નેપાળના રાજકારણમાં એક ઐતિહાસિક પરિવર્તન જોવા મળી રહ્યું છે. 'Gen-Z' આંદોલન બાદ યોજાયેલી સામાન્ય ચૂંટણીના પરિણામોમાં કાઠમંડુ મહાનગરના પૂર્વ મેયર બાલેન શાહ (Balen Shah) પ્રચંડ બહુમતી તરફ આગળ વધી રહ્યા છે. અત્યાર સુધીના વલણો મુજબ, બાલેન શાહ 30 થી 32 બેઠકો પર આગળ છે, જ્યારે અન્ય પક્ષો માત્ર 5 થી 6 બેઠકો પર સમેટાઈ ગયા હોય તેવું લાગે છે. આ જોતા બાલેન શાહ નેપાળના આગામી વડાપ્રધાન બને તેવી પૂરેપૂરી શક્યતા છે.
કોણ છે બાલેન શાહ? (એન્જિનિયર, રેપર અને રાજનેતા)
રાજકારણમાં આવતા પહેલા જ બાલેન શાહ યુવાનોમાં ખૂબ લોકપ્રિય હતા. તેમનું પૂરું નામ બાલેન્દ્ર શાહ છે અને તેમનો જન્મ 27 એપ્રિલ 1990ના રોજ કાઠમંડુમાં થયો હતો. તેમની પાસે બહુમુખી પ્રતિભા છે:
શિક્ષણ: તેમણે ભારતની કર્ણાટક સ્થિત 'વિશ્વેશ્વરૈયા ટેકનોલોજી યુનિવર્સિટી' (VTU) માંથી સ્ટ્રક્ચરલ એન્જિનિયરિંગમાં M.Tech કર્યું છે.
પ્રોફેશન: તેઓ એક કુશળ એન્જિનિયર હોવાની સાથે જાણીતા રેપર અને સંગીતકાર પણ છે.
સિદ્ધિ: વર્ષ 2023માં 'ટાઈમ મેગેઝીન' (TIME 100 Next) એ તેમને વિશ્વના 100 ઉભરતા નેતાઓની યાદીમાં સ્થાન આપ્યું હતું.
કેટલી છે બાલેન શાહની નેટવર્થ?
રિપોર્ટ્સ અનુસાર, બાલેન શાહની કુલ સંપત્તિ (Net Worth) આશરે 5 થી 6 કરોડ નેપાળી રૂપિયા હોવાનો અંદાજ છે. તેમની માસિક આવક 3 લાખ રૂપિયાથી વધુ હોવાનું મનાય છે. તેમની આવકના મુખ્ય સ્ત્રોત નીચે મુજબ છે:
એન્જિનિયરિંગ બિઝનેસ: તેઓ 'Balen Consulting & Construction Pvt. Ltd' ના મેનેજિંગ ડિરેક્ટર છે. આ ઉપરાંત અન્ય કંપનીઓમાં પણ તેમણે ઉચ્ચ હોદ્દા પર કામ કર્યું છે.
સંગીત અને સોશિયલ મીડિયા: એક રેપર તરીકે તેઓ ટીવી શો, મ્યુઝિક વીડિયો અને સ્ટેજ પરફોર્મન્સ દ્વારા મોટી કમાણી કરે છે. આ સિવાય ફેસબુક, યુટ્યુબ અને ઇન્સ્ટાગ્રામ પર તેમની જબરદસ્ત ફેન ફોલોઈંગ પણ આવકનું માધ્યમ છે.
મેયર તરીકેનો પગાર: કાઠમંડુના મેયર તરીકે તેમને દર મહિને 46,000 નેપાળી રૂપિયા પગાર મળતો હતો.
સાદગીભર્યું જીવન અને પારદર્શી વહીવટ
આટલી લોકપ્રિયતા છતાં બાલેન શાહ ખૂબ જ સાદું જીવન જીવે છે. તેમની પાસે સુઝુકી જેવી સામાન્ય ગાડીઓ છે અને તેઓ પોતાની મિલકતનો દેખાડો કરવાનું ટાળે છે. મેયર તરીકેના તેમના કાર્યકાળ દરમિયાન તેમણે કચરાનું સંચાલન (Waste Management), ડિજિટલ પ્રશાસન અને શહેરી માળખાકીય સુવિધાઓ પર જે રીતે કામ કર્યું, તેના કારણે જ આજે તેઓ નેપાળના સૌથી લોકપ્રિય નેતા અને સંભવિત વડાપ્રધાન તરીકે ઉભરી આવ્યા છે.
