દુનિયા અજાયબીઓથી ભરેલી છે, અહીં ઘણી એવી ઘટનાઓ બને છે જેને જોઈને લોકો આશ્ચર્યચકિત થઇ જાય છે. ચીનમાં પણ કંઈક આવું જ બન્યું. ચલણી નોટ પર એક છોકરીનો ફોટો છાપવામાં આવ્યો હતો, પરંતુ તે છોકરી કોણ છે તેનાથી લોકો અજાણ હતા. લગભગ 50 વર્ષ પછી, તે છોકરી મળી આવી છે. શાઈ નિયાન નામની આ છોકરી ડોંગ લઘુમતી સમુદાયની એક સામાન્ય ખેડૂત છે. તેનું ઉપનામ 'વન યુઆન ગર્લ' છે, અને તે આખા ચીનમાં આ નામથી જાણીતી છે. ચાલો જાણી લઈએ કે આખો મામલો શું છે.
એક સમાચાર ચેનલના અહેવાલ મુજબ, જ્યારે શાઈ 16 વર્ષની હતી, ત્યારે તે તેની સહેલીઓ સાથે તેના ગામ નજીકના એક બજારમાં ગઈ હતી. ત્યારે તેણે પરંપરાગત ડોંગ કપડાં પહેર્યા હતા અને ચાંદીની મોટી રીંગ કાનમાં પહેરી હતી. જ્યારે તે એક સ્ટોલમાં કોઈ સમાન જોઈ રહી હતી, ત્યારે કોઈએ તેનો હાથ ખેંચી લીધો. આ ઘટનાથી શાઈ ચિંતામાં મુકાઈ ગઈ, પરંતુ તે થોડું હસી હતી, ત્યાં શાઈ નિયાને તેનો ફોટો બનાવડાવ્યો હતો, અને ત્યાર પછી શાઈ આ ઘટનાને સંપૂર્ણપણે ભૂલી ગઈ.
તેણે કહ્યું કે જ્યાં સુધી લોકો એમ ન કહેવા લાગ્યા કે, ચલણી નોટ પર છપાયેલી છોકરી બિલકુલ તેના જેવી જ દેખાય છે, ત્યાં સુધી તેને આ ઘટના યાદ નહોતી. 1988માં, ચીને બે મહિલાઓ દર્શાવતી એક નવી એક-યુઆન નોટ બહાર પાડી હતી, જેમાં એક ડોંગ સમુદાયની અને બીજી યાઓ લઘુમતીમાંથી હતી.
2010માં, અધિકારીઓએ કહ્યું કે, યુઆન ગર્લ બિલકુલ શાઈ નિયાન જેવી દેખાતી હતી અને પછી તેની ખુબ શોધખોળ કરી અને આખરે તે મળી ગઈ. આ ઉપરાંત, ક્વિંગ્યુન શહેરના સરકારી અધિકારીઓએ 2017માં કહ્યું હતું કે તેઓ શરૂઆતથી જ જાણતા હતા કે વન યુઆન ગર્લ ક્વિંગ્યુનની છે, અને આ છોકરીની હેરસ્ટાઇલ અને વાળની લટ પરથી સ્પષ્ટ થાય છે. જોકે શાઈ નિયાન એ જાણીને બિલકુલ ખુશી ન થઇ કે તેને ચલણી નોટ પર છાપવામાં આવી છે, તે પહેલાની જેમ પોતાનું જીવન જીવતી રહી.
શાઈ છ ભાઈ-બહેનોમાં સૌથી મોટી હતી અને બાળપણથી જ તેના પરિવાર સાથે કામ કરતી હતી. તે તેના ગામમાં તેના વાળ માટે પ્રખ્યાત હતી અને તેને ગામનું ફૂલ કહેવામાં આવતી હતી. તેના લગ્ન 23 વર્ષની ઉંમરે થયા હતા અને તેને એક પુત્ર અને એક પુત્રી છે. પરંતુ તેના પરિવારે ક્યારેય ચલણી નોટ પર છપાયેલી હોવાથી તેની પ્રસિદ્ધિનો લાભ લીધો નહીં અને સરકારી સહાયની વિનંતી પણ ન કરી.
