દમ વગરની દારૂબંધી? રાજ્યમાં પકડાયો આટલા કરોડોનો દારૂ, થયો ચોંકાવનાર ખુલાસો

ગુજરાતમાં દારૂબંધી હોવા છતાં સૌથી વધારે દારૂ ગુજરાતમાં પીવામાં આવે છે. દારૂબંધીને લઈને સરકારે કડક કાયદા તો બનાવામાં આવ્યો છે પણ તેનું કોઈ પાલન નથી કરતું એવું લાગે છે કે કાયદાની મજાક ઉડાવવામાં આવે છે. રાજ્યમાં કાયદાના લીરે લીરા ઉડાડવવામાં આવે છે. જેમા સરકારી અધિકારીઓ અને પોલીસ અધિકારીઓ પણ સામેલ હોય છે. તેમજ અત્યાર સુધી રાજ્યમાં જે દારૂ પકડવામાં આવ્યો છે તેની વાત કરવા જઈએ તો 250 કરોડ કરતા વધારેની કિંમતનો દારૂ પકડવામાં આવ્યો છે. તેમજ પોલીસ અને બુટલેગરોની મિલીભગત હોવાથી કેટલાય કરોડોનો દારૂ પકડવામાં આવ્યો નથી અને રાજ્યમાં તેની ઘૂષણખોરી કરવામાં આવી છે આ જોઈને એવું કહી શકાય છે કે દારૂબંધીને લઈને સરકારે જે કાયદા બનાવ્યા છે તેના લીરે લીરા ઉડી રહ્યાં છે.

તેમજ આ આંકડો સરકાર દ્વારા જાહેર કરવામાં આવ્યો છે. ગત સપ્ટેમ્બર મહિનામાં રાજ્ય સરકાર દ્વારા જાહેર કરવામાં આવેલા આંકડાઓ દર્શાવે છે કે રાજ્યમાં કાગળ પર ચિતરવા માટે કાયદો બનાવવામાં આવ્યો છે પણ કાયદાનું કડક પાલન કોઈ નથી કરતું તેની હકીકત સામે આવી છે. તેમજ છેલ્લા બે વર્ષમાં રાજ્યના 31 જિલ્લામાં ગત સપ્ટેમ્બર મહિના સુધીમાં 231 કરોડ 69 લાખ 74 હજાર 953 રૂપિયાનો વિદેશી દારૂ પકડાયો છે જ્યારે દેશી દારૂની વાત કરીએ તો 3 કરોડ 7 લાખ 588ની કિંમતનો પકડાયો હતો અને 17 કરોડ 87 લાખ 43 હજારનો બીયર પકડાયો હતો. આ આંકડા જોઈને ખરેખર નવાઈ લાગે છે કે ખુલ્લેઆમ બુટલેગરો દારૂની હેરાફેરી રાજ્યમાં કરી રહ્યાં છે તો પણ સરકાર દ્વારા કોઈ પગલા લેવામાં નથી આવતા.

તેમજ કાયદાનું ઉલ્લંઘન કરીને અને પોલીસ અધિકારીઓને છેતરીને કરોડો રૂપિયાની દારૂની ધૂષણખોરી કરવામાં આવે છે. ગયા વર્ષે 1 કરોડ 22 લાખ 66 હજાર 606 વિદેશી દારૂની બોટલ પકડાય હતી તો 16 લાખ 39 હજાર 620 લીટર દેશી દારૂ ઝડપાયો હતો અને 17 લાખ 06 હજાર 123 બીયરની બોટલ અને ટીન પકડવામાં આવ્યા હતા. રાજ્યમાં વિદેશી દારૂ દીવ, દમણથી લાવવામાં આવે છે. તેમજ આ તમામ જગ્યાએ ચેક પોસ્ટ રાખાવામાં આવ્યા છે અને સીસીટીવી કેમેરા પણ લગાવવામાં આવ્યા છે તેમ છતાં દારૂડિયાઓ ગમે તે રીતે રાજ્યમાં દારૂ લાવે છે અને ખુલ્લેઆમ તેની હેરાફેરી કરે છે અને મહેફિલો માણવામાં આવે છે.