બિહારના પૂર્વી ચંપારણના કલ્યાણપુર બ્લોકના કૈથવાલિયાના વિરાટ રામાયણ મંદિરમાં વિશ્વનું સૌથી મોટું શિવલિંગ સ્થાપિત કરવામાં આવ્યું. શિવલિંગની ઊંચાઈ 33 ફૂટ અને ગોળાકાર પણ 33 ફૂટ છે. આ વિશાળ શિવલિંગનું વજન 200 મેટ્રિક ટન છે. શિવલિંગની સ્થાપના માટે કંબોડિયાથી ખાસ ફૂલો આયાત કરવામાં આવ્યા હતા, અને હેલિકોપ્ટરથી પુષ્પવર્ષા પણ કરવામાં આવી હતી.
મંદિરમાં કુલ શિખરની સંખ્યા 12 હશે અને મંદિરોની સંખ્યા 22. સૌથી ઊંચું શિખર 270 ફૂટ હશે. મંદિરનો વિસ્તાર 120 એકર છે. આ અવસર પર મુખ્યમંત્રી નીતિશ કુમાર, નાયબ મુખ્યમંત્રી વિજય કુમાર સિંહા, સમ્રાટ ચૌધરી સહિત ઘણા મંત્રીઓ આ હાજર રહ્યા હતા. આ ઉપરાંત વિવિધ મઠ મંદિરોથી આવેલા સાધુ-સંતો પણ સ્થાપનાના સાક્ષી બન્યા હતા. શિવલિંગની સ્થાપનાથી માત્ર હિન્દુઓ જ નહીં, પરંતુ મુસ્લિમ સમુદાયમાં પણ ખુશીની લહેર છે. મુસ્લિમ સમુદાયે પણ મંદિરના નિર્માણ માટે પોતાની જમીન દાનમાં આપી છે.
ચારેય બાજુ ઉત્સાહનો માહોલ હતો. કોઈએ શિવનો વેશ ધારણ કરીને ભક્તોને મંત્રમુગ્ધ કર્યા, જ્યારે કોઈએ શિવ ગણ બનીને. પટનાના પ્રખ્યાત મહાવીર મંદિરના સચિવ સયાન કુણાલે જણાવ્યું હતું કે શિવલિંગ સ્થાપિત કરવા માટે હરિદ્વાર અને પટનાથી ખાસ આચાર્યો અને પુરોહિત બોલાવવામાં આવ્યા હતા. વિધિ-વિધાન અને વૈદિક મંત્રોચ્ચાર સાથે શિવલિંગની પૂજા કરવામાં આવી હતી.
મંદિરના સચિવે જણાવ્યુ કે, આજનો દિવસ 17 જાન્યુઆરીની તિથિનું વિશેષ ધાર્મિક મહત્ત્વ છે, કારણ કે માન્યતા છે કે ભગવાન શિવ આ દિવસે લિંગના રૂપમાં પ્રગટ થયા હતા. તમિલનાડુના મહાબલીપુરમના પટ્ટીકાડુ ગામમાં છેલ્લા 10 વર્ષથી વિશાળ શિવલિંગનું નિર્માણ ચાલી રહ્યું છે. શિવલિંગના મુખ્ય શિલ્પકાર લોકનાથ છે અને તેમની ટીમે તેને કોતર્યું છે.
વિશ્વના સૌથી મોટું શિવલિંગ રોડ માર્ગે 23 નવેમ્બર, 2025ના રોજ મહાબલીપુરમથી બિહારના પૂર્વ ચંપારણના કૈથવાલિયા ખાતે નિર્માણાધીન વિરાટ રામાયણ મંદિર માટે રવાના કર્યું હતું. 5 જાન્યુઆરી, 2026ની રાત્રે 10:00 વાગ્યે શિવલિંગ તેના પવિત્ર સ્થળે પહોંચ્યું. શિવલિંગની એક ઝલક જોવા માટે દરરોજ હજારો લોકો ઉમટી પડે છે. તો બીજી તરફ આ ગામમાં રહેતો મુસ્લિમ સમુદાય પણ ખુશ છે. તેણે મંદિર માટે જમીન દાનમાં આપી છે.
9.jpg)
