કોલકાતા નાઈટ રાઈડર્સ (KKR) એ ટાટા ઈન્ડિયન પ્રીમિયર લીગ (IPL) 2025 માટે ઉમરાન મલિકની જગ્યાએ ચેતન સાકરિયાને ટીમમાં સામેલ કર્યો છે. ઉમરાન મલિક ઈજાના કારણે આ સિઝનમાંથી બહાર થઈ ગયો છે.
સાકરિયાએ એક ODI અને બે T20 મેચમાં ભારતનું પ્રતિનિધિત્વ કર્યું છે અને 19 IPL મેચ રમી છે, જેમાં તેણે 20 વિકેટ લીધી છે. ડાબા હાથનો મધ્યમ ઝડપી બોલર સાકરિયા રૂ. 75 લાખમાં KKR સાથે જોડાયો.
સાકરિયા ગયા વર્ષે પણ KKR ટીમમાં હતો, પરંતુ તે એક પણ મેચ રમ્યો ન હતો અને ફ્રેન્ચાઇઝીએ તેને હરાજી પહેલા છોડી દીધો હતો. આ પહેલા પણ ચેતન આઈપીએલમાં રાજસ્થાન રોયલ્સ સિવાય દિલ્હી કેપિટલ્સ અને કોલકાતા નાઈટ રાઈડર્સનો ભાગ રહી ચૂક્યો છે. હવે જોવાનું એ રહે છે કે ખરાબ ફોર્મ સામે ઝઝૂમી રહેલો ચેતન આ તકનો કેટલો ફાયદો ઉઠાવે છે.
IPL 2025 માટે KKRની ટીમ
રિંકુ સિંઘ, વરુણ ચક્રવર્તી, સુનિલ નારાયણ, આન્દ્રે રસેલ, હર્ષિત રાણા, રમણદીપ સિંહ, વેંકટેશ ઐયર, ક્વિન્ટન ડી કોક, રહમાનુલ્લા ગુરબાઝ, એનરિચ નોર્ટજે, અંગકૃશ રઘુવંશી, વૈભવ અરોરા, મયંક માર્કંડે, રોવમેન પોવેલ, મનીષ પાંડે, સ્પેન્સર જોનસન, લવનિથ સિસોદિયા, અજિંક્ય રહાણે,અનુકુલ રોય, મોઈન અલી, ચેતન સાકરીયા.
અગાઉ ઉમરાન મલિકે મેગા-ઓક્શનમાં KKR સાથે જોડાયા બાદ ખુશી વ્યક્ત કરી હતી. છેલ્લી બે સિઝનમાં તે સનરાઇઝર્સ હૈદરાબાદ તરફથી રમ્યો હતો પરંતુ તેનું પ્રદર્શન નિરાશાજનક રહ્યું હતું. KKR સાથે જોડાયા પછી, ઉમરાને ચાહકોને વચન આપ્યું હતું કે આ વખતે તેઓ તેની નવી બાજુ જોવા મળશે. ઉમરાને ભારપૂર્વક કહ્યું હતું કે તે 200 ટકા ફિટ છે.
52.jpg)
-copy50.jpg)
