PCBના પૂર્વ પ્રમુખ પર હરભજન ભડક્યો, બોલ્યો- ભારત ક્યારેય કોઇને પણ...

એશિયા કપ 2023નું આયોજન સ્થળ હજુ પણ વિવાદનો મુદ્દો બન્યું છે. શરૂમાં એશિયા કપનું આયોજન સંપૂર્ણ રીતે પાકિસ્તાનમાં થવાનું હતું. પણ પછી BCCI સચિવ જય શાહના નેજામાં એશિયન ક્રિકેટ કાઉન્સિલે હાઈબ્રિડ મોડલ પર તેનું આયોજન કરવાનો નિર્ણય લીધો. ચાર મેચોને છોડીને બાકીની બધી મેચો શ્રીલંકામાં રમાઇ રહી છે. જોકે શ્રીલંકામાં વરસાદને કારણે મેચો થઇ રહી નથી. પલ્લેકેલેમાં ભારત અને પાકિસ્તાનની પહેલી મેચ વરસાદમાં ધોવાઇ ગઇ હતી.

ત્યાર બાદ, PCBના પૂર્વ પ્રમુખ નજમ સેઠીએ ટ્વીટ કરી હતી કે, BCCI/ACCએ આજે પાકિસ્તાન ક્રિકેટ બોર્ડને જાણ કરી કે તેમણે વરસાદના પૂર્વાનુમાનને કારણે ભારત-પાકિસ્તાનની બીજી મેચને કોલંબોથી હટાવીના હંબનટોટામાં સ્થાનાંતરિત કરવાનો નિર્ણય લીધો છે. એક કલાકની અંદર તેમણે મન બદલી નાખ્યું અને કોલંબોને આયોજન સ્થળ જાહેર કરી દીધું. આ શું થઇ રહ્યું છે? શું ભારત પાકિસ્તાન સામે રમવા અને હારવાથી ડરી ગયું છે. વરસાદની ભવિષ્યવાણી જુઓ અહી...

BCCIએ પીસીબીને જાણ કરી કે તેમણે વરસાદના પૂર્વાનુમાનને કારણે આવનારી બીજી ભારત અને પાકિસ્તાનની મેચને કોલંબોથી હંબનટોટામાં સ્થાનાંતરિત કરવાનો નિર્ણય કર્યો છે. એક કલાકની અંદર તેમણે પોતાનું મન બદલી નાખ્યું.

ત્યાર બાદ હરભજન સિંહે સ્પોર્ટ્સ ટુડે પર આ મુદ્દાને લઇ કહ્યું કે, ખબર નહીં નજમ સેઠી આજકાલ શું ફૂંકી રહ્યા છે. મને નથી ખબર કે તે આવું શા માટે કહી રહ્યા છે કે ભારત પાકિસ્તાન સાથે રમવા નથી માગતું. કૃપા કરી તેમને કોઇ આખો રેકોર્ડ દેખાડો, જ્યાં ભારતે જ્યારે પણ પાકિસ્તાન સામે મેચ રમી છે તેમને સૌથી વધારે વાર માત આપી છે. પાકિસ્તાન ક્રિકેટ માટે આ સમયે તેમનું જે કદ છે, તેને જોતા તેમના માટે આ આધારહીન વાત છે.

BCCI/ACC informed PCB today that they had decided to shift next India-Pak match from Colombo to Hambantota because of rain forecasts. Within one hour they changed their mind and announced Colombo as the venue. What’s going on? Is India afraid to play and lose to Pakistan ? Look… pic.twitter.com/8LXJnzoXNf

— Najam Sethi (@najamsethi) September 5, 2023

આગળ ભજ્જી કહે છે કે, પાકિસ્તાન કહે છે કે ભારત તેમની સાથે રમવા નથી માગતું કારણ કે ભારત ડરેલું છે. ભારત ક્યારેય પણ કોઇની સાથે રમવાથી ડરતું નથી. ખબર નહીં આ ક્યાંથી આવી રહ્યા છે. તેમણે એશિયન ક્રિકેટ કાઉન્સિલ સાથે બેસીને જોવું જોઇએ કે ટૂર્નામેન્ટ ક્યાં જઇ રહી છે. વરસાદનું પૂર્વાનુમાન સાચુ હતું કે નહીં. બોસ, આઓ અને જ્યાં ઈચ્છો ત્યાં અમારી સામે રમો. અમે તમને હરાવી દેશું.