શ્વાનને સૌથી વફાદાર પ્રાણી માનવામાં આવે છે. તેઓ પોતાના માલિક માટે કંઈ પણ કરવા તૈયાર હોય છે. આજકાલ સોશિયલ મીડિયા પર આવો એક વીડિયો વાયરલ થઈ રહ્યો છે જેમાં શ્વાનના માલિક માટેના પ્રેમને જોઈને લોકો ખૂબ જ ભાવુક થઈ રહ્યા છે અને તેને પર લાઈક્સ કરી રહ્યા છે.
વાયરલ વીડિયોમાં તમે જોઈ શકો છો કે એક શ્વાન તેના મોંમાં લંચ બોક્સ લઈને રસ્તાની બાજુએ ચાલે છે. તે એક ક્ષણ માટે અધવચ્ચે અટકી જાય છે, આજુબાજુ જુએ છે અને પછી રસ્તાની બાજુએ ઉતરી જાય છે. ત્યારે ત્યાંથી એક ટ્રક પસાર થાય છે. જ્યારે ટ્રક નીકળી જાય છે, ત્યારે કૂતરો રસ્તા પર પાછો આવે છે અને ચાલવા લાગે છે. વીડિયો પર લખેલા કેપ્શન અનુસાર, આ શ્વાનનું નામ શેરુ છે, જે દરરોજ સવારે પોતાના માલિક માટે લંચ લઈને તેની ઓફિસ જાય છે.
તે દરરોજ 2 કિમી ચાલીને તેના માલિકની ઓફિસે પહોંચે છે. તે એટલો બુદ્ધિશાળી છે કે જ્યારે તે રસ્તા પર ચાલે છે અને એક મોટી કારને નજીક આવતી જુએ છે, ત્યારે તે રસ્તાની બાજુમાં ઉતરી જાય છે અને કાર પસાર થયા પછી, તે પાછો રસ્તા પર આવે છે અને તેના લક્ષ્ય તરફ ચાલી જાય છે.
શેરુનો આ વીડિયો લોકોને ઘણો પસંદ આવી રહ્યો છે. લોકો તેના પર લાઈક્સ વરસાવી રહ્યા છે અને તેની સમજના વખાણ પણ કરી રહ્યા છે. આ વીડિયો ઝડપથી વાયરલ થઈ રહ્યો છે. તેના પર અત્યાર સુધીમાં 13 મિલિયનથી વધુ વ્યૂઝ આવી ચૂક્યા છે. તો આ વીડિયો પર અત્યાર સુધીમાં 1.3 મિલિયનથી વધુ લાઈક્સ પણ આવી ચૂક્યા છે. નેટીઝન્સ આ અંગે કૉમેન્ટ્સ કરી રહ્યા છે. એક યુઝરે લખ્યું કે, પ્રેમની કોઈ સીમા નથી હોતી. તે જ સમયે, અન્ય એક ટિપ્પણી કરી, તે ખૂબ જ સુંદર અને બુદ્ધિશાળી છે.
9.jpg)
15.jpg)
