કોર્ટે ટેક કંપનીના માલિકને તેમની ભૂતપૂર્વ પત્નીને 640 મિલિયન ડૉલર ચૂકવવાનો આદેશ આપ્યો

દક્ષિણ કોરિયાની એક કોર્ટે શુક્રવારે અબજોપતિ SK ગ્રુપના ચેરમેન ચે તાઈ-વોનને તેમની ભૂતપૂર્વ પત્નીને 944 બિલિયન વોન (640 મિલિયન ડૉલર) ચૂકવવાનો આદેશ આપ્યો, જેને દક્ષિણ કોરિયન મીડિયાએ 'સદીના છૂટાછેડા' તરીકે ઓળખાવ્યો.

સિઓલ હાઇકોર્ટનો આ નિર્ણય સુપ્રીમ કોર્ટે ચે તાઈ-વોન અને દક્ષિણ કોરિયાના ભૂતપૂર્વ રાષ્ટ્રપતિ રોહ તાઈ-વુની પુત્રી રો સો-યોંગ વચ્ચેના છૂટાછેડા કેસની અપીલ કોર્ટ દ્વારા વધુ સમીક્ષા કરવાનો આદેશ આપ્યા પછી આવ્યો છે.

એક સ્થાનિક અખબારમાં છપાયેલા અહેવાલ મુજબ, 'આ ચુકાદો દક્ષિણ કોરિયાની સુપ્રીમ કોર્ટે ઓક્ટોબર 2025માં મિલકત વિભાગ પર પુનર્વિચાર કરવાના મૂળ નિર્ણયને આંશિક રીતે ઉલટાવી દીધો હતો, છૂટાછેડાને સમર્થન આપ્યું હતું અને ચે તાઈ-વોનને સ્વર્ગસ્થ રાષ્ટ્રપતિ રોહ તાઈ-વુની પુત્રી રો સો-યોંગને ભરણપોષણમાં 2 બિલિયન વોન ચૂકવવાનો આદેશ આપ્યો હતો. તાજેતરના ચુકાદામાં આ રકમ 2024માં કોર્ટે શરૂઆતમાં આપેલા 1.38 ટ્રિલિયન વોન કરતા ખુબ ઓછી છે.'

સિઓલના એક આર્ટ મ્યુઝિયમના ડિરેક્ટર રોહને આપવામાં આવેલું વળતર ગયા વર્ષે હાઈકોર્ટ દ્વારા નક્કી કરાયેલા 1.38 ટ્રિલિયન વોન (940 મિલિયન ડૉલર)ના સમાધાન કરતા ઓછું છે.

ચુકાદા મુજબ, રો સો-યોંગ સંયુક્ત સંપત્તિના કુલ હિસ્સાના ત્રીજા ભાગ માટે હકદાર છે, જ્યારે બાકીનો હિસ્સો ચે તાઈ-વોનને જશે. કોર્ટે કહ્યું કે તેણે લગ્ન સમયે બંને પક્ષોની સંપત્તિ તેમજ સંપત્તિના નિર્માણ અને વૃદ્ધિમાં દરેક વ્યક્તિના યોગદાનની માત્રાને ધ્યાનમાં લીધી છે.

ટ્રાયલ પછી, ચે તાઈ-વોનની કાનૂની ટીમે જણાવ્યું હતું કે, તેઓ કાળજીપૂર્વક સમીક્ષા કર્યા પછી ચુકાદા સામે અપીલ કરવાનું વિચારશે, અને તેમના ક્લાયન્ટને આટલી ચિંતા કરવા બદલ દિલગીરી વ્યક્ત કરી. દરમિયાન, રો સો-યોંગના વકીલ પ્રેસને કોઈ ટિપ્પણી કર્યા વિના કોર્ટરૂમ છોડી ગયા.

ચે તાઈ-વોન સેમસંગ પછી દક્ષિણ કોરિયાના બીજા સૌથી મોટા સમૂહ, SK ગ્રુપના ચેરમેન છે. તેમણે 1988માં બ્લુ હાઉસમાં રો સો-યોંગ સાથે લગ્ન કર્યા હતા, જ્યારે રોહ તાઈ-વુ સત્તામાં હતા. જો કે, આ દંપતી 15 વર્ષથી વધુ સમયથી અલગ રહેતા હોવાનું માનવામાં આવે છે.

ચે તાઈ-વોનને અગાઉ ભરણપોષણ તરીકે 2 બિલિયન વોન (1.3 મિલિયન ડૉલર) ચૂકવવાનો આદેશ આપવામાં આવ્યો હતો. ચે તાઈ-વોન અને રો સો-યોંગના લગ્ન 1988માં થયા હતા અને તેમના 3 બાળકો છે.

ચે તાઈ-વોનને 2017માં છૂટાછેડા માટે અરજી કરી હતી કારણ કે તેણે બીજી સ્ત્રી સાથેના તેમના અફેરનો ખુલાસો કર્યો હતો, જેની સાથે તેને એક બાળક પણ છે.