વડાપ્રધાન નરેન્દ્ર મોદીએ રવિવારે રાજકોટ ખાતે ‘વાઇબ્રન્ટ ગુજરાત રિજનલ કોન્ફરન્સ’ને સંબોધિત કરી હતી. વર્ષ 2026માં ગુજરાતની પોતાની પ્રથમ મુલાકાતે આવેલા વડાપ્રધાને ભારતની આર્થિક પ્રગતિ અને રાજકીય સ્થિરતાના વખાણ કરતા જણાવ્યું હતું કે, આ સંમેલન 21મી સદીમાં ભારતના આત્મવિશ્વાસનું પ્રતીક છે.
વડાપ્રધાને જણાવ્યું કે, 2026માં આ મારી ગુજરાતની પહેલી મુલાકાત છે અને તેની શરૂઆત સોમનાથ દાદાના ચરણોમાં શીશ ઝુકાવીને થઈ છે. તેમણે ઉમેર્યું કે ગુજરાતમાં 'વિકાસની સાથે વિરાસત'નો મંત્ર ગુંજી રહ્યો છે. વાઇબ્રન્ટ ગુજરાત હવે માત્ર રોકાણનું મંચ નથી, પરંતુ વૈશ્વિક વિકાસ અને આંતરરાષ્ટ્રીય ભાગીદારીનું સશક્ત પ્લેટફોર્મ બની ગયું છે.
પોતાના સંબોધનમાં વડાપ્રધાને ભારતની આર્થિક સિદ્ધિઓ પર ભાર મૂક્યો:
વડાપ્રધાન નરેન્દ્ર મોદીએ કહ્યું લાલ કિલ્લા પરથી કહ્યું હતું કે ‘યહી સમય હૈ, સહી સમય હૈ’. વાઇબ્રન્ટ ગુજરાત પણ એ જ સંદેશ આપે છે કે સૌરાષ્ટ્ર-કચ્છમાં રોકાણ માટે આ જ શ્રેષ્ઠ સમય છે.
વડાપ્રધાને સૌરાષ્ટ્ર અને કચ્છના લોકોના પરિશ્રમની પ્રશંસા કરતા કહ્યું કે, જે કચ્છે ભૂકંપ અને જે સૌરાષ્ટ્રે દુષ્કાળ જોયો હતો, તે આજે ભારતની પ્રગતિનું એન્જિન બની ગયું છે.
વડાપ્રધાને અંતમાં જણાવ્યું કે દેશની રાજકીય સ્થિરતાને કારણે દુનિયાની અપેક્ષાઓ ભારત પ્રત્યે વધી છે. તેમણે હળવા અંદાજમાં કહ્યું કે, મેં જ્યારે મોરબી, રાજકોટ અને જામનગરને ‘મિની જાપાન’ બનાવવાની વાત કરી હતી ત્યારે લોકો મજાક ઉડાવતા હતા, પરંતુ આજે તે સત્ય સાબિત થઈ રહ્યું છે.
5.jpg)
