'પાગલને બહાર કાઢો...' ભક્તના મારપીટના વીડિયોએ કરૌલી બાબાના દાવાની પોલ ખોલી

કાનપુરના કરૌલી બાબા ઉર્ફે સંતોષ સિંહ ભદૌરિયા સામેના આરોપોમાં નવો વળાંક આવ્યો છે. ભક્તે બાબા પર બાઉન્સરોથી માર મારવાનો જેવો આરોપ લગાવ્યો તેવો જ બાબા સંતોષ સિંહ ભદોરિયાએ ખુલાસો આપવાનું શરૂ કર્યું અને તેને વિરોધીઓનું ષડયંત્ર ગણાવવાનું શરૂ કર્યું, પરંતુ એક વીડિયોએ બાબા સંતોષ સિંહ ભદોરિયાના ખુલાસાનો પર્દાફાશ કરી દીધો હતો. આ વીડિયો સામે આવતાની સાથે જ બાબા સંતોષ સિંહ ભદોરિયા પર એક ભક્તને માર મારવાના આરોપમાં સત્ય શું છે તે દેખાઈ રહ્યું છે.

વાસ્તવમાં, નોઈડાના ડૉ. સિદ્ધાર્થ ચૌધરીએ કરૌલી બાબા સંતોષ ભદોરિયા પર ચમત્કાર ન થયો તો? સવાલ પૂછવા પર તેમના બાઉન્સરથી માર મારવાનો આરોપ લગાવ્યો હતો. આના પર બાબા સંતોષ ભદોરિયાએ સ્પષ્ટતા કરી હતી કે, તેઓ અમને બિલકુલ મળ્યા નથી, અમને કોઈ અડકી પણ ન શકે, કોઈ લડાઈ થઈ નથી. બાબા સંતોષ ભદોરિયાએ ભલે દાવો કર્યો હોય કે, કોઈ લડાઈ નથી થઈ, પરંતુ એક વીડિયોએ બાબાનો પર્દાફાશ કર્યો છે. આ વીડિયોમાં બાબાનો બાઉન્સર ડોક્ટરને ખેંચતો જોવા મળી રહ્યો છે.

આ વીડિયોમાં ડૉ.સિદ્ધાર્થ ચૌધરી અને કરૌલી બાબા સંતોષ ભદોરિયા વચ્ચે ચર્ચા ચાલી રહી છે. દરમિયાન કરૌલી બાબા કહે છે કે, આ પાગલને બહાર કાઢો. બાબાની વાત સાંભળીને જ તેના બાઉન્સરો ડૉક્ટર પર હુમલો કરે છે અને તેને ખેંચી જવાનો પ્રયાસ કરે છે. આ દરમિયાન તેના પિતા પણ ડૉક્ટરને બચાવવા માટે આગળ વધે છે, પછી બાઉન્સર્સ તેને ખેંચીને અલગ કરી દે છે. પછી બાઉન્સરો ડૉક્ટરને ખેંચીને બહાર લઇ જાય છે.

આ વીડિયો એ જ 22 ફેબ્રુઆરીનો છે, જે દિવસે વિવાદની વાત કહેવામાં આવી રહી છે. આ વીડિયોમાં બાબા સંતોષ ભદૌરિયાનો અવાજ ગુંજી રહ્યો છે, તેઓ સામે દેખાતા નથી, પરંતુ ભક્તોની વચ્ચે તેમની બાજુમાં ઉભેલા ડૉક્ટર તેમને સવાલ પૂછી રહ્યા છે. આ પછી બાઉન્સર્સ તેને ખેંચી રહ્યા છે. ડૉ. સિદ્ધાર્થ ચૌધરીએ આરોપ લગાવ્યો છે કે, આ પછી બાઉન્સર તેમને એક રૂમમાં લઈ ગયો અને મારપીટ કરી. જોકે લડાઈનો વીડિયો સામે આવ્યો નથી. અહીં વિડિયો જુઓ.

वायरल वीडियो#ViralVideo pic.twitter.com/Jh7MRn4kW6

— India.com (हिन्दी) (@IndiacomNews) March 22, 2023

આ વીડિયો સામે આવ્યા બાદ કરૌલી બાબા સંતોષ ભદોરિયાનું હજુ સુધી કોઈ સ્પષ્ટીકરણ સામે આવ્યું નથી. બીજી તરફ ડો. સિદ્ધાર્થ ચૌધરીની ફરિયાદ પર પોલીસે 19 માર્ચે જ વિધાનુ પોલીસ સ્ટેશનમાં FIR નોંધી હતી. બાબા સંતોષ સિંહ ભદોરિયા અને તેના સહયોગીઓ વિરુદ્ધ કલમ 323, 504 અને 325 હેઠળ FIR નોંધવામાં આવી છે, પરંતુ અત્યાર સુધી પોલીસે કરૌલી બાબા સંતોષ સિંહ ભદોરિયા વિરુદ્ધ કોઈ કાર્યવાહી કરી નથી.