છે અને પછી બેડ પર સૂઈ જાય છે. જ્યારે હું કોઈ કામ માટે મમ્મી પાસે જાઉં છું ત્યારે અંકલ મને કિસ કરે છે અને આ અંગે કોઈને કહીશ તો જાનથી મારી નાખવાની ધમકી આપે છે. અંકલની ધમકી પર મા પણ કશું બોલતી નથી.
પોતાની માસૂમ દીકરીની આ વાત સાંભળીને સરકારી ડૉક્ટરને નવાઈ લાગી. એક દિવસ, તપાસ કરાવવાના ઇરાદાથી, તે હોસ્પિટલ જવા માટે ઘરેથી નીકળ્યો, થોડે દૂર ગયો અને પછી તે જ રસ્તે પાછો ફર્યો. ડોક્ટર ઘરે આવ્યા ત્યારે દીકરીએ કહેલી વાત સાચી નીકળી. એક રૂમમાં તેની પત્ની તેના મિત્ર રાકેશ રોશન ત્યાગી સાથે બેડ પર અશ્લીલ હરકતો કરતી જોવા મળી હતી.
આ પછી ડોક્ટરે ચુપચાપ રૂમને બહારથી બંધ કરી તાળું મારી દીધું. આ જોઈને પ્રેમી રાકેશ અને ડોક્ટરની પત્ની પહેલા તો એકદમ ગભરાઈ ગયા, પરંતુ તે પછી બંનેએ દરવાજો ખોલવા માટે ડોક્ટરને અપશબ્દો બોલવા લાગ્યા.
પત્નીના પ્રેમી રાકેશે ડોક્ટરને ધમકી આપી હતી કે, જો તે દરવાજો નહીં ખોલે તો બહાર નીકળીને તેને મારી નાખશે. પરંતુ ડોક્ટરે 112 નંબર પર પોલીસને જાણ કરી હતી. નૌબસ્તા પોલીસ સ્ટેશનની પોલીસ ઘટના સ્થળે પહોંચી હતી.
આ દરમિયાન વિસ્તારમાં પણ ભારે ભીડ જોવા મળી હતી. આ વિસ્તારના લોકોએ પણ ડૉક્ટરના ઘરેથી નીકળતા જ પત્નીના પ્રેમીની દરરોજની મુલાકાતની માહિતી આપી હતી. પોલીસ ડોક્ટરની પત્ની અને તેના પ્રેમીને પકડીને નૌબસ્તા પોલીસ સ્ટેશન લઈ ગઈ હતી. જ્યાં ડોક્ટરની ફરિયાદના આધારે પ્રેમી રાકેશ વિરુદ્ધ પોક્સો એક્ટ, જાનથી મારી નાખવાની ધમકી, છેડતીનો ગુનો નોંધવામાં આવ્યો હતો અને આરોપીની ધરપકડ કરવામાં આવી હતી.
નવાઈની વાત તો એ છે કે, આ સમય દરમિયાન માસૂમ બાળકી અને 16 વર્ષનો દીકરો પોતાની માતાનું આ રૂપ જોઈને વિચારતો રહ્યો કે, માતા આવી કેવી રીતે બની ગઈ? પ્રેમી રાકેશે દાવો કર્યો હતો કે, ડોક્ટરની પત્ની શિક્ષિકા છે. તેઓ શાળામાં મળ્યા હતા અને પ્રેમ સંબંધ હતો.
જો કે આ દરમિયાન પત્નીના પિતા અને ભાઈ પણ ઘટનાસ્થળે આવ્યા હતા. તેમણે તેની બહેનનો પક્ષ લેવાનું શરૂ કર્યું અને ડૉક્ટર સાથે લડાઈ શરૂ કરી. તેથી, ડૉક્ટરે તેની પત્ની, તેના પ્રેમીની સાથે સાથે તેના સાળા અને સસરાના નામ પણ FIRમાં નોંધાવ્યા હતા.
જોકે પોલીસે અત્યાર સુધી માત્ર રાકેશ રોશન ત્યાગીની ધરપકડ કરી છે. નૌબસ્તાના SHO સતીશ પાંડેએ જણાવ્યું કે, ડોક્ટરની ફરિયાદ પર FIR નોંધવામાં આવી છે. રાકેશે બાળકીની સાથે પણ અશ્લીલ હરકતો કરી હતી, તેથી પોક્સો લગાવવામાં આવ્યો છે. આરોપીને ધરપકડ કરીને જેલ હવાલે કરવામાં આવ્યો છે. બાકી કેસની તપાસ ચાલી રહી છે.
